«2018 جىلدىڭ ناۋرىز ايىنىڭ ناتيجەلەرى بويىنشا قازاقستاندىق كاسىپورىنداردىڭ كونۆەيەرلەرىنەن 2 580 بىرلىك اۆتوكولىك قۇرالدارى شىعارىلدى, بۇل 2017 جىلدىڭ ناتيجەلەرىنەن 2,1 ەسە ارتىق. I توقساننىڭ قورىتىندىلارى بويىنشا وتاندىق اۆتوزاۋىتتار 5 396 بىرلىك اۆوكولىك وتكىزدى, بۇل وتكەن جىلعى ماننەن 2 ەسە جوعارى. قازاۆتوپروم كاسىپورىندارىنىڭ نارىقتىق ۇلەسى 45,9% دەيىن ارتتى, وتكەن جىلى بۇل كورسەتكىش 31,7% بولعان ەدى», دەپ مالىمدەدى «كازاۆتوپروم» قازاقستاننىڭ اۆتوموبيل سالاسىنداعى كاسىپورىندار وداعى» زتب ديرەكتورلار كەڭەسىنىڭ توراعاسى ولەگ الفيوروۆ.
سونىمەن قاتار, اعىمداعى جىلدىڭ I توقسانىندا رەسپۋبليكامىزدىڭ تۇرعىندارى قازاقستاندا قۇراستىرىلعان جاڭا جەڭىل اۆتوموبيلدەردى ساتىپ الۋ ءۇشىن 26,2 ملرد تگ جۇمساعان, بۇل 2017 جىلعى كورسەتكىشپەن سالىستىرعاندا 2,5 ەسە ارتىق.
سپيكەردىڭ ايتۋىنشا, جەرگىلىكتى قۇراستىرىلعان اۆتوموبيلدەر سەگمەنتىندەگى ۇستەم جايعاسىم «ازيا اۆتو» اق تيەسىلى – 3 212 بىرلىك ساتىلعان اۆتوموبيل نەمەسە وتاندىق تەحنيكانىڭ جيىنتىق وتكىزۋدىڭ 59,5%. «سارىارقااۆتوپروم» جشس 1 898 بىرلىك اۆتوموبيل وتكىزگەن. ودان ءارى وتاندىق اۆتووندىرۋشىلەردىڭ ءونىمىن وتكىزۋ رەيتينگىندە «سەماز» جشس «كاماز-ينجينيرينگ» اق, «Hyundai Trans Auto» جشس جانە «Daewoo Bus Kazakhstan» جشس جايعاسقان.
