جاڭاقورعان اۋدانىنىڭ اكىمى عالىم امىرەەۆ جانە «مانساپ-قىزىلوردا» جشس بيزنەس-ترەنەرى ناتاليا ميشۋكوۆا شاعىن جانە ورتا بيزنەستىڭ دامۋداعى الەۋەتى جايلى ايتتى.
ايتا كەتەيىك, «اگروەكسپرەسس» وقۋ سەمينارى وڭىردەگى كاسىپكەرلىكپەن اينالىسۋعا نيەتتى ازاماتتاردى تاجىريبە الماسىپ, نارىقتىق قاتىناستارعا ساي بيزنەستى دامىتۋدىڭ جولدارىن ۇيرەتۋگە مۇمكىندىك بەرەدى.
«جاڭاقورعان اۋدانى وبلىستا كاسىپكەرلىكتى دامىتۋ بويىنشا كوش باستاپ تۇر. وتكەن جىلى اۋدانىمىزدا «اگرو-يندۋستريالدىق ايماق» قۇرىلىپ, كاسىپكەرلىكتىڭ دامۋىنا جاعداي جاسالۋدا. اۋداندا شاعىن جانە ورتا بيزنەستەن 3338 سۋبەكتى تىركەلسە, ونىڭ ىشىندە بەلسەندىسى- 3171 نەمەسە 95 پايىزدان جوعارى. بۇل ايماقتاعى ەڭ جوعارى كورسەتكىش. سونداي-اق, تاريحي ەسكەرتكىشتەرگە قىزىعۋشىلىق تانىتقاندار ءۇشىن تۋريستىك كلاستەردى دامىتۋ ءۇشىن ۇلكەن مۇمكىندىكتەر بار. بيىل بەس اۋىلدىق وكرۋگتە ماناپ, قاندوز, تومەنارىق, اقۇيىك جانە قاراتوبە اۋىلدىق وكرۋگتەرىندە ينفراقۇرىلىم ماسەلەلەرىن شەشۋگە جەرگىلىكتى بيۋدجەتتەن «اگرويندۋستريالدىق ايماق» قۇرۋعا قاراجات ءبولىنىپ وتىر»,- دەدى اۋدان اكىمى عالىم امىرەەۆ.
ەستەرىڭىزگە سالا كەتەيىك, وبلىس اكىمدىگى, ءماسليحات, «نۇر وتان» پارتياسىنىڭ فيليالى جانە قوعامدىق كەڭەس 2018 جىلدى وبلىس بويىنشا «جاپپاي كاسىپكەرلىكتى قولداۋ جىلى» دەپ جاريالاۋ تۋرالى بىرلەسكەن شەشىم قابىلداعان بولاتىن. جاڭاقورعان اۋدانى العاشقىلاردىڭ ءبىرى بولىپ اۋماعى 50 گەكتار «اگرويندۋستريالدىق ايماق» قۇرعان. سەمينارعا قاتىسۋشىلار اگرو-يندۋستريالدىق ايماق جۇمىسىمەن جانە «جاڭاقورعان» شيپاجايىمەن تانىستى.
كۇننىڭ ەكىنشى جارتىسىندا تاريحي ورىندارعا ساياحات جاسالدى. قاتىسۋشىلار «تولەك اتا», قىلىشتى اتا» جانە «قوراسان اتا» كەسەنەلەرىنە باردى.
ايتپاقشى, وتكەن جىلى تۋريستىك سالانى دامىتۋ ماقساتىندا تاريحي ورىندارعا باراتىن جول تولىق اسفالتتالعان. بولاشاقتا مۇندا تۋريستەرگە ارنالعان «اقتاس» مەشىتى جانە كورشى تۇركىستان قالاسىنداعى قوجا احمەت ياسساۋي كەسەنەسىنە بارۋ ساياحاتىن ۇيىمداستىرۋ كەشەنى قىزمەت كورسەتەتىن بولادى.
