اتاپ ايتقاندا, «Kazakh Invest» «General Electric», «Al Ahli Holding Group», «Al Nowais Investments», «KAAF Investments», «Loukil Group», «Phoenix Global DMCC», «Royal International Group» كومپانيالار توبىمەن, «Kanoo Group», «Petromal» جانە باسقا دا اسا ءىرى حولدينگتەرمەن كەلىسسوزدەر جۇرگىزىلىپ, ماڭىزدى كەلىسىمدەرگە قول جەتكىزىلدى. سونىمەن قاتار فورۋم اياسىندا بىرىككەن اراب امىرلىكتەرىنىڭ ەكونوميكا مينيسترلىگىمەن, MUBADALA, DP World, Emaar, Etisalat, Borouge سياقتى ءىرى كومپانيالار جانە باسقالارى مۇشە بولىپ تابىلاتىن حالىقارالىق ينۆەستورلار كەڭەسىمەن, شارجا امىرلىگىنىڭ ينۆەستيتسيالار جانە دامۋ اگەنتتىگىمەن كەلىسسوزدەر ءساتتى ءوتتى.
AIM پلەنارلىق سەسسياسىندا «Kazakh Invest» ۇلتتىق كومپانياسىنىڭ باسقارما توراعاسى ساپاربەك تۇياقباەۆ ەلىمىزدىڭ ينۆەستيتسيالىق مۇمكىندىكتەرىن, قازاقستان ەكونوميكاسىنا ينۆەستيتسيا تارتۋ سالاسىنداعى يندۋستريالىق-يننوۆاتسيالىق قىزمەتكە مەملەكەت تاراپىنان جاسالىپ وتىرعان قولداۋلاردى تانىستىردى.
كەلىسسوزدەردىڭ ناتيجەسىندە ينۆەستيتسيا تارتۋ سالاسىنداعى ەكىجاقتى ءوزارا قارىم-قاتىناستى دامىتۋ ءۇشىن AIM الاڭىندا «Kazakh Invest» پەن «Annual Investment Meeting» اراسىندا ىنتىماقتاستىق تۋرالى كەلىسىمگە قول قويىلدى. القالى جيىن بارىسىندا ترانسۇلتتىق كومپانيالار قازاقستان ەكونوميكاسىنىڭ باسىم سالالارىنداعى بىرقاتار ينۆەستيتسيالىق جوبالارعا قىزىعۋشىلىق تانىتتى.
الداعى ۋاقىتتا «Kazakh Invest» ءباا مەن قازاقستاننىڭ بيزنەس قاۋىمداستىقتارىنىڭ ينۆەستيتسيا تارتۋ, ينۆەستيتسيالىق جوبالاردى قوستاۋ جانە ىسكە اسىرۋ ماسەلەلەرى بويىنشا ەكىجاقتى قارىم-قاتىناستاردى ۇيلەستىرۋدى جوسپارلاپ وتىر.
Annual Investment Meeting الەمدەگى حالىقارالىق ينۆەستيتسيالىق قاۋىمداستىقتىڭ ديالوگ الاڭى رەتىندەگى ەڭ تانىمال ينۆەستيتسيالىق كونفەرەنتسيا ەكەنىن اتاپ وتكەن ءجون.
ارنۇر اسقار,
«ەگەمەن قازاقستان»
