باتىس قازاقستان, اتىراۋ, اقتوبە, ماڭعىستاۋ وبلىستارىندا ىرىكتەۋ سايىستارىنان وتكەن 21 قاريا بايقاۋعا قاتىسىپ, باق سىنادى. ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا اتىراۋ وبلىسى اكىمدىگى, وبلىستىق مادەنيەت, ارحيۆتەر جانە قۇجاتتاما باسقارماسى, «ارداگەرلەر ۇيىمى» رەسپۋبليكالىق قوعامىنىڭ وبلىستىق فيليالى, وبلىستىق تاريحي-ولكەتانۋ مۋزەيى ۇيىمداستىرعان شارا «باتامەنەن ەل كوگەرەر» دەپ اتالدى.
«سايىسقا قاتىسۋشىلار «ەل ەسىندەگى باتالار» تاقىرىبىنداعى ءبىرىنشى كەزەڭدە تاريحتا اتتارى قالعان تۇلعالاردىڭ باتالارىن ايتتى. ۇلتتىق سالت-داستۇرلەرگە بايلانىستى ساۋالدارعا جاۋاپ بەرىپ, بىلگەندەرىمەن ءبولىستى. شارانى تاماشالاۋعا جاستار كوپ جينالدى», دەيدى وبلىستىق تاريحي-ولكەتانۋ مۋزەيىنىڭ باسشىسى راشيدا حاريپوۆا.
باتاگوي قاريالاردىڭ ونەرىن تاريح عىلىمدارىنىڭ دوكتورى, «ارداگەرلەر ۇيىمى» رەسپۋبليكالىق قوعامدىق بىرلەستىگى توراعاسىنىڭ ءبىرىنشى ورىنباسارى ومىرزاق وزعانباەۆ باستاعان قازىلار القاسى باعالادى. باس جۇلدەنى باتىس قازاقستان وبلىسىنىڭ اتىنان قاتىسقان ەرتاي سەردالين جەڭىپ الدى. ءبىرىنشى ورىندى اتىراۋلىق ۋاحيت ءادىلوۆ يەلەندى. بارلىق جۇلدەگەرلەرگە ارنايى سىيلىقتار تابىستالدى. شارا بارىسىندا, سونداي-اق, «باتامەن ەل كوگەرەر» اتتى جاڭا كىتاپتىڭ تۇساۋكەسەر ءراسىمى جاسالدى.
باقىتگۇل باباش,
«ەگەمەن قازاقستان»
اتىراۋ
