حالىقارالىق عارىش ستانساسىنا اتتانعان (حعس) «سويۋز مس-08» عارىش كەمەسىنىڭ ەكيپاج قۇرامىندا كەمە كومانديرى, روسكوسموس عارىشكەرى ولەگ ارتەمەۆ, تۇك بورتينجەنەرلەرى, NASA استروناۆتارى ەندريۋ فويستەل مەن ريچارد ارنولد بار.
عارىش ستانساسىنىڭ حابارلاۋىنشا, ۇشىرۋ شتاتتىق رەجيمدە ءوتتى. زىمىران تاسىعىشتىڭ, «سويۋز مس-08» كەمەسىنىڭ ءۇشىنشى ساتىدان ءبولىنۋى جوسپارلانعان مەرزىمدە ءوتتى. عارىش كەمەسى جەردىڭ جاساندى سپۋتنيگىنىڭ وربيتاسىنا شىعارىلدى. «سويۋز مس-08» كەمەسىنىڭ حعس-مەن ءتۇيىسۋى ەكى تاۋلىكتەن كەيىن جۇزەگە اسادى دەپ جوسپارلانىپ وتىر.
