مارتەبەلى قوناقتار, زيالى قاۋىم وكىلدەرى الدىمەن سول جيىن وتەتىن ماڭداعى اقبۋرا اۋليەنىڭ كەسەنەسىنە جينالىپ, وبلىس اكىمى جانسەيىت تۇيمەباەۆ «كەمەقالعان» تۋريستىك كەشەنىنىڭ جوباسىمەن تانىستىردى. جوبا بويىنشا قازىعۇرتتىڭ كەمەقالعان بيىگىنە قاراي 3,1 شاقىرىمدىق قانات جولى مەن 4 شاقىرىمدىق جاياۋ جۇرگىنشىلەر جولى سالىنباق. بيىكتە ۇزىندىعى 137 مەترلىك, ەنى 30 مەترلىك, بيىكتىگى 15 مەترلىك كەمە ءتارىزدى عيمارات بوي كوتەرەدى.
ءۇش قاباتتى نىساننىڭ ىشىندە مۇراجاي, قوناق ءۇي, مەيرامحانا, كورۋ الاڭدارى بولادى. سونداي-اق وسى كەشەن اۋماعىنان ۇلتتىق ات سپورتى ويىندارىن وتكىزەتىن 20 گەكتارلىق الاڭ سالۋ جوسپارلانعان. وبلىس باسشىسى كەلەر ۇرپاققا ارناپ جازىلىپ, ارنايى كاپسۋلاعا سالىنعان حاتتى كەشەننىڭ ىرگەتاسىنا قالاپ جىبەردى جانە وسى ايتۋلى وقيعاعا وراي قويىلعان ەسكەرتكىشتاستىڭ جامىلعىسىن اشتى.
«تىرشىلىكتىڭ باستاۋى قازىعۇرت» قويىلىمىمەن شىمىلدىعى تۇرىلگەن شارا بارىسىندا 230 ءبيشى حورەوگرافيالىق كومپوزيتسيا ارقىلى جەر جاھاندى توپان سۋ باسىپ, نۇق پايعامباردىڭ كەمەسىنىڭ قازىعۇرت تاۋىنا ايالداعانىن بەينەلى بيمەن پاش ەتتى. وبلىس اكىمى ج.تۇيمەباەۆ ناۋرىزدى تويلاۋدىڭ نە سەبەپتى قازىعۇرت تاۋىنان باستاۋ العانىنا توقتالدى. اڭىز بويىنشا نۇق پايعامباردىڭ كەمەسى قازىعۇرت تاۋىنا ناۋرىزدا كەلىپ توقتاعان. كەمەدەن ءبىرىنشى بولىپ شىققان تىرشىلىك يەسى ناۋىرزەك بولعان. العاش رەت جەرگە قىلتيىپ شىققان وسىمدىك كوكبايشەشەك, ۇزاق جولدان ارىپ-ارشىپ كەلگەن كەمەدەگى بار ازىق-ت ۇلىكتەن دايىندالعان العاشقى تاعام ناۋرىزكوجە ەكەن. ياعني, قازىعۇرت پەن ناۋرىز ەكەۋىنىڭ ءبىر-بىرىمەن بايلانىساتىن تۇستارى كوپ.
-ناۋرىزدا ءداستۇر بويىنشا جاستار ۇلكەندەرمەن كورىسەدى. وكپە-ناز رەنىشتەر ۇمىتىلادى. ياعني, ناۋرىز ىنتىماق پەن بىرلىك, ۇلكەنگە قۇرمەت, مەيىرىم مەن كەشىرىمدىلىك سەكىلدى ىزگى قاسيەتتەر دارىپتەلەتىن مەرەكە,-دەدى وبلىس باسشىسى.
توي وبلىس ونەرپازدارىنىڭ كونتسەرتتىك باعدارلاماسى مەن ۇلتتىق سپورت تۇرلەرىنەن ۇيىمداستىرىلعان جارىستارمەن جالعاستى. بيىل وڭتۇستىكتە قولعا الىناتىن اۋقىمدى مادەني شارالار دا وسى جيىندا ايتىلدى. اتاپ ايتقاندا, «ۇلتتىق قولونەر – ۇلى مۇرا», «تۋعان جەرگە تاعزىم: ورداباسى كوكتەمى» جاستار فورۋمى,«اقسۋ-جاباعىلىنىڭ الاۋى, شۇبايقىزىلدىڭ جالاۋى» قىزعالداق فەستيۆالى, «قىمىزمۇرىندىق», «قاۋىنفەست», «سافاري شاردارا» جانە تاعى باسقا دا ءىس-شارالار وتكىزۋ جوسپارلانۋدا.
عالىمجان ەلشىباي,
«ەگەمەن قازاقستان»
