قازاقستاندىق دەلەگاتسيا قۇرامىندا وتاندىق بيزنەستىڭ 50-دەن استام وكىلى بار.
سەۋلدە قازاقستان دەلەگاتسياسىنىڭ مۇشەلەرى Infrastructure investor Seoul Summit 2018 قاتىستى. سامميت اياسىندا ينۆەستيتسيالىق اعىنداردىڭ نەگىزگى جاھاندىق ۇردىستەرى قارالىپ, ينفراقۇرىلىمعا, جاڭارتىلاتىن ەنەرگيا كوزدەرىنە جانە باسقا دا پەرسپەكتيۆالى سالالارعا ينۆەستيتسيالار سالۋ ماسەلەلەرى تالقىلاندى.
سونداي-اق قازاقستاندىق وكىلدەر Global Project 2018 فورۋمىندا قازاقستانداعى مەملەكەتتىك-جەكەشەلىك ارىپتەستىك جوبالارى تۋرالى بايانداما جاسادى.
قر ينۆەستيتسيالار جانە دامۋ ۆيتسە-ءمينيسترى ارىستان قابىكەنوۆ كورەيانىڭ جىل سايىنعى كولىك–لوگيستيكالىق اۋقىمدى شاراسى Korea MAT اشىلۋىنا قاتىستى.
بۇدان وزگە, ارىستان قابىكەنوۆ كورەيانىڭ كولىك, جەر جانە ينفراقۇرىلىم ءمينيسترى كيم يۋنميمەن جانە ءىرى كولىك كومپانيالارىنىڭ باسشىلارىمەن كورەيانىڭ حالىقارالىق كورمە ورتالىعىنداعى (KINTEX) كورمەنى اشتى. كورمەدە لوگيستيكا, ساقتاۋ, سۇرىپتاۋ جانە ت.ب. جونىندەگى تاقىرىپتىق پاۆيلوندار ۇسىنىلدى.
KINTEX كورمەسى اياسىندا ىنتىماقتاستىقتى دامىتۋ بويىنشا وڭتۇستىك كورەيانىڭ ءىرى كومپانيالارىنىڭ وكىلدەرىمەن جەكەلەگەن كەزدەسۋلەر وتكىزىلدى. اتاپ ايتقاندا, لوگيستيكا جانە كولىكتىك قىزمەت كورسەتۋ سالاسىنداعى ىنتىماقتاستىق كەلەشەگى ماسەلەلەرى Pantos كومپانياسىنىڭ باسشىسى يۋنحو ليمەن جانە كولىك ءمينيسترى كيم يۋنميمەن كەزدەسۋ بارىسىندا تالقىلاندى.
SK جانە Korea Expressway Corporation-مەن كەزدەسۋ كەزىندە ارىستان قابىكەنوۆ ۇلكەن الماتى اينالما اۆتوكولىك جولىنىڭ قۇرىلىسى ء(ۇاااج) قازاقستانداعى ەڭ ماڭىزدى ينفراقۇرىلىمدىق جوبالاردىڭ ءبىرى ەكەنىن ايتىپ ءوتتى. SK كومپانياسىنىڭ پرەزيدەنتى دجەيسون ان اتالعان جوبانى ىسكە قوسۋ كومپانيانىڭ قازاقستانمەن ءار ءتۇرلى باعىتتارداعى ىنتىماقتاستىعىن نىعايتۋدىڭ العاشقى قادامى ەكەنىن مالىمدەدى. دجەيسون ان, سونىمەن قاتار, ءۇاااج ىسكە قوسىلعاننان كەيىن بىرقاتار كورەيالىق كومپانيالار اراسىندا قازاقستانعا دەگەن قىزىعۋشىلىقتىڭ ايتارلىقتاي ارتقانىن اتاپ ءوتتى.
ءوز كەزەگىندە, Korea Expressway Corporation وكىلدەرى اۆتوماگيسترالدار قۇرىلىسى مەن ونداعى قىزمەت كورسەتۋ سالاسىنداعى يننوۆاتسيالار تۋرالى ايتىپ بەردى. بۇل كومپانيا كورەيادا 4 700 شاقىرىم اقىلى جولدارعا قىزمەت كورسەتەدى. كەزدەسۋ بارىسىندا «قازاۆتوجول» اق-مەن جول قۇرىلىسى جانە جاڭا تەحنولوگيالاردى ەنگىزۋ سالاسىنداعى ىنتىماقتاستىقتى نىعايتۋ تۋرالى كەلىسىمگە قول جەتكىزىلدى.
Hyundai Corporation-مەن كەزدەسۋدە اگروونەركاسىپ كەشەنىنىڭ قاجەتتىلىكتەرى ءۇشىن جابدىقتار شىعارۋ ماسەلەلەرى قارالدى.
«قازاقستاننىڭ اۋىل شارۋاشىلىعى تەحنيكاسىن شىعارىپ, ولاردى رەسەي مەن ورتالىق ازيا ەلدەرىنىڭ نارىقتارىنا ەكسپورتتاۋعا ۇلكەن الەۋەتى بار», — دەدى Hyundai Corporation ۆيتسە-پرەزيدەنتى گرەگ نام.
«ينۆەستيتسيا اپتالىعى» اياسىندا Kazakh Invest باسقارما توراعاسىنىڭ ورىنباسارى رۋستام يساتاەۆ پەن Korea Trade-Investment Promotion Agency ۆيتسە-پرەزيدەنتى ۆون-سوك يۋن ىنتىماقتاستىق تۋرالى مەموراندۋمعا قول قويدى.
سونىمەن قاتار, قازاقستاندىق دەلەگاتسيا مۇشەلەرى Dongbu Express, Daedong Industrial, DaeO, Green Technology Centre, Doosan Heavy Industry, SAJO Group, «Nexen Tire, Hyundai Glovis, Soosang ST, كت, BNK Capital جانە ت.ب. كومپانيالارمەن كەلىسسوزدەر جۇرگىزدى.
«ينۆەستيتسيا اپتالىعىن» جالعاستىرۋ ماقساتىندا قازاقستاندىق-كورەيالىق ينۆەستيتسيالىق بيزنەس-فورۋمدى وتكىزۋ جوسپارلانىپ وتىر, وعان وڭتۇستىك كورەيانىڭ 200-دەن استام كومپانياسى قاتىسادى دەپ كۇتىلۋدە.
