زاڭ جوباسى قازاقستان رەسپۋبليكاسى پرەزيدەنتىنىڭ «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» 2016 جىلعى 6 مامىرداعى № 248 جارلىعىنا سايكەس قۇرىلعان جەر رەفورماسى جونىندەگى كوميسسيانىڭ ۇسىنىستارىن ىسكە اسىرۋعا باعىتتالعان.
اۋىل شارۋاشىلىعى ماقساتىنداعى جەردى ساتۋعا, سونداي-اق ونى شەتەلدىكتەرگە بەرۋگە تىيىم سالۋ «قازاقستان رەسپۋبليكاسى جەر كودەكسىنىڭ جەكەلەگەن نورمالارىنىڭ قولدانىسىن جانە «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» 2015 جىلعى
2 قاراشاداعى قازاقستان رەسپۋبليكاسى زاڭىنىڭ قولدانىسقا ەنگىزىلۋىن توقتاتا تۇرۋ تۋرالى» 2016 جىلعى 30 ماۋسىمداعى قازاقستان رەسپۋبليكاسىنىڭ زاڭىمەن بەلگىلەنگەنىن اتاپ ءوتۋ كەرەك.
زاڭ جوباسىمەن 2003 جىلعى 20 ماۋسىمداعى قازاقستان رەسپۋبليكاسىنىڭ جەر كودەكسىنە, اكىمشىلىك قۇقىق بۇزۋشىلىق تۋرالى كودەكسىنە جانە بىرقاتار زاڭدارعا وزگەرىستەر مەن تولىقتىرۋلار ەنگىزۋدى كوزدەلىپ وتىر.
جوبانىڭ نەگىزگى ەرەجەلەرى مەملەكەت مۇقتاجىنا جاتقىزۋ ارقىلى ازاماتتاردى جەكە اۋلاداعى جانۋارلاردى جايۋ ءۇشىن جايىلىمدىق القاپتارمەن, جەكە تۇرعىن ءۇي قۇرىلىسى ءۇشىن جەر ۋچاسكەلەرىمەن قامتاماسىز ەتۋگە; جەر ۋچاسكەسىن بەرۋ كەزىندە جاريالىلىقتى قامتاماسىز ەتۋگە; قازاقستان رەسپۋبليكاسىنىڭ ازاماتتارىنا جانە قازاقستان رەسپۋبليكاسىنىڭ زاڭدى تۇلعالارىنا جالداۋ شارتىمەن بەرىلەتىن اۋىل شارۋاشىلىعى ماقساتىنداعى جەردىڭ اۋدانىن شەكتەۋگە; اۋىل شارۋاشىلىعى ماقساتىنداعى جەردىڭ پايدالانىلۋى مەن قورعالۋىن باقىلاۋدى كۇشەيتۋگە; شەتەلدىكتەرگە, ازاماتتىعى جوق ادامدارعا, شەتەلدىكتەرمەن نەكەدە تۇرعان قازاقستان رەسپۋبليكاسىنىڭ ازاماتتارىنا شەكارا ماڭى اۋماقتارىنان جەر بەرۋ بويىنشا قوسىمشا شەكتەۋلەر ەنگىزۋگە باعىتتالعان.
زاڭ جوباسى پالاتانىڭ قاراۋىنا جىبەرىلدى.
