رۋسلان دالەنوۆتىڭ ايتۋىنشا, جاڭا فورمات ءۇش بلوكقا بولىنەدى: ىسكەرلىك باعدارلاما, ستراتەگيالىق سەسسيا جانە زەرتتەۋ. فورۋم ءىس-شارالارىنىڭ تۇجىرىمداماسى ينتەراكتيۆتى شارالار ارقىلى كەڭەيتىلەتىن بولادى. فورۋمنىڭ بارلىق الاڭدارىندا جاڭا زاماناۋي مۋلتيمەديالىق شەشىمدەر قولدانىلادى: TED talks, ۆيزيونەرلەردىڭ باياندامالارى, يننوۆاتسيالىق پرەزەنتاتسيالار, كوپشىلىك الدىنداعى سۇحبات, ارنايى ۆوركشوپتار جانە ت.ب.
بۇدان وزگە, ساراپتامالىق پىكىرتالاستىڭ جوعارى دەڭگەيى بەلگىلەنەدى. فورۋمعا الەمدىك زياتكەرلىك ەليتا, الەمدىك كورپوراتسيالاردىڭ باسشىلارى, عالامدىق ستارتاپشىلار, تانىمال فۋتۋرولوگتار, شەتەلدىك جانە وتاندىق ساياساتكەرلەر, بەدەلدى ەكونوميستەر مەن عالىمدار, نوبەل سىيلىعىنىڭ لاۋرەاتتارى شاقىرىلدى.
«استانا ەكونوميكالىق فورۋمى الەمدىك ينتەللەكتۋالدى ارەنادا قازاقستاندى حالىقارالىق جايعاستىرۋدىڭ جاڭا جۇيەسىنىڭ قوزعالتقىشتارىنىڭ ءبىرى سانالادى. فورۋمنىڭ ارقاسىندا ەل برەندى عالامدىق ساراپشىلار جەلىسى ارقىلى دامىپ كەلەدى», دەدى رۋسلان دالەنوۆ.
سونىمەن بىرگە, اەف تۇجىرىمدامالىق الەمدىك يدەيالاردى تالقىلاۋدىڭ ديالوگتىق الاڭىنا اينالۋدا. پىكىرلەرمەن جانە سوڭعى عىلىمي-پراكتيكالىق جەتىستىكتەرمەن الماسۋ الەم مەن قازاقستان ءۇشىن ءتيىمدى شەشىمدەر مەن تاجىريبەلىك ۇسىنىستاردى ازىرلەۋگە مۇمكىندىك بەرەدى. سونداي-اق, جاھاندىق ينۆەستورلاردىڭ قىزىعۋشىلىعى دا ارتا تۇسپەك. ۇلتتىق ەكونوميكانىڭ ءبىرىنشى ۆيتسە-ءمينيسترىنىڭ ايتۋىنشا, فورۋم شەتەلدىك ينۆەستورلاردى تارتاتىن ماگنيت سەكىلدى, قازاقستاننىڭ جانە الەمنىڭ جەتەكشى بيزنەسمەندەرى كەزدەسەتىن ورىن.
«اەف ەكونوميكالىق عىلىم بويىنشا الەمنىڭ ەڭ ۇزدىك عالىمدارى مەن ساراپشىلارىنىڭ, نوبەل سىيلىعى لاۋرەاتتارىنىڭ باس قوساتىن الاڭىنا اينالدى, مۇندا جاس قازاقستاندىق ەكونوميستەر قۇندى ءبىلىم مەن تاجىريبە الادى», دەپ تۇيىندەدى ر. دالەنوۆ.
بۇدان وزگە, ۇلتتىق ەكونوميكا بىرىنشى ۆيتسە-ءمينيسترى فورۋمدا مەملەكەتتەر, قالالار مەن كومپانيالار اراسىندا بىرقاتار ماڭىزدى كەلىسىمدەرگە قول قويۋ جوسپارلانعانىن اتاپ ءوتتى.
