«جاس وتان» - ەلىن, جەرىن سۇيەتىن, ءوز بولاشاعىن قازاقستاننىڭ كەمەل كەلەشەگىمەن بايلانىستىراتىن مىڭداعان ءبىلىمدى دە, بەلسەندى جاستاردىڭ باستارىن بىرىكتىرەتىن, مەنىڭ بارلىق باستامالارىم مەن ستراتەگيالىق جوسپارلارىمنىڭ سەنىمدى تىرەگى بولىپ كەلە جاتقان بەدەلدى ۇيىم. تاۋەلسىزدىكتىڭ العاشقى جىلدارىنان باستاپ جاستار ماسەلەسى مەنىڭ دە, مەملەكەتتىڭ دە ەڭ باستى نازارىندا بولىپ, بۇل سالادا كوپتەگەن باعدارلامالار جۇزەگە استى. مەن وسىناۋ ەڭبەكتىڭ جەمىسى مەن قامقورلىقتىڭ جىلۋىن جاستاردىڭ جاقسى بىلەتىنىنە كامىل سەنەمىن. قازىر بۇكىل الەم اۋقىمدى وزگەرىستەردى باستان كەشىرۋدە. تورتكۇل دۇنيە ءتورتىنشى ونەركاسىپتىك رەۆوليۋتسيا داۋىرىنە قادام باستى. ءبىز ۇزاق مەرزىمدى ماقساتتارىمىزعا قول جەتكىزۋ ءۇشىن وسىنداي قارقىندى وزگەرىستەردى دە پايدامىزعا ءساتتى جۇزەگە اسىرۋىمىز قاجەت. سول ءۇشىن ءبىز قازاقستاندا ساياسي-ەكونوميكالىق, رۋحاني جانە الەۋمەتتىك جاڭعىرۋلاردى قولعا الدىق», - دەلىنگەن مەملەكەت باسشىسىنىڭ قۇتتىقتاۋ حاتىندا.
پرەزيدەنت «بولاشاققا باعدار: رۋحاني جاڭعىرۋ» باعدارلاماسىنا ەرەكشە توقتالعان. سەبەبى اتالعان قۇجاتتا ۇلتتىق سانا مەن تاياۋ جىلدارى قولعا الۋدى قاجەت ەتەتىن مىندەتتەر بەلگىلەنگەن. سونىڭ ىشىندە لاتىن الىپبيىنە كوشۋ, تسيفرلىق تەحنولوگيالار, ءۇش ءتىلدى ءبىلىم بەرۋ جانە تاعى باسقا ماڭىزدى ماقساتتار بار. ال ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋدا جاڭا زامان تالاپتارىنا بەيىمدەلۋ مەن جوعارى جەتىستىكتەرگە جەتۋدىڭ جولدارى كورسەتىلدى. بەس الەۋمەتتىك باستاما دا ءبىراز ماسەلەلەردى شەشۋگە مۇمكىندىك بەرەدى.
«وسىنىڭ بارلىعىندا مەن جاستاردىڭ ساپالى ءبىلىم الىپ, باسەكەگە قابىلەتتى مامان بولىپ قالىپتاسۋىنا ەرەكشە كوڭىل ءبولىپ, سوعان باسىمدىق بەردىم. ويتكەنى سەندەر - ەلىمىزدىڭ ەرتەڭى عانا ەمەس, مەن ايقىنداعان ماقساتتاردى جۇزەگە اسىراتىن بۋىنسىڭدار. مەن سەندەردى بەلسەندى تۇردە جان-جاقتى دامۋعا, سپورتپەن, ونەرمەن اينالىسۋعا, شەت تىلدەردى ۇيرەنۋگە, وتاندىق جانە الەمدىك ادەبيەتتىڭ تەرەڭ مۇرالارىن تانىپ-بىلۋگە, ەڭ باستىسى, ارقايسىڭدى ءوز سالالارىندا الەمنىڭ ەڭ وزىق ماماندارىمەن يىق تىرەستىرىپ, قاتار تۇرا الاتىنداي دەڭگەيگە كوتەرىلۋگە شاقىرامىن. سەندەر اتا-بابالارىمىزعا ارمان بولعان, ءبىزدىڭ بۋىنىمىز قالاعان تاۋەلسىزدىكتى باياندى ەتىپ, ءبىزدىڭ جەڭىستى جولىمىزبەن جاسامپاز ءداستۇرىمىزدى لايىق جالعاستىرۋعا تيىستىسىڭدەر. «جاڭا الەمگە جول سالامىز» دەگەن سەزدىڭ اتاۋى دا جاستارىمىزدىڭ جاڭاشىلدىققا دەگەن ۇمتىلىسىن اڭعارتىپ, كوڭىلگە قۋانىش ۇيالاتادى. مەن سەندەردىڭ تىڭ باستامالارىڭدى ارقاشان قولدايمىن. ەندەشە جاڭا الەمگە سالعان جولدارىڭىز ءاردايىم اشىق ءارى داڭعىل بولسىن!».
