ەلباسى ءوز سوزىندە ء«بىزدىڭ ماقساتىمىز – وزگەرمەلى جاڭا جاعدايلاردا تەك ءتىرى قالۋ ەمەس, سونداي-اق بۇرىنعى تابىستارىمىزدى نىعايتا, وسى جاڭا الەمگە ءوزىمىزدىڭ ىقپال ەتۋ مۇمكىندىگىمىزدى كەڭەيتە وتىرىپ, دامۋىمىزدى جالعاستىرۋ», دەدى.
ەلباسىنىڭ ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» اتتى ءبىرىنشى باستاماسى ءار جاس وتباسى ءۇشىن ۇلكەن مۇمكىندىك تۋعىزدى.
قاراپايىم حالىقتىڭ مۇددەسىنە باعىتتالعان ەكىنشى قادام «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ». ەل پرەزيدەنتىنىڭ جىل سايىنعى جولداۋلارىنىڭ باسىم باعىتتارى جاستارمەن تىكەلەي بايلانىستى. كەلەشەگىمىزدىڭ كەلبەتى, بولاشاعىمىزدىڭ باياندى بولۋى بۇگىنگى جاستاردىن قولىندا. ويتكەنى ولار – «ەرتەڭىمىزدى جاسايتىن بۇگىنىمىز». سوندىقتان دا كەلەشەك ۇرپاققا ساپالى ءبىلىم, سانالى ءتالىم-تاربيە بەرىپ, وسى جولدا ەڭبەك ەتۋىنە جاعداي جاسالىنۋى ماڭىزدى. وسى ورايدا بەس باستامانىڭ ءۇشىنشى باعىتى «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» بولىپ بەلگىلەندى. بۇل حالقىمىزدىڭ ودان ءارى دامۋىنا ايتارلىقتاي ۇلەسىن قوسارى انىق. سونىمەن قاتار ەلباسىنىڭ ءتورتىنشى باستاماسى – «شاعىن نەسيە بەرۋدى كوبەيتۋ». بۇل اۋىلدىق وڭىرلەردە شاعىن بيزنەستەردىڭ اشىلۋىنا ودان ءارى دامۋىنا زور ۇلەسىن قوسادى دەپ سەنەمىن. «ەلدى گازبەن قامتاماسىز ەتۋدى جالعاستىرۋ» اتتى بەسىنشى باستاماسى بولاشاقتا وندىرىستەردىڭ دامۋىنا جانە ەكولوگيالىق جاعدايدىڭ جاقسارۋىنا مۇمكىندىك تۋعىزادى دەپ سەنەمىز.
ەلباسىنىڭ مىعىم ءارى مىقتى, سىندارلى دا ساليقالى ساياساتىن قولداي وتىرا, ەل يگىلىگى ءۇشىن بار كۇش-جىگەرىمىز بەن ءبىلىمىمىزدى سالا ەڭبەك ەتسەك ۇلكەن بيىكتەردەن كورىنەرىمىز انىق. مۇنداي باستامالاردى ءسىز بەن ءبىز بولىپ قولداۋىمىز قاجەت.
سارسەنبەك بايازيتوۆ,
بيدايىق اۋىلدىق وكرۋگىنىڭ اكىمى
قاراعاندى وبلىسى,
جاڭاارقا اۋدانى
