ماقالانىڭ ءبىر عانا باعدارى, ءتۇبى ءبىر تۇركى جۇرتىنا ورتاق رۋحاني مۇرا – كيەلى جەرلەردىڭ مارتەبەسىن كوتەرۋ ماسەلەسىنىڭ ءوزى ادامزات ساناسىنا ۇلكەن قوزعالىس دەۋگە تولىق نەگىز بار. كوشپەلى جۇرتتىڭ كونە قونىستارىنىڭ اڭىزى مەن ماڭىزىن سانا بيىگىندە سارالاۋ – ول تارلان تاريحتىڭ جاڭا بەلەسىن ايقىندايدى. بۇل اتام قازاقتىڭ عانا ەمەس, ادامزاتتىڭ رۋحاني جاڭعىرۋى, الەمنىڭ ءوز-ءوزىن ىزدەۋى. ەلباسى ماقالاسىنىڭ ەڭ تۇپكى ماقساتى دا وسى بولسا كەرەك.
وتكەن اپتا استاناداعى ۇلتتىق مۋزەيدە «بولاشاققا باعدار: رۋxاني جاڭعىرۋ» ماقالاسىنىڭ ءبىر جىلدىعىنا ارنالعان ەسەپ بەرۋ جيىنى ءوتىپ, ارنايى كورمە ۇيىمداستىرىلدى. بۇل ويلار دا سول سالتاناتتى رۋحاني جارمەڭكەدە جادىمىزدا جاڭعىرعان. كوپشىلىك نازارىنا ۇسىنىلعان كورمەدە باعدارلاما اياسىندا ەلىمىزدىڭ بارلىق وڭىرلەرىندە اتقارىلعان جۇمىس ناتيجەلەرى قورىتىندىلاندى. وڭىرلەردەگى «رۋحاني جاڭعىرۋ» جوبالىق كەڭسەلەرىنىڭ وكىلدەرى, عالىمدار, مادەنيەت قايراتكەرلەرى, «قازاقستاننىڭ 100 جاڭا ەسىمى» جوباسىنىڭ جەڭىمپازدارى قاتىسقان يگى شاراعا پرەزيدەنت اكىمشىلىگى ىشكى ساياسات ءبولىمىنىڭ مەڭگەرۋشىسى ايدا بالاەۆا كەلىپ, كورمەنى اشىپ بەردى. ونىڭ ايتۋىنشا, ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان قوعامدىق سانانى جاڭعىرتۋدىڭ باعىتتارى وتكىزىلگەن ءىس-شارالاردىڭ وزەكتى ەلەمەنتى بولدى. وسىعان دەيىنگى جۇمىستى ءارى قاراي ءتيىمدى جالعاستىرۋ قاجەت. ول ءۇشىن باعدارلامانى حالىق اراسىندا كەڭىنەن ناسيحاتتاۋ كەرەك.
«باعدارلاماعا ەلىمىزدىڭ ءار ازاماتى قاتىسسا عانا ونىڭ ناتيجەسى ءتيىمدى بولادى. وسىنى ەلباسى دا ۇنەمى ايتىپ وتىرادى. سوندىقتان الدا ءالى جۇمىس كوپ. باعدارلامانى بارىنشا قىزىقتى ەتۋ كەرەك. ەڭ باستىسى, ۇلكەن ناتيجە بار. ەندى وسىنىڭ ءبارىن ءارى قاراي ەلگە جەتكىزۋ – ءسىز بەن ءبىزدىڭ باستى ماقساتىمىز», دەدى ا.بالاەۆا.
كورمەنىڭ الدىندا وتكەن كىشىگىرىم ماجىلىستە بىرقاتار جۇمىستار جۇرتشىلىققا تانىستىرىلدى. ەلباسىنىڭ باعدارلامالىق ماقالاسىندا كوتەرىلگەن نەگىزگى جوبالاردىڭ ءبىرى جەر-جەردە جاندانىپ كەلە جاتقان «تۋعان جەر» ارنايى جوباسى ەكەنى راس. بۇل رەتتە ا.بالاەۆا ءوزى ايتقانداي, جالپى, «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ ءار جوباسى بولەك-بولەك مەملەكەتتىك باعدارلاماعا تەڭ. سونىڭ بارىنە xالىق بەلسەندى اتسالىسىپ كەلەدى.
پرەزيدەنت اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى ماقسات مۇحانوۆ تا وسى ويلاردى اۋقىمدى ءوربىتتى.
جالپى, «تۋعان جەر» جوباسى اياسىندا اتىمتاي جومارتتاردىڭ قولداۋىمەن 51 ملرد تەڭگە سوماسىنداعى 700-گە جۋىق نىسان بوي كوتەرىپ, قايتا قالپىنا كەلتىرىلىپتى. «1700-دەن اسا مەتسەنات وسى جۇمىسقا قاتىناستى. 2018 جىلعى ءبىرىنشى توقساندا مەتسەناتتاردان تارتىلعان سوما 4 ملرد تەڭگەگە جۋىقتادى. جالپى, بيىل 61 ملرد تەڭگە سوماسىنداعى 450 نىسان سالۋ مەن جوندەۋ جوسپارلانۋدا», دەيدى م.مۇحانوۆ.
جۇرگىزىلگەن جۇمىستاردىڭ ماڭىزدى باعىتتارىنىڭ ءبىرى «قازاقستاننىڭ قاسيەتتى گەوگرافياسى» ارنايى جوباسى ەكەنى بەلگىلى. جوبا قازاقستاندا بار كيەلى نىسانداردى جۇيەلەۋ مەن تەرەڭ عىلىمي-زەرتتەۋدى باستاۋعا مۇمكىندىك بەرەتىنىن ايتا كەتكەن ءجون. كورمەگە كەلگەن كوپشىلىككە ونىڭ جۇمىستارىن «قاسيەتتى قازاقستان» عىلىمي-زەرتتەۋ ورتالىعىنىڭ باسشىسى بەرىك ابدىعالي ۇلى اڭگىمەلەپ بەردى.
جالپى, جۇرگىزىلگەن جۇمىستار بارىسىندا جالپىۇلتتىق جانە وڭىرلىك ماڭىزداعى نىسانداردىڭ ءتىزىمى جاسالعان. بەرىك ابدىعالي ۇلى ايتقانداي, جالپىۇلتتىق ماڭىزداعى 185 قاسيەتتى نىسان جانە جەرگىلىكتى ماڭىزداعى 463 قاسيەتتى نىسان انىقتالعان. «مادەنيەت جانە سپورت مينيسترلىگىنىڭ ۇسىنىسىمەن ارنايى ءۇش مەملەكەتتىك قورىق اشىلايىن دەپ جاتىر. پرەزيدەنت اكىمشىلىگى قولداۋىمەن ۇكىمەت قاۋلىسى شىقتى. بۇل – ەلباسىنىڭ تىكەلەي تاپسىرماسى. ءبىرىنشى قورىق ول – استانانىڭ ماڭايىنداعى بوزوق. ونى كوبى بىلە بەرمەيدى. بىراق استانا بۇل جەردە كەزدەيسوق سالىنعان جوق. ول – قازاق تاريxىندا ەلەۋلى وقيعالار وتكەن جەر. بوزوق سونىڭ ءبىر دالەلى بولسا كەرەك. بولاشاقتا سول جەردە ۇلكەن مۋزەي مەن ۆيزيت-ورتالىق اشىلادى», دەدى ب.ابدىعالي ۇلى. ونىڭ ايتۋىنشا, ەكىنشى قورىق – بوتاي. ول جەردە ادامزات بالاسى تۇڭعىش رەت جىلقىنى قولعا ۇيرەتتى. ونى الەم عالىمدارى دا مويىنداپ وتىر. ء«ۇشىنشىسى – سارايشىق. بىلتىردان بەرى اتىراۋ وبلىستىق اكىمدىگىنىڭ باستاماسىمەن ۇلكەن جوندەۋ جۇمىستارى اتقارىلىپ جاتىر. كەزىندە قاسىم xاندار ەلدىڭ استاناسىن ۇلىتاۋدان سول جەرگە اپارعان. ءسويتىپ التىن وردانىڭ مۇراگەرى ءبىز ەكەنىن كورسەتتى. سوندىقتان سارايشىق ءبىز ءۇشىن ۇلكەن گەوساياسي قۇندىلىق. سونى ناسيxاتتاپ, جەتكىزە ءبىلۋىمىز كەرەك», دەدى ول.
جيىندا ايتىلعان اۋقىمدى جوبالاردىڭ ءبىرى «جاھاندىق الەمدەگى زاماناۋي قازاقستاندىق مادەنيەت» جوباسى بولدى. اتى ايتىپ تۇرعانداي, شەتەلدە قازاقستاندىق مادەنيەتتى دارىپتەۋ – «رۋحاني جاڭعىرۋدىڭ» نەگىزگى باعىتتارىنىڭ باسىم باسپالداعى. ول جۇمىستاردىڭ باسىندا 2017 جىلعى ماڭىزدى وقيعالاردىڭ ءبىرى 17-19 قازاندا پاريج قالاسىندا بەدەلدى حالىقارالىق دەڭگەي سانالاتىن UNESCO شتاب-پاتەرىندە «رۋحاني جاڭعىرۋ» ۇلتتىق باعدارلاماسىنىڭ تانىستىرىلىمى ءوتۋى بولاتىن. تانىستىرىلىم اياسىندا قازاقستاندىق مادەنيەتتىڭ ءتۇرلى باعىتتارىن شەتەلدىك اۋديتورياعا كورسەتەتىن بىرقاتار ءىس-شارالار وتكەنىن بىلەمىز. مادەنيەت جانە سپورت ۆيتسە-ءمينيسترى اقتوتى رايىمقۇلوۆا ول جوبا نەگىزىندە قازاقستاندىق مادەنيەتتىڭ جەتىستىكتەرىن دارىپتەۋ, ۇزدىك مۋزىكالىق شىعارمالارعا تسيفرلى فورماتتا جەدەل قولجەتىمدىلىك جاساۋ ماقساتىندا Dalatunes جوباسى ىسكە اسىرىلعانىن اتاپ ءوتتى. ونىڭ ايتۋىنشا, 2017 جىل بويىنشا 13 مىڭ مۋزىكالىق شىعارما, 1,2 مىڭ نوتا جانە 1,7 مىڭ اككورد جۇكتەلگەن.
«ونەر شىعارمالارىن, سونداي-اق مۋزەيلىك قورلاردى تسيفرلاندىرۋ بويىنشا جۇيەلى جۇمىستار باستالدى. سونىمەن قاتار ءا.قاستەەۆ اتىنداعى مەملەكەتتىك ونەر مۋزەيىندە جالپى مۋزەيلىك قوردان 24813 بىرلىك 13700 بىرلىككە تسيفرلاندىرىلدى. ورتالىق مەملەكەتتىك مۋزەيدە 39 602 بىرلىك تسيفرلاندىرىلدى», دەيدى ا.راحمەتوللاقىزى. ۆيتسە-مينيستر ءوز كەزەگىندە «قازاقستاننىڭ 100 جاڭا ەسىمى» ارنايى جوباسىن دا تىلگە تيەك ەتتى. ەلدىڭ دامۋىنا ۇلكەن ۇلەس قوسقان قازاقستان ازاماتتارىن انىقتاۋ مەن قۇرمەت كورسەتۋگە باعىتتالعان جارقىن يميدجدىك ءىس-شارا بىرەگەي بەلەس دەۋىمىزگە بولادى.
كورمەگە قاتىسۋشىلار نازارىن اقتوتى حانىم جۇزدەن جۇيرىك ونەر تارلاندارىنىڭ ءبىرى «قازاقستانداعى 100 جاڭا ەسىم» جوباسىنا ەنگەن ونەر قايراتكەرلەرى – مەدەت شوتاباەۆقا اۋداردى. ول بۇگىندە «استانا وپەرا» مەملەكەتتىك وپەرا جانە بالەت تەاترىنىڭ جەتەكشى ءسوليسى بولىپ قىزمەت ەتەدى. تالاي حالىقارالىق بايقاۋلاردا توپ جارىپ, بىرقاتار شەتەلدىڭ ۇلكەن ساحناسىندا ونەرىمەن كورەرمەننىڭ زور سۇيىسپەنشىلىگىنە بولەنگەن وپەرا ءانشىسى بىرنەشە كۇن بۇرىن يتاليانىڭ «يتاليا جۇلدىزى» وردەنىمەن ماراپاتتالعانىن جەتكىزدى.
«رۋحاني جاڭعىرۋ» اتتى كورمەنىڭ تاعى ءبىر ەلەۋلى ءساتى باعدارلامالىق ماقالا اياسىندا اتالعان ءىرى جوبانىڭ بارلىق تارماقتارى بويىنشا جۇزەگە اسىپ جاتقان مادەني ءىس-شارالاردى ناسيحاتتايتىن, ەنتسيكلوپەديالىق قىزمەت كورسەتەتىن «مادەنيەت پورتالى» ينتەرنەت رەسۋرسىنىڭ تۇساۋكەسەر ءراسىمى بولدى. پورتال بولاشاقتا ەلىمىزدىڭ مادەني مۇراسىن زاڭدى تۇردە ءبىر جەرگە جيناقتايتىن جانە تۇراقتى تۇردە كورسەتەتىن اعارتۋشىلىق باعىتتاعى قازاق, ورىس جانە اعىلشىن تىلدەرىندەگى ەڭ ءىرى مادەني پلاتفورما بولماق. قازىردىڭ وزىندە پورتال مۇراعاتىندا 5324 اۆتوردىڭ جەكە پاراقشالارى اشىلىپ, ولارعا قاتىستى اقپاراتتىق ماتەريالدار, ەلەكتروندى كىتاپتار, اۋديوكىتاپتار, اندەر, كۇيلەر جانە سيرەك فوتوسۋرەتتەر جيناقتالىپ ۇلگەرگەن.
سونداي-اق «رۋحاني جاڭعىرۋ» باعدارلاماسى نەگىزىندە ۇيىمداستىرىلعان «رۋح» ءبىرىنشى حالىقارالىق ادەبي بايقاۋى دا زاماناۋي اۆتورلارعا وڭىرلەردىڭ الەۋەتى مەن تۋعان ەل تاريحىن دارىپتەۋگە باعىتتالعان شىعارمالاردىڭ تۋىپ, كوپشىلىك اراسىنا كەڭىنەن ناسيحاتتالۋىنا مول مۇمكىندىك بەرگەن ادەبيەت الەمىندەگى بىرەگەي جوباعا اينالىپ ۇلگەردى.
«جاھانداعى زاماناۋي قازاقستاندىق مادەنيەت» باعدارلاماسى اياسىندا جۇزەگە اسىرىلعان اۋقىمدى شارالاردىڭ جانە ءبىر پاراسى «تەاتر زەرتحاناسى» جوباسىنىڭ اينالاسىنا كەلىپ توقايلاسادى. بۇل جوبانىڭ نەگىزگى ماقساتى – ەلىمىزدىڭ تۇكپىر-تۇكپىرىندە: وبلىستار مەن ايماقتاردا ونەر كورسەتىپ جۇرگەن تالانتتى دا دارىندى اكتەرلەردى انىقتاپ, ولاردى ءبىر ورتالىققا باعىندىراتىن ورتاق الاڭ قالىپتاستىرۋ. ءبىر ترۋپپاعا بىرىكتىرىلگەن ۇزدىك وڭىرلىك اكتەرلەر الەمدىك بەلگىلى رەجيسسەرلەر مەن قويۋشىلاردىڭ باسشىلىعىمەن ساحنالىق ونەر كورسەتۋ شەبەرلىگىنىڭ دەڭگەيىن ارتتىرۋعا مۇمكىندىك الادى. سونىڭ ناتيجەسىندە قازاق ونەرىنىڭ جاھاندىق دەڭگەيدە ناسيحاتتالىپ, تانىلۋىنا كەڭ جول اشىلماق. جوبا العاشقى ناتيجەلەرىنە دە قول جەتكىزىپ ۇلگەردى. بۇل جونىندە مادەنيەت جانە سپورت ۆيتسە-ءمينيسترى ا.رايىمقۇلوۆا: «جاھاندانۋ كەزەڭىندە ۇلتتىق مادەنيەتىمىزدى جوعالتىپ الماي, ونى ساقتاپ قالۋ ماڭىزدى. مادەنيەت جانە سپورت مينيسترلىگى تاراپىنان تەاتر ۇجىمدارى مەن جەكە ورىنداۋشىلاردى گاسترولدىك ساپارلارعا شىعارۋ ءۇشىن اۋقىمدى جۇمىستار اتقارىلىپ جاتىر. قازىردىڭ وزىندە قازاقستاننىڭ الەمدىك ارەناداعى جەتىستىكتەرىمەن ماقتانۋعا تولىقتاي نەگىز بار. ەڭ ۇزدىك سوليستەردەن قۇرالعان ۇجىمدارىمىز گاسترولدىك ساپارلارمەن 50-گە جۋىق ەلدى ارالاپ, شەتەلدىك كورەرمەندەردىڭ ىستىق ىقىلاسىنا بولەنىپ قايتتى», دەدى.
ۆيتسە-ءمينيستردىڭ ايتۋىنشا, اتالمىش باعدارلاما اياسىندا تەك وپەرا مەن بالەت تەاترلارى عانا ەمەس, رەسپۋبليكالىق, وبلىستىق دراما تەاترلار دا ءوز ونەرىن شەتەلدىك كورەرمەندەر نازارىنا ۇسىنۋعا مۇمكىندىك العان. اتاپ ايتار بولساق, جوبا نەگىزىندە م. اۋەزوۆ اتىنداعى قازاق مەملەكەتتىك اكادەميالىق دراما تەاترى مەن رەسپۋبليكالىق كورەي مۋزىكالىق دراما تەاترى جازۋشى-دراماتۋرگ دۋلات يسابەكوۆتىڭ 75 جىلدىعىنا وراي لوندوندا وتكەن حالىقارالىق تەاتر فەستيۆالىنە قاتىسىپ, جوعارى دەڭگەيدە ونەر كورسەتسە, 2017 جىلدىڭ جەلتوقسان ايىندا م.اۋەزوۆ اتىنداعى اكادەميالىق دراما تەاتر ۇجىمى جاپونيانىڭ توكيو قالاسىنا گاسترولدىك ساپارمەن بارىپ, دراماتۋرگ ءمادينا وماروۆانىڭ «اقتاستاعى احيكو» قويىلىمى (رەجيسسەرى – اسحات ماەميروۆ) مەن « ۇلى دالا ەلى» اتتى كونتسەرتتىك باعدارلاماسى كۇنشىعىس ەلى كورەرمەندەرىنىڭ قوشەمەتىنە بولەنىپ قايتتى. بۇل دا – «رۋحاني جاڭعىرۋ» باعدارلاماسى مۇمكىندىك بەرگەن قازاق ونەرى مەن مادەنيەتىن جاھانعا تانىتۋدىڭ جارقىن ۇلگىسى.
«جاھانداعى زاماناۋي قازاقستاندىق مادەنيەت» باعدارلاماسىنىڭ كەلەسى باعىتى – ەلباسى نۇرسۇلتان نازارباەۆتىڭ 2017 جىلدىڭ جەلتوقسان ايىنداعى بەلارۋس رەسپۋبليكاسىنا رەسمي ساپارى اياسىندا بەلارۋس رەسپۋبليكاسىنىڭ ۇلتتىق بەينەلەۋ ونەرى مۋزەيىندە قازاقستان رەسپۋبليكاسى تۇڭعىش پرەزيدەنتى كۇنىنە ارنالىپ تۇساۋى كەسىلگەن «التىن ادامنىڭ الەم مۋزەيلەرىنە شەرۋى» جوباسى شەڭبەرىندەگى « ۇلى دالاداعى كوشپەندىلەر تاريحى» اتتى كورمەسىمەن جالعاستى. جيھانكەز كورمە ودان ءارى ماسكەۋ اسىپ, 2018 جىلدىڭ 4 ساۋىرىندە ماسكەۋدىڭ بۇكىلرەسەيلىك حالىق ونەرى مەن دەكوراتيۆتى-قولدانبالى ونەر مۋزەيىندە قازاقتىڭ مادەني قۇندىلىقتارى رەسەي حالقىنا كەڭ اۋقىمدا تانىستىرىلدى.
«مادەني شارا الداعى ۋاقىتتا دا جۇمىسىن توقتاتپاي, ازەربايجاننىڭ ۇلتتىق تاريح مۋزەيىندە, قىتاي حالىق رەسپۋبليكاسى شەنسي پروۆينتسياسىنىڭ تاريح مۋزەيىندە, كورەيانىڭ ۇلتتىق مۋزەيىندە ءارى قاراي ءوز جالعاسىن تابادى دەپ جوسپارلانۋدا. «التىن ادامنىڭ الەم مۋزەيلەرىنە شەرۋى» جوباسى, سونىمەن قاتار 2019 جىلى جاپونيا, گرۋزيا, ۇلىبريتانيا, يسپانيا جانە تۇركيانىڭ مۋزەيلەرىندە, 2020 جىلى اقش, يتاليا, اۋستريا, فرانتسيا, گەرمانيا مۋزەيلەرىندە تانىستىرىلاتىن بولادى», دەپ ۆيتسە-مينيستر ا.راحمەتوللاقىزى ءسوزىن قورىتىندىلادى.
شارانىڭ كەلەسى اۋقىمدى ءبولىمى – الەۋمەتتىك-گۋمانيتارلىق سالاداعى بىلىكتى, باسەكەگە قابىلەتتى كادرلاردى دايىنداۋعا, گۋمانيتارلىق بىلىمدەگى ۇزدىك الەمدىك ۇلگىلەردى زەرتتەۋگە باعىتتالعان «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى. اتالمىش جوبانى ىسكە اسىرۋ اياسىندا 2018 جىلدىڭ 12 ساۋىرىندە فيلوسوفيا, سوتسيولوگيا, انتروپولوگيا, پسيحولوگيا جانە مادەنيەتتانۋ سالاسىندا 18 ىرگەلى ەڭبەكتىڭ تانىستىرىلىمى ءوتتى.
الەۋمەتتىك جوبانىڭ جەتەكشىسى راۋان كەنجەحان ۇلىنىڭ ايتۋىنشا, جوبانى ىسكە اسىرۋ ءۇشىن ۇزدىك وقۋلىقتاردى اۋدارۋ مەن باسىپ شىعارۋ قۇقىعىن الۋعا جەتەكشى شەتەلدىك باسپالارمەن ارنايى كەلىسىمشارتتار جاسالىپتى.
«زەرتتەۋ مەن اۋدارما جۇمىستارىنا 90-نان اسا مامان: قازاقستان رەسپۋبليكاسى پرەزيدەنتى «بولاشاق» حالىقارالىق ستيپەندياسىنىڭ ماگيسترانتتارى, PhD دوكتورلار, عىلىم دوكتورلارى مەن كانديداتتارى تارتىلدى. ءتىزىم ناقتى بەكىتىلگەن جوق. كوپشىلىكتىڭ ۇسىنىستارى مەن كەڭەسىنە قۇلاق اسا وتىرىپ, ءالى دە بىرقاتار وزگەرىستەر ەنگىزۋگە دايىنبىز», دەدى جوبا جەتەشىسى.
راۋان كەنجەحان ۇلى اتاپ وتكەندەي, اۋدارىلعان كىتاپتاردى ەلىمىزدىڭ بارلىق جوعارى وقۋ ورىندارى مەن ورتالىق كىتاپحانالارعا, اۋدان, وبلىس ورتالىقتارىندا تاراتۋ قاراستىرىلعان. ياعني بۇدان تۇيەرىمىز, «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسىنىڭ ناتيجەسىندە مىڭداعان ستۋدەنتتەر مەن ماگيسترانتتارعا الەمدىك گۋمانيتارلىق ويلاردىڭ ۇزدىك ۇلگىلەرىمەن انا تىلىندە تانىسۋعا كەڭ جول اشىلماق. بۇل دا جاستاردىڭ بىلىمگە, جاھاندىق مادەنيەت پەن ادەبيەتتى, عىلىمدى تانۋىنا جاڭا مۇمكىندىكتەر سىيلاپ, بىلىمگە دەگەن قۇشتارلىعىن ارتتىرا تۇسەتىنى ءسوزسىز.
مەملەكەت باسشىسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ ءبىر جىلدىعىنا ارنالعان ەسەپ بەرۋ جيىنىنىڭ رەسمي بولىگى اياقتالعان سوڭ, ءىس-شاراعا قاتىسقان پرەزيدەنت اكىمشىلىگى وكىلدەرى, زيالى قاۋىم, مەملەكەتتىك قۇرىلىم جەتەكشىلەرى, ساراپتامالىق ۇيىمدار مەن ساراپشىلار, جوعارى وقۋ ورنى رەكتورلارى جانە وڭىرلىك جوبالىق كەڭسە جەتەكشىلەرى كورمە زالىنا ءوتىپ, 1 جىل بويى اتقارىلعان جۇمىستاردىڭ ناتيجەسىنە ارنالىپ ارنايى ۇيىمداستىرىلعان كورمەنى تاماشالادى. قازاق ونەرىن الەم ساحنالارىندا ايگىلەپ جۇرگەن ۇزدىك وپەرا انشىلەرى – مايرا مۇحامەدقىزى, سۇندەت بايعوجين, مەدەت شوتاباەۆ باستاعان تالانتتى ونەرپازدار ۇلتتىق مۋزەي فويەسىندە جاھاندىق كلاسسيكا جاۋھارلارىنان اريالار ورىنداپ, ءىس-شاراعا جينالعان كوپشىلىككە اننەن شاشۋ شاشتى.
جوعارىدا كۋا بولعانىمىزداي, ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا العا قويىلعان ماقساتتار مەن مىندەتتەر نەگىزىندە قولعا الىنعان اۋقىمدى ءىس-شارالار لەگى وسى 1 جىل ۋاقىتتىڭ ىشىندە تالاي بەلەستەردى ەڭسەرىپ, جۇمىس ناتيجەسى قازىردىڭ وزىندە ۇلت يگىلىنە باعىتتالعان ەلەۋلى ەڭبەگىن باستاپ كەتىپتى. اۋقىمدى جوبالار الداعى ۋاقىتتا دا جاھاندىق سيپاتى مەن ماڭىزىن جويماي, جالعاسىن تاۋىپ, ۇلتتىق سانانىڭ سىلكىنۋىنە ۇزدىكسىز ءھام تولاسسىز قىزمەت ەتە بەرەتىنى ءسوزسىز.
ميراس اسان,
نازەركە جۇماباي,
سۋرەتتەردى تۇسىرگەن ورىنباي بالمۇرات,
«ەگەمەن قازاقستان»
