«زياتكەرلىك كەن ورنى» جوباسى نەمەسە «تسيفرلىق كەن ورنى» — مۇناي-گاز سالاسىنىڭ ماڭىزدى باعىتتارىنىڭ ءبىرى جانە «تسيفرلىق قازاقستان» مەملەكەتتىك باعدارلاماسىنىڭ ىس-شارالار تىزىمىنە قوسىلعان. بۇل مۇناي-گاز سالاسىن باسقارۋدىڭ اۆتوماتتاندىرىلعان جۇيەسى, ول جەكەلەگەن جۇيەلەردى بىرىڭعاي ينتەگراتسيالانعان اقپاراتتىق جۇيەگە بىرىكتىرۋ ارقىلى ماكسيمالدى تيىمدىلىككە قول جەتكىزۋگە مۇمكىندىك بەرەدى.
«ەمبىمۇنايگاز» اق باسقارما توراعاسى ءا. جاقسىبەكوۆ «ۋاز» كەن ورنى بازاسىندا 2016 جىلى «تسيفرلىق كەن ورنى» پيلوتتىق جوباسى ىسكە قوسىلىپ, ءوز تيىمدىلىگىن دالەلدەگەنىن اتاپ ءوتتى. جوبانى ەنگىزۋ ەلەكتر قۋاتىن تۇتىنۋدى 33%-كە قىسقارتۋعا, ۇڭعىمالاردى جوندەۋدىڭ ۇلەستى شىعىندارىن 25%-كە ازايتۋعا مۇمكىندىك بەردى.
«ەمبىمۇنايگاز» اق ازىرلەگەن ادىستەمەلەرگە سايكەس كەلەسى كورسەتكىشتەردىڭ وڭدەۋ جانە تالداۋ الگوريتمدەرى اۆتوماتتاندىرىلدى: سۇيىقتىق جانە مۇناي تەڭگەرىمى; مۇنايدىڭ جوعالۋى; ۇڭعىمالاردىڭ جۇمىس رەجيمدەرىن وڭتايلاندىرۋ جانە ت.ب.
2017 جىلى جوبا «جىلىويمۇنايگاز» مگوب پرورۆا كەن ورىندارىن يگەرۋ توبىنىڭ كەن ورىندارىنا تاراتىلدى.
باقىتجان ساعىنتاەۆقا «تسيفرلىق كەن ورنى» جوباسىنىڭ جوسپارلارى تۋرالى باياندالدى. 2018 جىلى تۇجىرىمداما «جايىقمۇنايگاز» مگوب «جاڭاتالاپ» كەن ورنىندا جۇزەگە اسىرىلاتىن بولادى. 2019–2020 جىلدارى «قازمۇنايگاز» ۇلتتىق كومپانياسىنىڭ باسقا كەن ورىندارىنا ەنگىزۋ جوسپارلانىپ وتىر. جالپى العاندا, جوبانى ىسكە اسىرۋ مۇناي ءوندىرۋ كولەمىنىڭ 3%-كە دەيىن وسۋىنە, مۇناي ءوندىرۋ (ەكونوميكالىق) كوەففيتسيەنتىن 2–5%-كە ارتتىرۋعا جانە شىعىنداردى 5–15%-كە ازايتۋعا مۇمكىندىك بەرەدى.
