كەزدەسۋدى اشقان م.لايچاك حالىقارالىق قوعامداستىققا جانجالداردىڭ سالدارىن جويۋعا ەمەس ولاردى بولدىرماۋعا باعىتتالعان كۇش-جىگەردى جۇمىلدىرۋدىڭ ماڭىزى زور ەكەنىن اتاپ ءوتتى. ونىڭ ويىنشا قازىرگى كەزدە بەيبىتشىلىكتى ساقتاۋ بويىنشا ەسكى تاسىلدىەردى رەفورمالاۋ قاجەت, سەبەبى ولار «سانسىز ادام ومىرلەرى مەن ميللياردتاعان دوللاردان» تۇرادى.
بۇۇ باس حاتشىسى انتونيو گۋتەرريش ءوز سوزىندە ادامزات بىرقاتار ماڭىزدى كورسەتكىشتەر بويىنشا «العا قاراي ەمەس, ارتقا قاراي جىلجۋدا» دەپ اتاپ ءوتتى. شيەلەنىستەگى ەلدەردىڭ سانى سوڭعى ءۇش ونجىلدىقتىڭ ىشىندە ەڭ جوعارى سانعا جەتتى; قالا تۇرعىنداردىڭ رەكوردتى سانى قارۋ-جاراقتان مەرت بولدى; زورلىق-زومبىلىقتان, سوعىس پەن قۋدالاۋدان قاشىپ ۇيلەرىنەن كەتۋگە ءماجبۇر بولعان ادامداردىڭ سانى الدىڭعى كورسەتكىشتەردەن اسىپ ءتۇستى. «بەيبىتشىلىككە قولجەتكىزۋ ءۇشىن ءبىز وسى قۇبىلىستارمەن كۇرەسۋىمىز كەرەك», - دەدى بۇۇ باسشىسى. ول ءۇشىن بەيبىتشىلىك قۇرۋ ماسەلەلەرىن شەشۋدىڭ كەشەندى ءادىسىن قولدانۋ قاجەت, ال جانجالداردى بولدىرماۋ باسىمدى بولۋ قاجەت. سونداي-اق, جانجالداردىڭ تۇبەگەيلى سەبەپتەرىن جويىپ, ونىڭ ىشىندە ورنىقتى دامۋ مەن ادام قۇقىقتارى سالاسىنداعى شارالاردى ىسكە اسىرۋ جولىمەن شەشۋ قاجەت.
قازاقستاننىڭ تۇراقتى وكىلى قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆتىڭ اتىنان سويلەگەن سوزىندە بۇۇ بەيبىتشىلىك قۇرۋ پەن ساقتاۋعا باعىتتالعان مانداتى بار نەعۇرلىم زاڭدى جانە كوپجاقتى ۇيىم ەكەنىن اتاپ ءوتتى. بۇۇ-نىڭ وسى سالاداعى قىزمەتىنىڭ ۇلگىسى رەتىندە قازاقستاننىڭ باستاماسىمەن قۇرىلعان بۇۇ-نىڭ ورتالىق ازياداعى الدىن-الۋ ديپلوماتياسىنىڭ ايماقتىق ورتالىعى بولىپ تابىلادى.
ءىس-شارا قاتىسۋشىلارى قازاقستاننىڭ حالىقارالىق بەيبىتشىلىك پەن قاۋىپسىزدىكتى نىعايتۋ سالاسىنداعى پراكتيكالىق قادامدارى مەن جيناعان تاجىريبەسىمەن تانىستىرىلدى. اتاپ ايتقاندا, قازاقستان يادرولىق قارۋسىزدانۋ جانە تاراتپاۋ سالاسىنداعى كوشباسشى بولىپ تابىلاتىنى تۋرالى اتاپ ءوتىلدى. ءبىزدىڭ ەلىمىزبەن سەمەي يادرولىق پوليگونى جابىلعان ەدى,سونداي-اق قازاقستان باستاماسىمەن 29 تامىز كۇنى يادرولىق سىناقتارعا قارسى حالىقارالىق كۇن دەپ جاريالاندى.
قازاقستاننىڭ باسقا باستامالارىنىڭ قاتارىندا 2016 جىلعى پرەزيدەنت نۇرسۇلتان نازارباەۆتىڭ «الەم. XXIعاسىر» مانيفەسى حالىقارالىق قوعامداستىققا سوعىس اپاتىنان ارىلۋعا مۇمكىندىك بەرەتىن باسشىلىق قاعيدالارىن قامتيدى. قازاقستان ازياداعى بەيبىتشىلىك پەن تۇراقتىلىقتى قامتاماسىز ەتۋگە سەپتىگىن تيگىزەتىن 26 مەملەكەت مۇشە اوسشك-ءنىڭ نەگىزىن قالاۋشى.26 مۇشە مەملەكەتىن بىرىكتىرگەن اوسشك-ءنىڭ نەگىزىن قالاۋشىسى بۇلۇيىم ەتۋدە.
ءبىزدىڭ ەلىمىز بارلىق كەلىسپەۋشىلىكتەر مەن قاقتىعىستاردى شەشۋدىڭ نەگىزگى قۇرالى رەتىندە ديپلوماتيا مەن بەيبىتشىلىك كەلىس سوزدەرىن قولدايدى. وسى ۇستانىمعا سايكەس قازاقستان سيريا ماسەلەسى جانە ودان بۇرىن دا يران يادرولىق ماسەلەسى بويىنشا بەيبىت كەلىسسوزدەر جۇرگىزۋ ءۇشىن ءوز الاڭىن ءساتتى ۇسىنۋدا.
ءبىزدىڭ ەلىمىز جانجالداردى بولدىرماۋ جانە بەيبىت جولمەن شەشۋدەدىن باسشىلارىنىڭ بەلسەندى قاتىسۋىن قولدايدى. وسىعان وراي, استانا 2003 جىلدان باستاپ الەمدىك جانە ءداستۇرلى دىندەر ليدەرلەرىنىڭ سەزدەرىن ءساتتى وتكىزىپ كەلەدى. وسى تۇرعىدا بۇۇ-عا سەز قىزمەتىن قولدايتىنى ءۇشىن العىس ءبىلدىرىلدى.
