«اتامەكەن» ۇلتتىق كاسىپكەرلەر پالاتاسى 2017 جىلدىڭ قىركۇيەك ايىندا رەسپۋبليكالىق دەڭگەيدە اۋقىمدى قوزعالىس – الەۋمەتتىك جاۋاپكەرشىلىكتى ارتتىراتىن «اتامەكەنىم» قايىرىمدىلىق اكتسياسىن باستاپ كەتتى. ايتا كەتسەك, اتالعان اكتسيا قىزۋ قولداۋ تاۋىپ, كاسىپكەرلەر اۋىل تۇرعىندارىنا, مۇقتاج جاندارعا ماتەريالدىق كومەك كورسەتۋدە.
«ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنا وراي تۋعان جەردى قولداۋ ماقساتىندا «اتامەكەنىم» اكتسياسى قولعا الىندى. ونىڭ نەگىزگى ماقساتى – الەۋمەتتىك جاۋاپكەرشىلىك پەن قايىرىمدىلىق مادەنيەتىن قالىپتاستىرۋ. جومارت جانداردىڭ ەڭبەگىن كورسەتىپ, وزگەلەرگە ۇلگى ەتۋ, الەۋمەتتىك جاۋاپكەرشىلىكتى ناسيحاتتاۋ», دەدى «اتامەكەن» ۇكپ باسقارۋشى ديرەكتورى – ادامي كاپيتالدى دامىتۋ دەپارتامەنتىنىڭ ديرەكتورى ولجاس ورداباەۆ.
«اتامەكەن» ۇكپ بيزنەس-كوممۋنيكاتسيانى مەملەكەتتىك تىلدە دامىتۋ دەپارتامەنتىنىڭ ديرەكتورى باۋىرجان ورازعاليەۆ 2017-2021 جىلدارعا ارنالعان ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى اياسىندا «اتامەكەن» ۇكپ «باستاۋ بيزنەس» جوباسىن جۇرگىزىپ جاتقانىن تىلگە تيەك ەتتى.
«بۇگىندە «باستاۋ بيزنەس» جوباسىنىڭ 2017 جىلعى جوسپارى تولىقتاي ورىندالعان. ءبىلىم العان 15 مىڭ قاتىسۋشىنىڭ 56 پايىزى, اتاپ ايتقاندا 8285 قاتىسۋشى بيزنەس-جوباسىن قورعادى. ال ونىڭ ىشىندە 3314-ءى جەكە كاسىپ اشتى, كاسىبىن ورىستەتتى. بىلتىر «باستاۋ بيزنەس» 80 اۋداندا جۇرگىزىلسە, بيىل 160 اۋداندى قامتيدى. وسى رەتتە قاجەتتى بيزنەس-ترەنەرلەردىڭ پۋلىن دايىنداپ جاتىرمىز», دەدى ب.ورازعاليەۆ.
سونىمەن قاتار ول «اتامەكەن» ۇكپ مەكتەپ باعدارلاماسىنا «كاسىپكەرلىك پەن بيزنەس نەگىزدەرى» ءپانىن ەنگىزۋدى ۇسىنعانىن جەتكىزدى.
ء«بىلىم جانە عىلىم مينيسترلىگى بۇل باستامانى قولدادى. مينيسترلىكپەن بىرلەسىپ وقۋ باعدارلاماسى ازىرلەندى. اتالعان ءپان 2018 جىلى ەلەكتيۆتى نەگىزدە ەنگىزىلەدى. قازىرگى تاڭدا ءار ءوڭىر بويىنشا مەكتەپتەردە ءپان ءجۇرىپ جاتىر. وقۋشىلاردىڭ قابىلداۋى مەن قىزىعۋشىلىعى جاقسى. بۇل ءپاننىڭ ادىستەمەسى «باستاۋ بيزنەس» جوباسى مەن شەتەلدىك تاجىريبە نەگىزىندە دايىندالدى. جالپى ءپان ەلەكتيۆتى تۇردە مەكتەپ باعدارلاماسىنا ەنگىزىلىپ وتىر, ياعني مۇعالىمدەر مەن اتا-انالار كەلىسە وتىرىپ, بۇل ءپاندى تاڭداۋ بويىنشا وقۋ باعدارلاماسىنا قوسا الادى», دەدى «اتامەكەن» ۇكپ بيزنەس-كوممۋنيكاتسيانى مەملەكەتتىك تىلدە دامىتۋ دەپارتامەنتىنىڭ ديرەكتورى.
راۋان قايدار,
«ەگەمەن قازاقستان»
