– مىنە, 2018 جىل باستالدى, قاڭتار ايى, قىستىڭ ورتاسى, كۇن سۋىق, – دەپ اڭگىمەلەدى سەمەي قالاسىنداعى توتەنشە جاعدايلار جونىندەگى باسقارمانىڭ باس مامانى اجار رۇستەموۆا, – قاۋىپ ازايار
ەمەس. ايازدى كۇندەردە ءورت شىعۋى, ادامنىڭ قازا بولۋى مەن جاراقاتتانۋ قاۋپى جوعارى. سەبەبى تۇراعى جوق جانداردىڭ بارلىعى ايتەۋىر, ءبىر جىلى جەرگە تۇنەپ شىققىلارى كەلەدى نەمەسە «جىلى ورىن» ىزدەيدى. وسىعان وراي, سەمەي قالاسىنداعى تجب مەملەكەتتىك ءورت باقىلاۋ ءبولىمى جەرگىلىكتى پوليتسيا قىزمەتكەرلەرىمەن بىرلەسە تۇرعىلىقتى مەكەن-جايلارى جوق تۇلعالار جينالاتىن ورىندار بويىنشا كەزەكتى رەيدتەر جۇرگىزدى. بۇل ءىس-شارانىڭ ماقساتى – قاڭعىباس ادامدارعا ءورت قاۋىپسىزدىگىنىڭ قاراپايىم نورمالارىن ساقتاۋ قاجەتتىگى تۋرالى ءتۇسىندىرۋ. رەيد بارىسىندا وسىنداي 4 ورىن قامتىلدى, ناتيجەسىندە 20 اداممەن اڭگىمەلەسۋ جۇرگىزىلدى.
بۇعان دەيىن سەمەي قالالىق اتالعان مەكەمە قىزمەتكەرلەرى بىرنەشە رەت وسىنداي ەسكەرتۋ, ءتۇسىندىرۋ شارالارىن وتكىزگەن ەكەن. بۇل جۇمىس جالعاسا بەرمەك. وسىنداي ءىس-شارالار ناتيجەسىندە بىلتىر ءورت كەزىندە قاڭعىباس ادامداردىڭ قازا بولۋى ورىن الماپتى.
راۋشان نۇعمانبەك,
جۋرناليست
سەمەي
