ارمان ەۆنيەۆتىڭ ايتۋىنشا, اوك تسيفرلاندىرۋدىڭ ماقساتى — تسيفرلىق تەحنولوگيالاردى ەنگىزۋ جانە بيزنەستى اۋىل شارۋاشىلىعىنا ارنالعان ات-شەشىمدەردى دامىتۋعا تارتۋ ارقىلى ونىمدىلىك پەن تيىمدىلىكتى ارتتىرۋ.
اگروونەركاسىپتىك كەشەنگە تسيفرلىق تەحنولوگيالاردى ەنگىزۋ ماقساتىندا اۋىل شارۋاشىلىعى مينيسترلىگى تسيفرلاندىرۋ كەڭسەسىن قۇردى.
قازىرگى تاڭدا كەلەسى پروتسەستەر اۆتوماتتاندىرىلعان: ۆەتەرينارلىق جانە فيتوسانيتارلىق قاۋىپسىزدىك; استىق قولحاتتارى; نەسيەلىك وتىنىمدەردى جيناۋ جانە باسقارۋ جۇيەسى; اۋىل شارۋاشىلىعى تەحنيكاسىنىڭ ەسەبى; مالدى, ونىڭ ىشىندە اسىل تۇقىمدى مالدى ەسەپكە الۋ; سۋ جانە جەر رەسۋرستارىن باسقارۋ.
ءبىرىنشى ۆيتسە-مينيستر ارمان ەۆنيەۆتىڭ مالىمدەۋىنشە, قر اشم جالپى 101 مەملەكەتتىك قىزمەت ءتۇرىن كورسەتەدى. ونىڭ ىشىندە بۇگىندە 62 مەملەكەتتىك كورسەتىلەتىن قىزمەت ءىشىنارا اۆتوماتتاندىرىلعان. الداعى ەكى جىلدا (2018–2019جج.) 89 مەملەكەتتىك قىزمەت تولىق اۆتوماتتاندىرىلاتىن بولادى.
اوك-كە تسيفرلىق تەحنولوگيالاردى ەنگىزۋ ەكى نەگىزگى مىندەت اياسىندا جۇزەگە اسىرىلادى, ولار: اوك مەملەكەتتىك رەتتەۋ جۇيەسىن تسيفرلاندىرۋ جانە اوك تەحنولوگيالىق قايتا جاراقتاۋ.
تسيفرلاندىرۋ اوك مەملەكەتتىك رەتتەۋدىڭ مىناداي ءتورت باعىتىن دامىتۋدىڭ باستى قۇرالىنا اينالادى:
اوك سۋبەكتىلەرى ءۇشىن قارجىلاندىرۋدىڭ قولجەتىمدىلىگى;
وتكىزۋ نارىقتارىنىڭ قولجەتىمدىلىگى جانە ەكسپورتتى دامىتۋ;
مەملەكەتتىك باقىلاۋ مەن قاداعالاۋدىڭ تيىمدىلىگى;
سۋ جانە بيولوگيالىق رەسۋرستاردى ءتيىمدى باسقارۋ.
«2017 جىلى نەسيە مەن ليزينگ الۋعا ارنالعان وتىنىمدەردى ەلەكتروندى تۇردە قابىلداۋ ىسكە اسىرىلدى, وتىنىمدەردى ۋاقىتىلى قاراۋدى باقىلاۋ قامتاماسىز ەتىلدى (25 كۇن). بيىل بۇل سەرۆيس اۋىل شارۋاشىلىعى ونىمدەرىن ساتىپ الۋ جانە كەپىلدەندىرۋ قۇرالدارى ءۇشىن ىسكە اسىرىلاتىن بولادى», — دەدى ارمان ەۆنيەۆ.
بيىل سۋبسيديالاۋدىڭ 10 باعىتى بويىنشا, 2019 جىلى قالعان باعىتتار بويىنشا تولىق اۆتوماتتاندىرۋ ىسكە اساتىن بولادى. بۇل وتىنىمدەردى قاراۋ مەرزىمىن ورتا ەسەپپەن 2,5 ەسەگە (18 كۇننەن 7 كۇنگە دەيىن) قىسقارتىپ, سىبايلاس جەمقورلىق قاۋىپتەرىن تومەندەتەدى.
تسيفرلاندىرۋ سالاعا ينۆەستيتسيالار تارتۋ ءۇشىن جاڭا قارجى قۇرالىن ەنگىزۋگە مۇمكىندىك بەرەدى. ول ءۇشىن ءتيىستى زاڭنامالىق اكتى قابىلدانعاننان كەيىن 2019 جىلدان باستاپ ەلەكتروندىق اگرارلىق (تاۋارلىق جانە قارجىلىق) قولحاتتار ەنگىزىلەدى.
2018 جىلى جۇيەنى دامىتۋ اياسىندا قاۋىپسىزدىكتى ارتتىرۋ ماقساتىندا شەتەلدىك ساتىپ الۋشىلاردىڭ استىقتى ساتىپ الۋعا قاتىسۋىنا مۇمكىندىك بەرەتىن «بلوكچەين» تەحنولوگياسى, استىق تاسىعىشقا ونلاين-تاپسىرىس بەرۋ, ونلاين-ترەيدينگ جۇيەلەرى ەنگىزىلەتىن بولادى.
بۇدان وزگە, 2019 جىلى اوك ونىمدەرىن قاداعالاۋدىڭ «تاناپتان ۇستەلگە دەيىن» جۇيەسى ىسكە قوسىلادى.
قر اشم-دە 2020 جىلدان باستاپ ەلەكتروندىق ساۋدانى تولىق فورماتتا ەنگىزۋ جوسپارلانعان. بۇگىندە دايىندىق جۇمىستارى باستالعان: وسى جىلى اوك لوگيستيكاسىنىڭ كارتاسى ازىرلەنەدى. وندا جۇمىس ىستەپ تۇرعان جانە سالۋ قاجەت تەرمينالدار, ساقتاۋ ورىندارى, قويمالار, ساۋدا-تاراتۋ ورتالىقتارى ايقىندالاتىن بولادى.
كەڭىستىكتىك دەرەكتەردىڭ ۇلتتىق ينفراقۇرىلىمىن قۇرۋ اياسىندا جەكە قازاقستاندىق گەودەزيالىق جۇيە جانە مەملەكەتتىك قىزمەت كورسەتۋگە ارنالعان گەوپورتال قۇرۋ كوزدەلگەن. تەحنولوگيالىق قايتا جاراقتاندىرۋ اياسىندا ات-تەحنولوگيالاردى, ونىڭ ىشىندە ناقتى ەگىنشىلىك تەحنولوگيالارى مەن Smart-فەرمالاردى پايدالانۋعا بيزنەستى تارتۋ ءۇشىن جاعداي جاسالاتىن بولادى.
قازىردىڭ وزىندە جەكەلەگەن كاسىپورىندار ناقتى ەگىنشىلىك ەلەمەنتتەرىن ەنگىزىپ جاتىر. ماسەلەن, سولتۇستىك قازاقستان وبلىسىنداعى «اتامەكەن اگرو» اق ەلەكتروندىق كارتالاردى ەنگىزىپ, ەگىس جانە ەگىن جيناۋ جۇمىستارىن ونلاين-مونيتورينگىلەۋ مەن باقىلاۋدى جۇزەگە اسىرىپ جاتىر. بۇل ءونىمسىز شىعىندار مەن جۇمىس مەرزىمدەرىن قىسقارتىپ, ونىمدىلىكتى ارتتىرادى. مىسالعا, وتىن داتچيكتەرى جانار-جاعارمايدىڭ ىسىرابى مەن ۇرلانۋىن ازايتۋ ەسەبىنەن ءبىر ماۋسىمدا ءبىر تەحنيكادان شامامەن ءبىر ملن تەڭگە ۇنەمدەۋگە مۇمكىندىك بەرەدى.
«تسيفرلاندىرۋ باسەكەگە قابىلەتتىلىك پەن ەڭبەك ونىمدىلىگىن ارتتىرادى, ازىق-ت ۇلىك قاۋىپسىزدىگىن جانە سالاعا ينۆەستيتسيالاردىڭ تارتىلۋىن قامتاماسىز ەتەدى. جالپى العاندا, 2025 جىلعا دەيىن ەكونوميكالىق تيىمدىلىك شامامەن 40 ملرد تەڭگەنى قۇرايتىن بولادى», — دەپ قورىتىندىلادى ارمان ەۆنيەۆ.
سونداي-اق, اقپارات جانە كوممۋنيكاتسيالار ءمينيسترى داۋرەن اباەۆ اتالعان ماسەلە بويىنشا بايانداما جاسادى.
داۋرەن اباەۆ 2021 جىلعا قاراي 19 970 شاقىرىم تالشىقتى-وپتيكالىق بايلانىس جەلىلەرىن ورناتىپ, 1 249 ەلدى مەكەندى جوعارى جىلدامدىقتاعى ينتەرنەتپەن قامتاماسىز ەتۋ جوسپارلانىپ وتىرعانىن ءمالىم ەتتى.
بۇدان وزگە, اۋىل شارۋاشىلىعى سالاسىنا اقپاراتتىق تەحنولوگيالاردى ەنگىزۋدى جىلدامداتۋ اسا ماڭىزدى ءىس بولىپ وتىر. بۇل باعىتتاعى وڭ قادامنىڭ ءبىرى — اۋىل شارۋاشىلىعى ءۇشىن مامانداردى تسيفرلىق تەحنولوگيالار بويىنشا جاپپاي وقىتۋ.
«قازاگرو» حولدينگى باسقارماسىنىڭ توراعاسى نۇرلىبەك مالەلوۆ ءوز بايانداماسىندا «قازاگرو» اوك سۋبەكتىلەرىنەن نەسيە مەن ليزينگكە وتىنىمدەر قابىلداۋ پروتسەسىن اۆتوماتتاندىرعانىن — «E-Kazagro» جوباسىن ىسكە اسىرعانىن اتاپ ءوتتى. بيىل حولدينگتىڭ كومپانيالار توبى ۇسىناتىن قىزمەتتەردىڭ بارلىق تۇرلەرى اۆتوماتتاندىرىلادى.
سونىمەن قاتار ۇەم, «اتامەكەن» ۇكپ مەن «قازاگرو» حولدينگى» اق اراسىندا ء«بىر تەرەزە» قاعيداتى بويىنشا اوك سۋبەكتىلەرىن مەملەكەتتىك قولداۋدىڭ بارلىق شارالارىن بىرىكتىرەتىن بىرىڭعاي تسيفرلىق پلاتفورما قۇرۋ تۋرالى مەموراندۋمعا قول قويىلدى. ىشكى بيزنەس-پروتسەستەر اۆتوماتتاندىرىلدى.
وڭىرلەردە اوك سالاسىن تسيفرلاندىرۋ بارىسى تۋرالى قوستاناي وبلىسىنىڭ اكىمى ارحيمەد مۇحامبەتوۆ, سولتۇستىك قازاقستان وبلىسىنىڭ اكىمى قۇمار اقساقالوۆ, «اميران» قازاق تاعامتانۋ اكادەمياسى زاۋىتىنىڭ باس ديرەكتورى جانگەلدى ءابجاپپاروۆ, «اتامەكەن اگرو» اق ديرەكتورى كەنتال يسلاموۆ باياندادى.
