وتىرىس بارىسىندا كوميسسيانىڭ 2017 جىلعى قىزمەتىنىڭ قورىتىندىسى, قازاقستان رەسپۋبليكاسى ۇكىمەتىنىڭ ادام ساۋداسىمەن بايلانىستى قىلمىستاردىڭ پروفيلاكتيكاسى, الدىن الۋ جانە وعان قارسى كۇرەس جونىندەگى ءىس-شارالار جوسپارىنىڭ ورىندالۋ ناتيجەلەرى, ادامداردى زاڭسىز اكەتۋگە, اكەلۋگە جانە ساتۋعا قارسى كۇرەس ماسەلەلەرى جونىندەگى ۆەدومستۆوارالىق كوميسسيانىڭ 2018-2019 جىلدارعا ارنالعان جۇمىس جوسپارىنىڭ جوباسى, سونداي-اق ادام ساۋداسىنىڭ قۇرباندارىنا ارنايى الەۋمەتتىك قىزمەتتەردى كورسەتۋ ستاندارتىن ىسكە اسىرۋدىڭ پروبلەمالىق ماسەلەلەرى قارالدى.
پرەمەر-مينيستر باقىتجان ساعىنتاەۆتىڭ 2018 جىلعى 28 ناۋرىزداعى تاپسىرماسىن ورىنداۋ ءۇشىن ادام ساۋداسىنا قاتىستى قىلمىستارمەن كۇرەس, الدىن الۋ جانە جويۋ بويىنشا 2018-2019 جىلدارعا ارنالعان كەزەكتى ءىس-شارالار جوسپارىن ازىرلەۋ ماسەلەسى قارالدى. قورىتىندىسى بويىنشا وتىرىس حاتتاماسىنا قول قويىلدى.
ايتا كەتەيىك, كوميسسيا ەل ۇكىمەتى جانىنداعى كونسۋلتاتيۆتىك-كەڭەسشى ورگان بولىپ تابىلادى.
