پارلامەنت سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى قۇزىرەتتى ورگاندار باسشىلىعىمەن جول قوزعالىسىنىڭ قاۋىپسىزدىگىنە قاتىستى زاڭنامانى جەتىلدىرۋ جونىندە كەزدەسۋ وتكىزدى.
كەڭەستى اشا وتىرىپ, كوميتەت توراعاسى گەورگي كيم جول قوزعالىسى قاۋىپسىزدىگى جاعدايى بويىنشا ەۋروپالىق بايانداماسىنا سايكەس, 50 ەلدىڭ ىشىندە قازاقستان جول-كولىك وقيعالارىنان جاراقاتتانۋ, ادام ءولىمى بويىنشا ءبىرىنشى ورىندا ەكەندىگىن اتاپ كورسەتتى. سوندىقتان, اپات سەبەپتەرىن انىقتاۋ جانە قولدانىستاعى زاڭنامانى جەتىلدىرۋ جولىمەن ولاردىڭ الدىن الۋ جونىندە شارالار قابىلداۋ قاجەتتىگى ايتىلدى.
«دەنساۋلىق» مەملەكەتتىك باعدارلاماسى بويىنشا: سانيتارلىق اۆياتسيا قىزمەتىن دامىتۋ, جىلجىمالى مەديتسينالىق كەشەندەر قۇرۋ, كەزدەيسوق, جول-كولىك وقيعالارىندا ونىڭ ىشىندە, جاراقاتتار مەن اۆاريالار كەزىندە دارىگەرلىك كەشەندى كومەكتىڭ مودەلىن جاساۋ اتاپ ءوتىلدى.
ۇكىمەتتىك ەمەس ۇيىمداردىڭ وكىلدەرى ءوز سوزىندە ەلدەگى جول قوزعالىسى قاۋىپسىزدىگىن ارتتىرۋ بويىنشا ۇسىنىستار ەنگىزدى.
دوڭگەلەك ۇستەلدىڭ قورىتىندىسى بويىنشا جول قاۋىپسىزدىگىن قامتاماسىز ەتۋ تەتىكتەرىن جەتىلدىرۋ بويىنشا ۇسىنىمدار قابىلداندى.
