نوريلسكي قالالىق كەڭەسىنىڭ دەپۋتاتى جانە قالالىق دامۋ اگەنتتىگىن باسقارعان ازاماتتىڭ ءومىربايانىندا 1973 جىلى 28 ناۋرىزدا قازاقستاننىڭ شىمكەنت وبلىسى, بەلىە ۆودى اۋلىندا تۋعان دەپ كورسەتىلگەن. رەسەيگە قونىس اۋدارعان سوڭ پانچەنكو جوعارى ءبىلىم الىپ, ماگيستر جانە «ستراتەگيالىق مەنەدجمەنت» بويىنشا كەلىسىمشارت اكىمشىسى دوكتورى دارەجەسىن العان. «سەۆەرنىي گورود» كومپانياسىندا جۇمىس ىستەپ, 2017 جىلى نوريلسكي قالالىق كەڭەسىنىڭ دەپۋتاتى اتانعان.
ءمالىم بولعانداي, اۋە كەمەسىندە قىزىلوردا وبلىسىنىڭ تۋمالارى 33 جاستاعى يليا ستاۆسكي مەن 30 جاستاعى كەلىنشەك بولعان. سونىمەن قاتار ۇشاقتى ورىنبور وبلىسىنىڭ تۇرعىنى, قازاق ۇلتىنىڭ وكىلى تەمىرلان اقنازاروۆتىڭ بار بولعانى انىقتالىپ وتىر.
ەستەرىڭىزگە سالا كەتەيىك, 11 اقپان كۇنى ماسكەۋدىڭ دومودەدوۆو اۋەجايىنان كوككە كوتەرىلگەن ان-148 جولاۋشىلار ۇشاعى كوپ ۇزاماي راداردان جوعالىپ كەتتى. كەيىن ۇشاق قالدىقتارى ماسكەۋ وبلىسىنىڭ رامەنسك اۋدانىندا تابىلعانى ءمالىم ەتىلدى. «ساراتوۆ اۋە جەلىلەرى» كومپانياسىنا تيەسىلى ۇشاقتىڭ بورتىندا 65 جولاۋشى مەن 6 ەكيپاج مۇشەسى بولدى. ولاردىڭ بارلىعى اشال قۇشتى.
رەسەي فەدەراتسياسى توتەنشە جاعدايلار مينيسترلىگىنىڭ رەسمي سايتىندا ۇشاقتا بولعان بارلىق جولاۋشىلار مەن ەكيپاج مۇشەلەرىنىڭ اتى-جوندەرى جاريالانعان بولاتىن. اجال قۇشقان جولاۋشىلاردىڭ ۇشەۋى - بالا.
