1 ناۋرىزدا ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «عاسىردان دا ۇزاق كۇن» سپەكتاكلى, ال م.گوركي اتىنداعى ورىس دراما تەاترىندا «كۋرت – دراگوتسەننىي كامەن» قويىلىمى كورەرمەندەر نازارىنا ۇسىنىلاتىن بولادى. استانانىڭ قۋىرشاق تەاترى بالالار ءۇيىنىڭ تاربيەلەنۋشىلەرى مەن كوپبالالى وتباسىلاردان شىققان بالالار ءۇشىن «لەسنايا سكازكا و دوبرىح سوسەدياح» سپەكتاكلىنىڭ قايىرىمدىلىق كورسەتىلىمىن ساحنالايدى. وسى كۇنى س.سەيفۋللين اتىنداعى مۋزەيدە «جانىڭدا ءجۇر جاقسى ادام» تاقىرىبىندا كەزدەسۋ, ال №5 بالالار كىتاپحاناسىندا «تەپلو كازاحستانسكوي زەملي» كەشى وتەدى.
سونىمەن قاتار, ەلوردالىق كىتاپحاناشىلار قارتتار ۇيىندە «قۇرمەت پەن ىزەت قۇشاعىندا» كوشپەلى شاراسىن ۇيىمداستىرادى. ال «الجير» مۇراجايىنا كەلۋشىلەر مەرەكەگە وراي ۇيىمداستىرىلعان ارنايى كورمەنى تاماشالاي الادى.
بۇدان بولەك, استانادا العىس ايتۋ كۇنىنە وراي 2 كونتسەرت وتەدى. 1 ناۋرىزدا بەيبىتشىلىك جانە كەلىسىم سارايىندا «مىڭ العىس» كونتسەرتى, ال 3 ناۋرىزدا «جاستار» سارايىندا «ودين نارود – ودنا سەميا» كونتسەرتى كورەرمەندەر نازارىنا ۇسىنىلادى.
العىس ايتۋ كۇنى قازاقستاندا 1 ناۋرىزدا اتالىپ وتىلەدى. بۇل مەرەكە پرەزيدەنت نۇرسۇلتان نازارباەۆتىڭ جارلىعىمەن 2016 جىلى بەكىتىلىپ, قازاقستان حالقى اسسامبلەياسىنىڭ قۇرىلعان كۇنىنە ورايلاستىرىلعان.
