تاراز قالاسىنىڭ «اۆتوبەكەت» ماڭىنان سالىنىپ جاتقان 14 شاعىن اۋداننىڭ جانە ى.سۇلەيمەنوۆ كوشەسىنىڭ سوڭىنان سالىنىپ جاتقان 15 شاعىن اۋداننىڭ ەگجەي-تەگجەيلى جوباسىمەن تانىسقان م.اشىمباەۆ حالىق ءۇشىن «نۇرلى جەر» باعدارلاماسىنىڭ تيىمدىلىگىن اتاپ ءوتتى. ماسەلەن, 14 شاعىن اۋداننىڭ جالپى جەر كولەمى 100 گەكتاردى قۇرايدى. مۇنداعى قۇرىلىس 200 كوپ قاباتتى ءۇي نەمەسە 5460 پاتەرگە ارنالعان. سونداي-اق 15 شاعىن اۋداننىڭ جالپى جەر كولەمى 362,2 گەكتاردى قۇراسا, مۇنداعى قۇرىلىس 280 كوپ قاباتتى شاعىن ۇيلەر نەمەسە 9,0 مىڭعا جۋىق پاتەرگە جوسپارلانعان. جالپى, جۋىق ارادا وڭىردە 784 مىڭ شارشى مەتر تۇرعىن ءۇي ەل يگىلىگىنە بەرىلىپ, «7 – 20 – 25» پرەزيدەنتتىك باعدارلاما بويىنشا 9 مىڭعا جۋىق وتباسىن باسپانامەن قامتۋ كوزدەلگەن. قۇرىلىس نىسانىنا ارنايى كەلىپ, قۇرىلىسشىلارمەن كەزدەسكەن م.اشىمباەۆ ەلباسىنىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىندەگى باسىم باعىتتارعا توقتالىپ, اتالعان باستامالاردىڭ ەل دامۋىنا ەرەكشە اسەر ەتەتىنىن ايتتى.
جۇمىس ساپارى بارىسىندا «نۇر وتان» پارتياسى توراعاسىنىڭ ءبىرىنشى ورىنباسارى تاراز مەملەكەتتىك پەداگوگيكالىق ۋنيۆەرسيتەتىنىڭ وقىتۋشى-پروفەسسورلار قۇرامىمەن, ۋنيۆەرسيتەت ستۋدەنتتەرىمەن جانە «جاس وتان» جاستار قاناتى IV سەزىنىڭ دەلەگاتتارىمەن كەزدەستى. وندا تاياۋدا عانا وتكەن «جاس وتان» جاستار قاناتىنىڭ IV سەزى ەلىمىزدەگى جاستار ساياساتىنىڭ دامۋىنا تىڭ سەرپىن بەرگەنى ايتىلدى. اتالعان سەزد اياسىندا «رۋحاني جاڭعىرۋ», «تسيفرلى قازاقستان», «قازاقستاندا جاسالعان», ء«بىلىم. عىلىم. يننوۆاتسيا» جانە «سالاماتتى ۇلت» تاقىرىبىنداعى 5 پانەلدىك سەسسيا وتكەن بولاتىن. ناتيجەسىندە مۇندا كوپتەگەن يگى باستامالار كوتەرىلىپ, تىڭ ۇسىنىستار ايتىلعان ەدى. وسى ورايدا م.اشىمباەۆ ەلىمىزدىڭ باس پارتياسى تاراپىنان جاستارعا ارنالعان جاڭا جوبالار قولعا الىنعانىن ايتتى.
سونداي-اق كەزدەسۋ بارىسىندا «نۇر وتان» پارتياسى توراعاسىنىڭ ءبىرىنشى ورىنباسارى «قازاق تىلىندەگى 100 جاڭا وقۋلىق» جوباسى اياسىندا جارىق كورىپ, قالىڭ وقىرمانعا جول تارتقان 18 وقۋلىق جايىندا دا كەڭىنەن اڭگىمەلەدى. ءوز سوزىندە م.اشىمباەۆ جاستارعا ەلباسىنىڭ «پرەزيدەنتتىڭ بەس الەۋمەتتىك باستاماسى» اتتى ۇندەۋىن ءتۇسىندىرىپ بەردى. سونىمەن قاتار ۇكىمەتتىك ەمەس ۇيىم وكىلدەرىمەن, اۋليەاتا ءوڭىرىنىڭ زيالى قاۋىمىمەن جانە «100 جاڭا ەسىم» جوباسىنىڭ قاتىسۋشىلارىمەن جۇزدەسكەن م.اشىمباەۆ ەلىمىزدە باستاۋ العان يگى باستامالار جايىنا توقتالدى.
سونداي-اق «نۇر وتان» پارتياسى توراعاسىنىڭ ءبىرىنشى ورىنباسارى «رۋحاني جاڭعىرۋ» وڭىرلىك كەڭسەسىنە ارنايى بارىپ, اتالعان باعدارلاما بويىنشا اتقارىلىپ جاتقان جۇمىستارمەن تانىستى. ءوز كەزەگىندە پارتيانىڭ وبلىستىق فيليالىنىڭ ءححى كونفەرەنتسياسىنا قاتىسىپ, پارتيا الدىندا تۇرعان باسىم باعىتتار جونىندە اڭگىمەلەدى. سونىمەن قاتار وڭىردە پارتيا جۇمىسىن ودان ءارى جانداندىرۋ كەرەكتىگىن ءسوز ەتىپ, «پرەزيدەنتتىڭ بەس الەۋمەتتىك باستاماسىن» حالىققا ءتۇسىندىرىپ, ونى جۇزەگە اسىرۋدا جامبىلدىقتاردىڭ بەلسەندىلىك تانىتۋى كەرەكتىگىن ايتتى. كونفەرەنتسيا بارىسىندا جامبىل وبلىسىنىڭ اكىمى اسقار مىرزاحمەتوۆ «نۇر وتان» پارتياسى جامبىل وبلىستىق فيليالىنىڭ توراعاسى بولىپ سايلاندى.
حاميت ەسامان,
«ەگەمەن قازاقستان»
جامبىل وبلىسى
