سەمينار يسلامدىق بانك قىزمەتىن رەتتەۋدىڭ باستى قاعيدالارى, ونىڭ ىشىندە يسلامدىق «تەرەزەلەر», تاۋەكەل-مەنەدجمەنت, كاپيتال جەتكىلىكتىلىگى جانە يسلامدىق قارجىلاندىرۋ قاعيداتتارىنا سايكەس باسقارۋ جۇيەلەرى بولىگىندە IFSB ستاندارتتارىن ەگجەي-تەگجەيلى جانە پراكتيكالىق زەردەلەۋگە باعىتتالعان.
يسلامدىق قارجىلاندىرۋ دەپارتامەنتىنىڭ ديرەكتورى الىبەك نۇربەكوۆ يسلامدىق قارجى احقو قىزمەتىنىڭ باسىم باعىتتارىنىڭ ءبىرى ەكەندىگىن اتاپ ايتتى.
«سەمينار يسلامدىق قارجىلاندىرۋ سالاسىنداعى كاسىبي دامۋعا باعىتتالعان احقو-نىڭ كوپ باستامالارىنىڭ ءبىرى. وسىنداي ءىس-شارالاردىڭ وتكىزىلۋى وڭىردەگى قارجى قىزمەتتەرىنىڭ يسلام يندۋسترياسىنداعى ادامي كاپيتالدى دامىتۋعا ىقپال ەتەدى جانە تۇتاستاي العاندا احقو-نى يسلامدىق قارجىلاندىرۋدىڭ وڭىرلىك حابى رەتىندە قالىپتاستىرۋعا جاردەمدەسەدى», – دەدى ءا. نۇربەكوۆ.
سەمينار جۇمىسىنا احقو وكىلدەرى, تمد ەلدەرىنىڭ ورتالىق بانكتەرىنىڭ وكىلدەرى, قازاقستان رەسپۋبليكاسى مينيسترلىكتەرىنىڭ وكىلدەرى جانە دە تمد قارجى ينستيتۋتتارى مەن قازاقستاندىق قارجى نارىعىنىڭ وكىلدەرى قاتىستى.
IFSB – يسلامدىق قارجى ينستيتۋتتارىن ءتيىمدى باقىلاۋ جانە رەتتەۋگە ارنالعان ستاندارتتاردى ازىرلەيتىن حالىقارالىق ورگان. IFSB ءوز قۇزىرەتى شەڭبەرىندە يسلام قارجى سالاسىنا ارنالعان پرۋدەنتسيالىق ستاندارتتاردى ازىرلەيدى, سونداي-اق يسلامدىق قارجىلاندىرۋدىڭ (بانكينگ, ساقتاندىرۋ, كاپيتال نارىعى) قاداعالاۋ جانە رەتتەۋ ستاندارتتارىن جاريالايدى. احقو IFSB-گە 2017 جىلى كىردى.
