ەسەپتى كەزەڭدە قالالىق جەرلەردە تۇراتىن حالىقتىڭ سانى 10 ملن 426,5 مىڭعا (57,4%) جەتىپ, اۋىلداردا 7730,6 مىڭدى (42,6%) قۇرادى. احات ورگاندارىنىڭ مالىمەتىنشە, بىلتىر 390,5 مىڭ ءسابي ومىرگە كەلگەن, بۇل كورسەتكىش بىلتىرعىعا قاراعاندا 4,7%-عا از.
مىڭ ادامعا شاققانداعى جالپى تۋ كوەففيتسيەنتى 21,65 ءسابي بولىپ وتىر. رەسپۋبليكا حالقىنىڭ تابيعي ءوسىمى 2016 جىلمەن سالىستىرعاندا 17 مىڭ ادامعا نەمەسە 6,1%-كە قىسقارىپ, 260,5 مىڭدى, ال مىڭ ادامعا شاققانداعى تابيعي ءوسىم 14,44-ءتى قۇرادى. ەسەپتى كەزەڭدە 130 مىڭ ادام قايتىس بولدى. بۇل بىلتىرعى كورسەتكىشتەن 1,8%-كە از. بىلتىر رەسپۋبليكادا 1 جاسقا دەيىنگى 3150 نارەستە (10,6%-عا از) شەتىنەگەن.
نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار. بۇدان 2017 جىلعى قاڭتار-جەلتوقسانادا 1586 نارەستە قايتىس بولىپ, نارەستەلەر اراسىنداعى جالپى ءولىم سانىنىڭ 50,3% قۇرادى. تۋا بىتكەن اۋىتقۋلاردان 731 نەمەسە 23,2%, تىنىس ورگاندارى اۋرۋلارىنان - 195 نەمەسە 6,2% جانە جازاتايىم جاعدايدان, ۋلانۋدان جانە جاراقاتتان - 168 نەمەسە 5,3% نارەستە قايتىس بولدى. 2017 جىلعى قاڭتار-جەلتوقساندا نارەستە ءولىم-ءجىتىمىنىڭ كوەففيتسيەتى 1000 تۋعاندارعا شاققاندا 8,07 قۇرادى.
كوشى-قون قىزمەتى ورگاندارى ۇسىنعان مالىمەتتەرگە سايكەس, 2017 جىلعى قاڭتار-جەلتوقساندا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2016 جىلعى قاڭتار-جەلتوقسانمەن سالىستىرعاندا 20,5%-كە كوبەيىپ, 16 081-ءدى قۇراعان. ەلىمىزدەن كەتكەندەردىڭ سانى 7,8%-كە كوبەيىپ, 37 704-ءتى قۇرادى. تمد ەلدەرىنەن كەلگەندەردىڭ ۇلەسى جالپى كوشىپ كەلۋشىلەردىڭ 72,1%-ءىن, ال تمد ەلدەرىنە كەتكەندەردىڭ ۇلەسى 89,4%-ءتى قۇرادى. وڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 35,4%-ءىن كۇرادى.
وڭىرارالىق كوشى-قوننىڭ وڭ ايىرىمى استانا قالاسىندا (36 449 ادام), الماتى قالاسىندا (31 775 ادام) جانە اقمولا وبلىسىندا (1 544 ادام) بايقالدى.
