وتىرىس بارىسىندا ۇلتتىق ەكونوميكا ءمينيسترى ت. سۇلەيمەنوۆتىڭ, قارجى ءمينيسترى ب. سۇلتانوۆتىڭ, ينۆەستيتسيالار جانە دامۋ ءمينيسترى ج. قاسىمبەكتىڭ, ەنەرگەتيكا ءمينيسترى ق. بوزىمباەۆتىڭ, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆانىڭ, اقپارات جانە كوممۋنيكاتسيالار ءمينيسترى د. اباەۆتىڭ, دەنساۋلىق ساقتاۋ ۆيتسە-ءمينيسترى ا. تسوي مەن مادەنيەت جانە سپورت ۆيتسە-ءمينيسترى ە. قوجاعاپانوۆتىڭ باياندامالارى تىڭدالدى.
پرەمەر-ءمينيستردىڭ ورىنباسارى, اۋىل شارۋاشىلىعى ءمينيسترى ءو. شوكەەۆ, «سامۇرىق-قازىنا» ۇاق باسقارما توراعاسى ا. ەسىموۆ, ۇلتتىق كومپانيالاردىڭ باسشىلارى ءوز باعىتتارى بويىنشا ۇكىمەتتىڭ كەڭەيتىلگەن وتىرىسىندا ايتىلعان مەملەكەت باسشىسىنىڭ تاپسىرمالارىن ىسكە اسىرۋ بويىنشا جوبالارى تۋرالى باياندادى.
ماسەلەنى قاراۋ قورىتىندىسى بويىنشا باقىتجان ساعىنتاەۆ ماسەلەلەر قر پرەزيدەنتىنىڭ ەرەكشە باقىلاۋىندا ەكەنىن ايتىپ ءوتتى.
«ۇلتتىق ەكونوميكا مينيسترلىگىنە مۇددەلى مەملەكەتتىك ورگاندارمەن بىرگە جۇماعا دەيىنگى مەرزىمدە ۇكىمەتتىڭ 2018 جىلعا ارنالعان جانداندىرىلعان جۇمىس جوسپارىنىڭ جوباسىن بۇگىنگى تالقىلاۋدى ەسكەرە وتىرىپ, ۇكىمەتكە ەنگىزۋ قاجەت», — دەپ تاپسىردى باقىتجان ساعىنتاەۆ.
