ىنتىماقتاستىقتىڭ بۇل جاڭا فورماتىندا ماجار ۇكىمەتى ەۋروپالىق كونتينەنت شەگىنەن تىس ارىپتەس ەلدەرمەن ءوزارا ءىس-قيمىلدى كۇشەيتۋ مىندەتىن العا قويا وتىرىپ, «ۆىشەگراد بىرىكتىرەدى» («V4 Connects») ۇرانىمەن وتەتىن ۆىشەگراد توبىندا باستاما جاسادى.
قازاقستاننىڭ سىرتقى ىستەر ءمينيسترى قايرات ءابدىراحمانوۆ وتىرىسقا قاتىسۋشىلارعا ارناعان سوزىندە ۆىشەگراد توبىنىڭ ينتەگراتسيالىق تاجىريبەسى قازىرگى كەزدە سەرپىن العان ورتالىق ازياداعى ءوزارا قارىم-قاتىناس ءۇشىن وتە پايدالى ەكەنىن اتاپ ءوتتى. مينيستر پرەزيدەنت ن.نازارباەۆتىڭ ورتالىق ازيا ەلدەرىن وڭىردەگى وزەكتى پروبلەمالاردى شەشۋ ءۇشىن كۇش بىرىكتىرۋگە شاقىرعان ءىس-قيمىلىنا ارىپتەستەرىنىڭ نازارىن اۋداردى.
قازاقستان ءسىم باسشىسى ورتالىق ازيا مەن ۆىشەگراد توبىنىڭ ىقتيمال ءوزارا ءىس-قيمىلىنىڭ ناقتى سالالارىن اتادى. ولاردىڭ قاتارىنا ءبىلىم بەرۋ مەن ادامي كاپيتال, تسيفرلاندىرۋ مەن وزىق تەحنولوگيالاردى پايدالانۋ, ەكسپو-2017 حالىقارالىق مامانداندىرىلعان كورمەسىنىڭ الاڭىندا قۇرىلعان «استانا» حالىقارالىق قارجى ورتالىعى, «جاسىل» تەحنولوگيالاردى دامىتۋ ورتالىعى مەن ءىت-ستارتاپتار پاركى شەڭبەرىندەگى ىنتىماقتاستىق كىردى.
مينيستر «ۆىشەگراد توبى» برەندىنىڭ تابىسقا جەتۋدەگى ماڭىزدى فاكتورىنىڭ ءبىرى باسقا مەملەكەتتەرمەن جانە بىرلەستىكتەرمەن ديالوگ جۇرگىزۋ جانە ىنتىماقتاستىق ورناتۋداعى اشىقتىق ەكەنى جونىندە پىكىرىن ءبىلدىردى.
وتىرىستا قاتىسقان بارلىق مەملەكەتتەردىڭ وكىلدەرى ۇسىنىلعان فورماتتاعى وڭىرارالىق ءوزارا ءىس-قيمىل مەن قارقىندى ديالوگتى جالعاستىرۋعا ەرەكشە مۇددەلىك ءبىلدىردى.
«ەگەمەن-اقپارات»
