تۇرىك فيرمالارى - Makyol Construction جانە Alsim Alarko, سونداي-اق وڭتۇستىك كورەيالىق كومپانيالار, كورەيالىق SK جانە كورەيا Expressway كورپوراتسياسى ءۇاااج جوباسىن ىسكە قوسۋ تۋرالى كەلىسىمگە قول قويدى, دەپ مالىمدەدى قر وڭتۇستىك كورەياداعى ەلشىلىگىنىڭ ينۆەستيتسيالار جونىندەگى ارنايى كەڭەسشىسى ولجاس راەۆ.
راەۆتىڭ ايتۋىنشا, جول قۇرىلىسى وسى جىلى باستالادى.
ونىڭ ايتۋىنشا, جولدىڭ ۇزىندىعى 66 كم (41 ميل) بولادى جانە الماتى قالاسىنىڭ وڭتۇستىك-شىعىسىنداعى قاراساي, ىلە جانە تالعار اۋداندارىنان وتەدى.
بۇدان باسقا, جول بويىندا جەتى قيىلىسۋ جانە 13 جول وتكەلىنىڭ قۇرىلىسى جوسپارلانىپ وتىر.
ءۇاااج – ەلىمىزدەگى ەڭ ۇلكەن جوبالاردىڭ ءبىرى, ءارى بۇل الماتى قالاسىنداعى جول كەپتەلىسىن ازايتۋعا باعىتتالعان بىرەگەي جوبا بولىپ وتىر.
قازاقستان رەسپۋبليكاسى ينۆەستيتسيا جانە دامۋ مينيسترلىگىنىڭ حابارلاۋى بويىنشا, قۇنى 150 ميلليارد تەڭگە ($467,9 ميلليون) بولاتىن جوبانى تۇرىك جانە كورەي ينۆەستورلارى جۇزەگە اسىرادى.
