today.kz
«ەلىمىز پرەزيدەنت نۇرسۇلتان نازارباەۆ ايقىندايتىن كوپۆەكتورلى, تەڭدەستىرىلگەن, پراگماتيكالىق جانە بەلسەندى سىرتقى ساياساتتى ىسكە اسىرۋدى جالعاستىرىپ وتىر. مەملەكەت باسشىسىنىڭ حالىقارالىق قىزمەتىن جانە باستامالارىن تۇسىندىرۋدە ءسىم بۇقارالىق اقپارات قۇرالدارى مەن كەڭ قاۋىمداستىق ءۇشىن اشىق بولۋىن جالعاستىرادى», دەدى مينيستر كەزدەسۋدە.
مينيستر اتاپ وتكەندەي, بۇل سالادا ءسىم وتاندىق ساراپشى قوعامداستىقتىڭ بەلسەندى قاتىسۋىنا ءۇمىت ارتادى. مينيسترلىك وزەكتى اقپاراتپەن, قاجەتتى ۇستانىمدىق جانە انىقتامالىق ماتەريالدارمەن قامتاماسىز ەتۋگە دايىن. سونداي-اق, سىرتقى ساياسي ۆەدومستۆو ساياساتتانۋشىلارمەن كەرى بايلانىستى ساقتاۋعا, سونىڭ ىشىندە حالىقارالىق كۇن ءتارتىبىنىڭ وزەكتى ماسەلەلەرىن تالقىلاۋعا مۇددەلى.
ق.ءابدىراحمانوۆ الەمدەگى قازىرگى احۋال بويىنشا ءوز كوزقاراسىمەن ءبولىستى جانە قازاقستاننىڭ نەگىزگى سىرتقى ساياسي مىندەتتەرىنە توقتالدى. ول نەگىزگى باسىمدىقتار 2014-2019 جىلدارعا ارنالعان سىرتقى ساياسات تۇجىرىمداماسىندا باياندالعانىن ەسكە سالدى. قازاقستان رەسەي, قىتاي, اقش, ورتالىق ازيا, ەۋروپا, ازيا, تاياۋ جانە ورتا شىعىس, لاتىن امەريكا مەن افريكا مەملەكەتتەرىمەن, نەگىزگى حالىقارالىق جانە وڭىرلىك ۇيىمدار اياسىندا ءوزارا ءتيىمدى جانە تەڭ قۇقىلى قارىم-قاتىناستاردى بەلسەندى دامىتۋدا.
«بۇل رەتتە, جۇمىسىمىزدىڭ باسىمدىعى ادەتتەگىدەي قازاقستان ازاماتتارىنىڭ قۇقىقتارى مەن مۇددەلەرىن قورعاۋ بولىپ قالا بەرىپ, ونىڭ تيىمدىلىگىنىڭ باستى ولشەۋىشى پرەزيدەنت ن.نازارباەۆتىڭ اۋقىمدى جاڭعىرتۋ باستامالارىن ىسكە اسىرۋ ءۇشىن قولايلى سىرتقى جاعدايلاردى ساقتاۋ جانە نىعايتۋ بولماق», دەدى ءسىم باسشىسى.
وسى كۇنى سىرتقى ىستەر ءمينيسترى الماتىداعى بىرقاتار بۇقارالىق اقپارات قۇرالدارى وكىلدەرىمەن جۇزدەستى. اڭگىمە بارىسىندا ەلباسىنىڭ ەلىمىزدىڭ سىرتقى ساياساتى, ونىڭ حالقىمىز ءۇشىن ءرولى, قوعامدى قىزىقتىراتىن حالىقارالىق ماسەلەلەر بويىنشا ەركىن تۇردە پىكىر الماسۋ بولدى. كەزدەسۋگە «31 ارنا» مەن «قازاقستان» تەلەارنالارى, «ەگەمەن قازاقستان», «ايقىن», «Qamshy.kz», «جاس قازاق», «الماتى اقشامى», «اباي-اقپارات», «قازاق ادەبيەتى», «قازاق ءۇنى», «زاڭ», «Qazaq» جانە «انا ءتىلى» باسىلىمدارىنىڭ جەتەكشىلەرى مەن وكىلدەرى قاتىستى.
