رۋمىنيادان كەلگەن دەلەگاتسيامەن اتىراۋ وبلىسى اكىمىنىڭ ءبىرىنشى ورىنباسارى ساعىندىق لۇقپانوۆ كەزدەستى. شەتەلدىك قوناقتاردىڭ كەلۋدەگى باستى ماقساتى - ەكى ەل اراسىنداعى تىعىز ىسكەرلىك جانە ساۋدا-ەكونوميكالىق ىنتىماقتاستىق ورناتۋ.
رۋمىنيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چەزار مانولە ارميانۋدىڭ ايتۋىنشا, قازاقستان مەن رۋمىنيانى ۇزاق مەرزىمدى ساۋدا قاتىناستارى بايلانىستىرادى.
- اتىراۋ وبلىسىمەن ىنتىماقتاستىق ساندارمەن ەرەكشەلەنەدى - ءبىزدىڭ ەلدەرىمىزدىڭ اراسىنداعى تاۋار اينالىمى جىل سايىن ارتىپ كەلەدى, سونىمەن قاتار, مۇناي-گاز سالاسىنداعى ىنتىماقتاستىق دا دامي ءتۇستى. مىسالى, اتىراۋ وبلىسىنان ەۋروپاعا ەكسپورتتالاتىن مۇناي رۋمىنياعا كەلەدى, وندا ول ەكى مۇناي وڭدەۋ زاۋىتىندا وڭدەلەدى,- دەيدى چەزار مانولە ارميانۋ.
رۋمىنيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسىنىڭ ايتۋىنشا, شەتەلدىك قوناقتار قازاقستانمەن ءارتۇرلى سالادا - اۋىل شارۋاشىلىعىندا, ءبىلىم سالاسىندا, IT تەحنولوگيالارى سالاسىندا سەرىكتەستىك ورناتقىسى كەلەدى.
-وڭىرگە كەلۋ بارىسىندا ەكى كەلىسىم-شارتقا قول قويعىمىز كەلەدى ء–بىرى اتىراۋ مۇناي جانە گاز ۋنيۆەرسيتەتىمەن مۇناي-گاز سالاسىنداعى ءبىلىم باعىرتىنداعى جوبالارعا, ەكىنشىسى - پراحوۆ قالاسى ساۋدا-ونەركاسىپ پالاتاسى مەن وڭىرلىك كاسىپكەرلەر پالاتاسى اراسىندا. سونداي-اق, اتىراۋدا رۋمىنيانىڭ قۇرمەتتى كونسۋلدىعىن اشقىمىز كەلەدى, - دەيدى شەتەلدىك دەلەگاتسيا باسشىسى.
اتىراۋ وبلىسى اكىمىنىڭ ءبىرىنشى ورىنباسارى ساعىندىق لۇقپانوۆ رۋمىندىق دەلەگاتسيانىڭ باستاماسىن قولدايتىنىن ايتىپ, بارلىق باستامالارعا ساتتىلىك تىلەدى.
- بۇگىن ءبىزدى اتىراۋ وبلىسىنىڭ بيزنەس قاۋىمداستىعىمەن, اتىراۋ مۇناي جانە گاز ۋنيۆەرسيتەتىنىڭ رەكتورىمەن, اتىراۋ وبلىسىنىڭ ۇكپ وكىلدەرىمەن كەزدەسۋ كۇتۋدە, وزگە دە باستامالارىڭىز قولداۋ تاباتىنىنا سەنىمدىمىن », - دەدى ساعىندىق لۇقپانوۆ.
