ءمينيستردىڭ ايتۋىنشا, وتكەن جىلدىڭ العاشقى توقسانى مەملەكەت باسشىسىنىڭ شەتەلدەرگە جەمىستى ساپارلارىمەن, ماڭىزدى كەلىسىمدەرمەن, حالىقارالىق دەڭگەيدەگى كەلىسسوزدەرمەن ەرەكشەلەنگەن. ەلدىڭ بەدەلىن ايشىقتايتىن وسىنداي اۋقىمدى جۇمىستاردىڭ ارقاسىندا قازاقستاننىڭ ءۇنى حالىقارالىق الاڭداردا نەعۇرلىم كوبىرەك ەستىلىپ, قازاقستان الەمدىك قوعامداستىقتىڭ تۇراقتى جانە ۇزاقمەرزىمدى سەرىكتەسى رەتىندە تانىلا تۇسۋدە.
ق.ءابدىراحمانوۆ بىلتىرعى القا ماجىلىسىندە سىرتقى ىستەر مينيسترلىگىنە ەلباسى بىرقاتار تاپسىرمالار جۇكتەگەنىن ەسكە الدى. سونىڭ ىشىندە سىرتقى ساياساتتىڭ ەكونوميكالىق ۆەكتورىن دامىتۋ, ۆەدومستۆونىڭ ينۆەستيتسيالىق جانە ەكسپورتتىق باعىتتارىنداعى قىزمەتىن قايتا فورماتتاۋ, جاھاندىق باسەكەلەستىك جاعدايىندا ەلىمىزدىڭ سىرتقى ەكونوميكالىق مۇددەلەرىن قورعاۋ سىندى ماڭىزدى مىندەتتەردى جۇزەگە اسىرۋ تاپسىرىلعان. بۇعان قوسا, مەريتوكراتيا قاعيداتتارىنا نەگىزدەلگەن كادرلىق ساياساتتى جەتىلدىرۋ, سىرتقى روتاتسيانى جوسپارلى جۇرگىزۋ, قىزمەتكەرلەردىڭ كاسىبي دەڭگەيىن ارتتىرۋ ماسەلەلەرى دە نازاردان تىس قالماي, وسىعان وراي مينيسترلىكتە كوپتەگەن جۇمىستار ەڭسەرىلىپتى.
ال بيىلعى القا ءماجىلىسىنىڭ كۇن تارتىبىندە ءتورت ماسەلە قارالدى. ونىڭ ءبىرىنشىسى – پرەزيدەنتتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا ايتىلعان تاپسىرمالاردى ىسكە اسىرۋدىڭ جولدارى بولسا, ەكىنشىسى – مەملەكەت باسشىسىنىڭ باستامالارىن بۇۇ ارقىلى ىلگەرىلەتۋ ماسەلەلەرى. ءۇشىنشىسى – «تسيفرلى قازاقستان» مەملەكەتتىك باعدارلاماسىن ىسكە اسىرۋ شەڭبەرىندە ۆەدومستۆولىق اقپاراتتىق جۇيەنى ازىرلەۋ جانە ەنگىزۋ بولسا, كۇن تارتىبىندە قارالعان ءتورتىنشى ماسەلە بويىنشا بىلتىرعى جۇمىس قورىتىندىسى قانشالىقتى دەڭگەيدە اتقارىلعانى تالقىلاندى.
نەگىزگى باياندامانى جاساعان قايرات ءابدىراحمانوۆ جولداۋدا پرەزيدەنت ەلىمىزدىڭ تەحنولوگيالىق, تسيفرلى جانە ونەركاسىپتىك دامۋىن جەدەلدەتۋگە باعىتتالعان ون نەگىزگى مىندەتتى بەلگىلەپ بەرگەنىن اتاپ ءوتتى. «ەلباسىنىڭ جولداۋىندا اتالعان بارلىق اسپەكتىلەردىڭ سىرتقى ىستەر مينيسترلىگىنە تىكەلەي قاتىسى بار. سەبەبى بۇل شەتەلدىك ارىپتەستەردى, ينۆەستورلاردى, حالىقارالىق تاجىريبەنى ەلىمىزگە تارتۋمەن تىعىز بايلانىستى. ءبىز مەملەكەت دامۋىنداعى ماڭىزدى مىندەتتەردى ىسكە اسىرۋ بارىسىندا قازاقستاننىڭ عانا ەمەس, شەتەلدەردىڭ دە الەۋەتىن, رەسۋرستارىن تولىققاندى پايدالانۋىمىز كەرەك», دەدى مينيستر.
يندۋستريالاندىرۋعا بايلانىستى قولعا الىنعان جۇمىستارعا توقتالعان ق.ءابدىراحمانوۆ ورتالىق جانە جەرگىلىكتى مەملەكەتتىك ورگاندارمەن, ۇلتتىق كومپانيالارمەن بىرلەسە وتىرىپ, ينۆەستيتسيالار تارتۋ جونىندەگى ءوزارا ءىس-قيمىل ءتارتىبى قابىلدانعانىن, ىنتىماقتاستىق تۋرالى مەموراندۋمعا قول قويىلعانىن, بىرلەسكەن اقپاراتتىق-تۇسىندىرمە جۇمىستارىنىڭ جوسپارى بەكىتىلگەنىن اتاپ ءوتتى. مۇنداي جۇمىستار بىلتىر دا قولعا الىنىپ, ەلىمىزدە شەتەلدىك مەكەمەلەردىڭ قاتىسۋىمەن جالپى سوماسى 3 ملرد اقش دوللارىن قۇرايتىن 30 جوبا ىسكە اسىرىلعان ەكەن.
رەسۋرستىق الەۋەتتى ودان ءارى دامىتۋ بويىنشا مينيسترلىك الەمدەگى بەدەلدى ەلدەردىڭ تاجىريبەلەرىن زەردەلەپ, بلوكچەين سياقتى كەشەندى اقپاراتتىق-تەحنولوگيالىق پلاتفورمالاردى ەنگىزۋدى باستاعان. ال اقىلدى تەحنولوگيالار ارقىلى اگروونەركاسىپ كەشەنىن دامىتۋ جونىندەگى ەلباسىنىڭ تاپسىرماسىنا وراي ءسىم قازاقستاندىق اۋىلشارۋاشىلىق ونىمدەرىن سىرتقى نارىققا شىعارۋ, اگروونەركاسىپ سەكتورىنا شەتەلدىك ينۆەستورلاردى تارتۋ جانە ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ سەكىلدى شارالاردى جۇزەگە اسىرۋدى قولعا العان.
قارجى سەكتورىن قايتا جاڭعىرتۋ بويىنشا دا جوسپارلانعان شارۋالار بارشىلىق. ءمينيستردىڭ ايتۋىنشا, ۆەدومستۆو جۇمىسىنىڭ باستى باسىمدىقتارىنىڭ ءبىرى – «استانا» حالىقارالىق قارجى ورتالىعىن دامىتۋ جانە ىلگەرىلەتۋ, احقو-عا قاتىستى قازاقستاندىق دەلەگاتسيالاردىڭ شەتەلگە ساپارلارىن مازمۇندىق جاعىنان تولىقتىرۋ جانە الەمنىڭ الدىڭعى قاتارلى مەملەكەتتەرىندەگى قارجى جانە ىسكەر توپتارىمەن بايلانىستى نىعايتا ءتۇسۋ. وسىعان بايلانىستى مينيسترلىك بيىلعى شىلدە ايىندا دۇنيەجۇزىلىك يسلام ەكونوميكالىق فورۋمىن استانادا وتكىزۋگە جانە ورتالىقتىڭ رەسمي اشىلۋىنا قاجەتتى كومەك كورسەتۋدى كوزدەپ وتىر.
ق.ءابدىراحمانوۆ, سونداي-اق مەملەكەت باسشىسى جاريا ەتكەن «پرەزيدەنتتىڭ بەس الەۋمەتتىك باستاماسى» بيىلعى جولداۋمەن ۇندەس ەكەنىن ايتا كەلىپ, ەلباسىنىڭ باستامالارى 2015 جىلدىڭ قىركۇيەگىندە بۇۇ-نىڭ مەرەيتويلىق سامميتىندە بەكىتىلگەن 2030 جىلعا دەيىنگى كەزەڭگە ارنالعان تۇراقتى دامۋدىڭ كۇن تارتىبىنە تولىقتاي سايكەس كەلەتىنىن اتاپ ءوتتى.
جولداۋدا اتالعان تاپسىرمالاردى ورىنداۋ ماقساتىندا مينيسترلىك ىشكى ءىس-شارالار جوسپارىن بەكىتىپ, قۇرىلىمدىق بولىمشەلەرگە جانە قازاقستاننىڭ شەتەلدەردەگى مەكەمەلەرىنە ساپالى ماماندار دايارلاۋ, ۆيزالىق رەسىمدەردى جەڭىلدەتۋ, تۋريزم سالاسىنداعى كەدەرگىلەردى جويۋ, شەتەلدىك كومپانيا, ۋنيۆەرسيتەتتەرمەن ىنتىماقتاستىق ورناتۋ, ىشكى ءتۋريزمدى دامىتۋ بويىنشا كومەك كورسەتۋدى ۇيعارىپ وتىر. سونىمەن قاتار مينيستر القا ماجىلىسىندە ۇكىمەت بەكىتكەن ينۆەستيتسيالىق جانە ەكسپورتتىق ستراتەگيالاردى ىسكە اسىرۋعا بەلسەنە قاتىسىپ, ەكونوميكا ونىمدىلىگىن ارتتىرۋ, ادامي كاپيتالدى, باسەكەلەستىكتى دامىتۋ, بيزنەس احۋالدى جاقسارتۋ باعىتىنداعى جۇمىستاردى كۇشەيتۋدى تاپسىردى.
قىمبات توقتامۇرات,
«ەگەمەن قازاقستان»
