بۇدان كەيىن مەرەكەلىك شارا قىمىزمۇرىندىق مەرەكەسىنە جالعاسىپ, قالا تۇرعىندارى مەن قوناقتارىنا ساۋمال قىمىز, بەستى قىمىز تۇرلەرى ۇسىنىلدى. ورتالىق الاڭدا حالىق نازارىنا «ىنتىماق. بايلىق. كەلىسىم. ەڭ باستى بايلىق ەل ءۇشىن» اتتى قالالىق مادەنيەت ءۇيى, دوستىق ءۇيىنىڭ ءتۇرلى ەتنو مادەني ورتالىقتارىمەن ۇيىمداستىرىلعان كونتسەرتتىك باعدارلاما قويىلىپ, شىعىس حالىقتارىنىڭ ۇلتتىق ويىندارى ناسيحاتتالدى. سەمەيدىڭ كىتاپحانا, مۋزەيلەرىندە بۇل كۇنى «اشىق ەسىك كۇنى» ءوتتى. سونداي-اق, تۇستەن كەيىن ورتالىق مادەني ساياباقتا «بەرەكەلى بەيبىت ەل» اتتى كونتسەرتتىك باعدارلاما وتكىزىلمەك.
- «قىمىزمۇرىندىق» مەرەكەسىن قازاقستان حالىقتارى بىرلىگى كۇنىنە ورايلاستىرىپ وتىرعانىمىزدىڭ سىرى ۇلكەن,-دەدى سەمەيدەگى مۇسىلمان ايەلدەر وداعىنىڭ ءتورايىمى گۇلجيھان جۇماتاەۆا,-قازاق حالقىنىڭ جايلاۋعا شىعىپ, بيە بايلاپ, العاش رەت قىمىز ىشكەندە جاسايتىن تويى. تويعا تۋعان-تۋىس, جەكجات-جۇراعات, كورشى-قولاڭنىڭ بارلىعى جينالادى. كوشپەندى قازاق ءوز تىرلىگىندە ءبىر ماۋسىمدا عانا ەمەس, جىل بويى بيە بايلاپ, قىمىز اشىتۋدىڭ سىرىن بىلگەن.وسى شارانى ۇيىمداستىرۋشىلاردىڭ قاتارىندا «احاۋ, سەمەي» ەتنومادەني ورتالىعىنىڭ اجەلەرى مەن «مۇسىلمان ايەلدەرى وداعىنداعى» اق جاۋلىقتى انالار جانە قازاق الەۋمەتتىك مادەني ورتالىعى مەن ورتالىق ساياباق ۇجىمى دا بار. مەرەكەگە كەلگەندەردىڭ بارلىعىنا تەگىن قىمىزدى كەسەلەرىنە تولتىرا-تولتىرا قۇيىپ بەردىك. بەرىسى 700 ليتر, ارىسى 1000 ليتر قىمىز ءىشىلدى.
مەرەكەدە سەمەيدەگى دوستىق ءۇيىنىڭ بارلىق ەتنومادەني ورتالىقتارى مەن ءتۇرلى ۇلت وكىلدەرى ءوز قولدارىمەن جاساعان كوركەمونەر تۋىندىلارىنان كورمە ۇيىمداستىرىلدى.
- كەز كەلگەن ۇلتتىڭ سالت-ءداستۇرى بار, ولاردىڭ بارلىعى دا باۋىرمالدىقتى ناسيحاتتايدى,-دەدى مەرەكەگە قاتىسۋشى تاتار مادەني ورتالىعىنىڭ ءتورايىمى كاميليا يسمايلوۆا,-تاۋەلسىزدىك العاننان بەرى كوپتەگەن سالت-ءداستۇرىمىز, ۇلتتىق مەرەكەلەرىمىز قايتا ورالدى. تاتارلاردىڭ «سابانتويى», شىعىس حالقىنىڭ «ناۋرىزى» نەمەسە وسىنداي «قىمىزمۇرىندىق» مەرەكەلەرى ەل بىرلىگىنىڭ دالەلى دەي الامىن.
راۋشان نۇعمانبەكوۆا
