قىتايدا تۋىپ-ءوسىپ, سوڭعى ءدامىن تاريحي اتاجۇرتىندا تاتقان قالامگەردىڭ قازاق رۋحانياتىنىڭ قورجىنىنا سالعان قازىناسى از ەمەس. وعان وسى جولعى كوپتومدىقتىڭ ءوزى كۋا. وتكەن جىلى عانا زەينوللا سانىك پەن ونىڭ قىزى جانات زەينوللاقىزى بىرلەسىپ جازعان ۇلتتىق بولمىس پەن قازاق حالقىنىڭ شىعۋ تاريحىن كەڭ كولەمدە قامتيتىن «قازاق ەتنوگرافياسى» كىتابى جارىق كورگەن بولاتىن. بۇل جولى وقىرمان قاۋىمعا جالپى سانى 20 كىتاپتان تۇراتىن كوپتومدىق ۇسىنىلدى. ونىڭ ەكەۋى شəمشابانۋ حامزاقىزىنىڭ ولەڭدەر جيناعى بولسا, قالعانى تۇگەل زەينوللا شىعارماشىلىعى.
جيىندا كىتاپتىڭ بەتاشار لەنتاسىن قيعان اكادەميك سەيىت قاسقاباسوۆ قالامگەردىڭ ناقتى دەرەكتەر, شىنايى وقيعالار نەگىزىندە جازىلعان شىعارمالار ارقىلى قازاق رۋحانيتىنا سۇبەلى ۇلەس قوسقانىن ايتا كەلىپ, «بۇل ەڭبەكتى əرمەن قاراي عىلىمي اينالىمعا ەنگىزۋ كەرەك», – دەدى. پروفەسسور سەرىك نەگيموۆ قالامگەر شىعارمالارىنداعى تاريحي وبرازدار, əدەبي-كوركەمدىك ەرەكشەلىكتەرگە باسا نازار اۋدارىپ, ناقتى مىسالدارمەن دəلەلدى پىكىرلەرىن ورتاعا سالدى. ال تاريح عىلىمدارىنىڭ دوكتورى, پروفەسسور جامبىل ارتىقباەۆ «زەينوللا سəنىكتىڭ ەڭبەكتەرى – ەتنوگرافتار ءۇشىن وتە پايدالى رۋحاني قازىنا. ويتكەنى, ول كىسى شەجىرە مەن ءدəستۇردى جاقسى بىلگەن. الداعى ۋاقىتتا ز.سəنىكتىڭ ەڭبەگى نەگىزىندە 2 تومدىق «قازاق ەتنوگرافياسى» وقۋلىعىن شىعارىپ, عىلىمي اينالىمعا ەنگىزىپ, ستۋدەنت-ماگيسترلەرگە وقىتۋدى جوسپارلاپ وتىرمىز», – دەدى. قالامگەر شىعارماشىلىعىنىڭ ناتيجەسى دە وسى شىعار بالكىم. فيلولوگيا عىلىمدارىنىڭ دوكتورى, پروفەسسور دۇكەن ءمəسىمحان ۇلىنىڭ «زەينوللا سəنىك قازاق فولكلورى مەن تاريحىن تەرەڭ بىلگەن, كونەكوز شەجىرەشىلەردەن كوپ دۇنيەنى كوكەيگە ءتۇيىپ, قاعازعا تۇسىرگەن, مۇراعاتتاردان جيناعان دۇنيەلەرى مەن جاپالى ەڭبەگىنىڭ جەمىسى رەتىندە وسى كىتاپتار جارىق كوردى. ونىڭ ءəربىر شىعارماسى قازاق رۋحانياتىنا ولجا سالاتىن سوم-سوم دۇنيەلەر. تۇتاس ينستيتۋت قىزمەتكەرلەرى جابىلىپ جاسايتىن جۇمىستى ءبىر ءوزى ىستەگەن», – دەۋى دە قالامگەر ەڭبەگىنە بەرىلگەن ارتىق باعا ەمەس.
ۇلتتىق اكادەميالىق كىتاپحانانىڭ قولداۋىمەن «زەينوللا سəنىك اتىنداعى مəدەنيەت قورى» ۇيىمداستىرعان شارانى بەلگىلى ايتىسكەر اقىن سەرىكزات دۇيسەنعازين جۇرگىزدى. جيىن سوڭىندا اقىن شəمشابانۋ حامزاقىزى ءسوز سويلەپ, جاستاردىڭ ۇلت مادەنيەتىنە, عىلىمعا باۋلۋ كەرەكتىگىن ايتىپ, جينالعان قاۋىمعا العىسىن ءبىلدىردى.
ۇلاربەك نۇرعالىم ۇلى,
«ەگەمەن قازاقستان»
