شارادا بەلگىلى وپەرا ءانشىسى جۇلدىز ۋاليحان, تانىمال بالەت ءارتىسى دوسجان تابىلدى جانە باسقالار ءوز ونەرلەرىن قالىڭ كورەرمەندەرگە پاش ەتتى.
العاش رەت قازاقستاندىق قانا ەمەس, سونىمەن بىرگە الەمدىك ساحنادا ونەر كورسەتەتىن بىرەگەي وپەرا ءانشىسى ەرەكشە شوۋدى جاڭاشا فورماتتا ۇسىندى.
شوۋ ايگىلى الەمدىك وپەرا, حالىق اندەرىمەن قاتار, بالەتتىڭ جاڭاشا قويىلىمدارىنان تۇردى. مۋزىكالىق نومىرلەر دىبىس, داۋىس جانە بي ارقىلى ءتۇرلى سەزىمنىڭ بۇكىل دراماتۋرگياسىن كورسەتە الدى.
جۇلدىز ءۋاليحاننىڭ اسەم داۋىسى مەن دوسجان تابىلدىنىڭ كەرەمەت پلاستيكاسى كورەرمەنگە بارلىق تاڭعاجايىپ سەزىمدەر مەن ەموتسيالاردى تارتۋ ەتتى. ەكەۋى بىرىگىپ ونەر ارقىلى ماحاببات, سەزىم, ادامگەرشىلىك, ارمان, بەيىمدىلىك, ىنتىزارلىق جانە سۇلۋلىق تۋرالى باياندادى.
سونداي-اق, مۋزىكالىق شوۋ اياسىندا «سەنىڭ باعىڭدا» اتتى جاڭا كليپتىڭ تۇساۋكەسەرى ءوتتى. اتالعان سول كەشتە جۇلدىز ءۋاليحاننىڭ مۋزىكالىق البومىنىڭ ساتىلىمىنان تۇسكەن قاراجات11 جاسار ناۋقاس ايبەك جەبەگەنگە تاپسىرىلاتىن بولدى.
