جالپى, جولداۋدا ۇستىمىزدەگى جىلى جۇزەگە اسىرىلۋى ءتيىستى ناقتى ون باعىت بەلگىلەنگەن. ەندى ولاردى تياناقتى ورىنداۋ ءاربىر قازاقستاندىقتىڭ مىندەتى بولىپ سانالادى.
ەلدىڭ بولاشاعىن سەنىمدى قولعا تاپسىرۋ ءۇشىن جوعارى وقۋ ورىندارىنىڭ الدىندا بىلىكتى مامان دايارلاۋ بويىنشا زور مىندەت تۇر. ەلباسى جولداۋىنىڭ جەتىنشى باعىتى ءبىلىم سالاسىندا ەڭبەك ەتىپ جۇرگەن مامانداردى تولعاندىرارى انىق. «ادامي كاپيتال – جاڭعىرۋ نەگىزى» اتالاتىن باعىت ەلدىڭ دامۋ ستراتەگياسىندا ماڭىزدى ورىن الادى. پرەزيدەنت بىزگە ءبىلىم ساپاسىنىڭ جاڭا قادامىنا ءوتۋدى, ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ ەكەندىگىن جەتكىزدى. وسى باعىتتا ءبىزدىڭ ۋنيۆەرسيتەتتە بىرقاتار جۇمىستار اتقارىلۋدا.
بىرىنشىدەن, ءبىز كاسىبي ستاندارتتار نەگىزىندە ءبىلىم بەرۋ باعدارلامالارىن جاساۋدى قولعا الدىق. ول ءۇشىن وتكەن وقۋ جىلىندا ماماندار دايارلاۋدىڭ بارلىق باعىتتارى بويىنشا اكادەميالىق كوميتەتتەر قۇرىلدى. اكادەميالىق كوميتەتتەردىڭ ماقساتى – كاسىبي ستاندارتتار, سالالىق بىلىكتىلىك شەڭبەرلەرى, ەڭبەك نارقى, عىلىم, تەحنولوگيالار مەن ءوندىرىس دامۋىنىڭ زاماناۋي دەڭگەيى تالاپتارىن ەسكەرە وتىرىپ, ءبىلىم بەرۋ باعدارلامالارىن جاساۋ بولىپ تابىلادى. 2017 جىلى اكادەميالىق كوميتەتتەر باكالاۆريات, ماگيستراتۋرا جانە دوكتورانتۋرانىڭ 99 ءبىلىم بەرۋ باعدارلاماسىن جاساسا, ونىڭ ىشىندە باكالاۆريات دەڭگەيى بويىنشا 21, عىلىمي-پەداگوگيكالىق جانە بەيىندىك ماگيستراتۋرا بويىنشا 4 باعدارلاما كاسىبي ستاندارتتار نەگىزىندە قۇراستىرىلدى.
ەكىنشىدەن, كاسىبي ستاندارتتار ەنگىزىلمەگەن سەكتورلار بويىنشا ءبىلىم بەرۋ باعدارلامالارىن جاساۋعا جۇمىس بەرۋشىلەر تارتىلدى. جۇمىس بەرۋشىلەر باعدارلامالاردى قۇراستىرۋعا دا, ولارعا ساراپتاما جاساۋعا دا قاتىسا وتىرىپ, جاڭا, وزەكتى وقۋ پاندەرىن ەنگىزۋ بويىنشا ۇسىنىستارىن بەرەدى. ماسەلەن, ۇستىمىزدەگى وقۋ جىلى جۇمىس بەرۋشىلەردىڭ ۇسىنىسىمەن تاجىريبەلىك ماڭىزعا يە 96 جاڭا ەلەكتيۆتىك ءپان ەنگىزىلدى.
ۇشىنشىدەن, ۋنيۆەرسيتەتتىڭ بارلىق ءبىلىم بەرۋ باعدارلامالارى «تسيفرلى قازاقستان» جاعدايىندا جۇمىس جاساۋعا بەيىمدى ماماندار دايارلاۋعا باعىتتالاتىن بولادى.
تورتىنشىدەن, م.قوزىباەۆ اتىنداعى سقمۋ ءبىلىم الۋشىلاردى ناتيجەلى جۇمىسپەن قامتۋعا تارتۋ بويىنشا بەلسەندى جۇمىس جۇرگىزۋدە. ستۋدەنتتەردىڭ كاسىپكەرلىك داعدىلارىن دامىتۋدى ەسەپكە الا وتىرىپ, ءبىلىم بەرۋ باعدارلامالارىن جەتىلدىرۋ ماقساتىندا سولتۇستىك قازاقستان وبلىسى كاسىپكەرلەرىنىڭ ايماقتىق كەڭەسى مۇشەلەرىنىڭ ۇسىنىسى بويىنشا باكالاۆرياتتىڭ باعدارلامالارىنىڭ بارلىعىنا وسى داعدىلاردى قالىپتاستىرۋعا باعىتتالعان «كاسىپكەرلىك نەگىزدەرى», «قارجىلىق ساۋاتتىلىق نەگىزدەرى», «ەكونوميكا جانە بيزنەس» ەلەكتيۆتى پاندەرى ەنگىزىلدى.
ەلباسى جولداۋىندا عىلىمعا دا ەرەكشە نازار اۋدارىلعان. بۇل رەتتە ءسوز قوزعار بولساق, ۋنيۆەرسيتەتتە 64 ستۋدەنتتىك عىلىمي بىرلەستىك بەلسەندى جۇمىس ىستەيدى. عىلىمي-تاجىريبەلىك كونفەرەنتسيالار, سەمينارلار, دوڭگەلەك ۇستەلدەر جانە باسقا دا ءىس-شارالار ۇدايى وتكىزىلىپ تۇرادى. ۋنيۆەرسيتەتتە مۇناي-گاز حيمياسى, اوك, بيو جانە IT تەحنولوگيالار بويىنشا ستۋدەنتتەردىڭ زەرتتەۋ جۇمىستارىن جۇرگىزۋگە باسىمدىق بەرەدى.
«اۋىل شارۋاشىلىعى» كافەدراسىندا «سولتۇستىك قازاقستان مال جانە وسىمدىك شارۋاشىلىعى عىلىمي-زەرتتەۋ ينستيتۋتى» جشس-ءنىڭ عالىمدارىمەن بىرگە سولتۇستىك قازاقستان ورماندى-دالا ايماعىندا پايدالانۋدان شىعارىلعان القاپتاردى ءتيىمدى پايدالانا وتىرىپ, قۇنارلىلىعى تومەن (سەلدىر) ايماقتاردا جوعارى ءونىمدى ءشوپ شاباتىن جايىلىمدىق جەر الۋ جوباسى ازىرلەنۋدە. «شاعالا-اگرو» كومپانياسى ارىپتەس ءارى ينۆەستور رەتىندە ءوز كومەگىن ۇسىندى. جوبانىڭ ىسكە اسىرىلۋ مەرزىمى – 2018-2020 جىلداردى قامتيدى. بۇل ماقساتتى باعدارلاما بەلسەندى اۋىل شارۋاشىلىعى اينالىمىنا 900 گەكتار قۇنارلىلىعى تومەن جەرلەردى اينالىمعا ەنگىزۋگە مۇمكىندىك بەرەدى, ونىمدىلىگى جوعارى شابىندىقتار قۇرۋعا جانە جايىلىمنان الىناتىن جەم مەن مال شارۋاشىلىعى ءونىمىنىڭ ساپاسىن جاقسارتۋعا, توپىراق قۇنارلىلىعىن ساقتاۋ جانە مولىقتىرۋعا مۇمكىندىك تۋعىزادى.
بعم عىلىم كوميتەتى كونكۋرسىنىڭ قورىتىندىسى بويىنشا, سقمۋ-دا اشىلعان, ۋنيۆەرسيتەتتىڭ عىلىمي-زەرتتەۋلەرىنىڭ ناتيجەلەرىن كوممەرتسيالاندىرۋ كەڭسەسى ء«ونىمدى يننوۆاتسيالاردى ىنتالاندىرۋ» جوباسى بويىنشا 116 ملن تەڭگە سوماسىندا گرانت ۇتسا, ەكى جوبامىز عىلىمي جانە عىلىمي-تەحنيكالىق ءىس-ارەكەت ناتيجەلەرىن كوممەرتسيالاندىرۋ بويىنشا 443 ملن تەڭگە سوماسىندا قارجىلاندىرىلىپ وتىر.
جەتەكشى شەتەلدىك ۋنيۆەرسيتەتتەر جانە زەرتتەۋ ورتالىقتارىمەن, ءىرى كاسىپورىندار جانە تنك-مەن بىرلەسكەن جوبالاردى قولعا الىپ, ءتيىمدى جۇزەگە اسىرۋ جۇمىستارىن جالعاستىرۋدى وزىمىزگە مىندەت ەتىپ وتىرمىز. بۇگىنگە دەيىن سقمۋ شەتەلدىك ۇيىمدارمەن جانە ۋنيۆەرسيتەتتەرمەن 135 كەلىسىمشارت جاسادى. سونداي-اق «ەرازمۋس+» باعدارلاماسى شەڭبەرىندە حالىقارالىق جوبا جۇزەگە اسىرىلۋدا. جوعارى وقۋ ورنىمىزدا يدەولوگيالىق جۇمىستاردى دامىتا وتىرىپ, «رۋحاني جاڭعىرۋ» باعدارلاماسىنىڭ «تۋعان جەر» باعىتى بويىنشا م.قوزىباەۆ اتىنداعى سقمۋ-دا جوبالىق وفيس اشىلدى جانە عىلىمي-پەداگوگيكالىق الەۋەتى بار ساراپشىلار توبى قۇرىلعان.
ەلباسى جولداۋى قازىرگى زامانعى قوعامنىڭ بارلىق باسىم سالالارىن دامىتۋدى كوزدەيدى. ءبىزدىڭ مىندەتىمىز – ءوز سالامىزدا, ياعني جوعارى وقۋ ورنىندا جولداۋدى ىسكە اسىرۋ جانە ودان ۇتىمدى ناتيجە شىعارۋ بولىپ تابىلادى.
سەرىك ومIرباەۆ,
م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ رەكتورى
