قۇرمەتتى وتانداستار!
قازاقستان حالقى اسسامبلەياسى سىزدەردى جاڭا 2018 جىلمەن قۇتتىقتايدى!
وتكەن جىل ەلىمىزدىڭ شەجىرەسىندەگى ماڭىزدى بەلەس, جەتىستىكتەر مەن تاريحي رەفورمالار جىلى بولدى.
ۇلتتىق بىرلىك پەن كەلىسىمنىڭ ارقاسىندا بولاشاق ەنەرگياسىنا ارنالعان حالىقارالىق مامانداندىرىلعان ەكسپو-2017 كورمەسى مەن ۋنيۆەرسيادا ءساتتى ءارى جوعارى دەڭگەيدە وتكىزىلدى.
الەمنىڭ باسەكەگە ەڭ قابىلەتتى وتىز ەلىنىڭ ىشىندە قازاقستاننىڭ لايىقتى ورىن الۋىن قامتاماسىز ەتۋگە باعىتتالعان كونستيتۋتسيالىق رەفورما, قازاقستاندى ءۇشىنشى جاڭعىرتۋ جانە «رۋحاني جاڭعىرۋ» باعدارلامالارى ىسكە اسىرىلۋدا.
2017 جىل ەلگە جاڭا ەسىمدەردى تانىتقان جىل بولدى. ديماش قۇدايبەرگەن, دينارا سادۋاقاسوۆا, دەنيس تەن, دانەليا تولەشوۆانىڭ ەرەكشە تالانتتارى جەرلەستەرىمىزدى حالىقارالىق دەڭگەيدە تانىمال ەتتى, ال «قازاقستاننىڭ 100 جاڭا ەسىمى» جوباسىنىڭ ىسكە اسىرىلۋى وسكەلەڭ ۇرپاق ءۇشىن تاۋەلسىزدىك جىلدارىنداعى ەرەن ەڭبەكتىڭ ارقاسىندا قول جەتكىزىلگەن بىرەگەي تابىستار مىسالىن اشىپ كورسەتتى.
قىمباتتى باۋىرلار!
2018 جىل يدەيالار مەن جەتىستىكتەرگە تولى جىل بولسىن, ەكونوميكالىق جانە الەۋمەتتىك ءوسۋىمىزدىڭ, ارقايسىمىزدىڭ ۇيلەسىمدى دامۋىمىزدىڭ جاڭا پەرسپەكتيۆالارى تاعى دا اشىلا بەرسىن.
سىزدەردىڭ وسى جىلعا ارنالعان جوسپارلارىڭىز جۇزەگە اسىپ, ءاربىر باستاماڭىزعا ساتتىلىك سەرىك بولسىن.
سىزدەرگە زور دەنساۋلىق پەن مول يگىلىك تىلەپ, بارشا ۇمىتتەرىڭىزدىڭ اقتالۋىنا تىلەك قوسامىز. وتباسىنداعى شۋاق پەن جاقىندارىمىزدىڭ سۇيىسپەنشىلىگى مەن قامقورلىعى بارشانىڭ جانىن جىلىتسىن.
جاڭا جىلدارىڭىزبەن!
قازاقستان حالقى اسسامبلەياسىنىڭ كەڭەسى
