تاياۋدا اتالعان اگەنتتىك «نازارباەۆ ۋنيۆەرسيتەتى» ااق-مەن بىرلەسىپ قازاقستان رەسپۋبليكاسىنىڭ بارلىق جوو-دا تەلەكوپىر وتكىزگەن بولاتىن. شارا بارىسىندا قازاقستاننىڭ بارلىق مەكتەپتەرىندە, كوللەدجدەرىندە, جوعارعى وقۋ ورىندارىندا سىبايلاس جەمقورلىققا قارسى جاپپاي اكتسيا وتكىزۋ جونىندەگى باستاما جاريالاندى.
وسىعان وراي ءبىلىم جانە عىلىم مينيسترلىگىنىڭ قولداۋىمەن بۇكىل ەل بويىنشا «سىبايلاس جەمقورلىقتىڭ الدىن الۋ بىرىڭعاي ساعاتى» اكتسياسى وتكىزىلدى.
شاراعا سايكەس, قاراعاندى مەملەكەتتىك تەحنيكالىق ۋنيۆەرسيتەتىنىڭ بازاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى قاراعاندى وبلىسى بويىنشا دەپارتامەنتىنىڭ قىزمەتكەرلەرى سەمينار وتكىزدى. ونىڭ بارىسىندا اسا وزەكتى دەگەن ماسەلەلەر قارالىپ, سىبايلاس جەمقورلىققا قارسى زاڭناماعا تۇسىنىك بەرىلدى.
جيىندا دەپارتامەنتتىڭ سىبايلاس جەمقورلىقتىڭ الدىن الۋ باسقارماسىنىڭ باس مامانى اكىم ساقتاپبەرگەن 2015-2025 جىلدارعا ارنالعان سىبايلاس جەمقورلىققا قارسى ستراتەگيانىڭ نەگىزگى قاعيدالارىن جانە «100 ناقتى قادام» ۇلت جوسپارىن ءتۇسىندىرۋ جانە جۇزەگە اسىرۋ بويىنشا جۇرگىزىلىپ جاتقان جان-جاقتى جۇمىس تۋرالى بايانداما جاسادى. ودان بولەك, مەملەكەتتىك قىزمەتتەگى ءارى تۇرمىستىق دەڭگەيدەگى سىبايلاس جەمقورلىق كورىنىستەرىمەن كۇرەسۋ ناتيجەلەرى تۋرالى قىزىقتى ستاتيستيكالىق دەرەكتەر كەلتىردى. اسىرەسە جوعارى وقۋ ورىندارىنداعى ستۋدەنتتەر مەن وقىتۋشىلاردىڭ وقۋ بارىسىنداعى ءوزارا قارىم-قاتىناس ەتيكاسىنا قاتىستى تۋىندايتىن ماسەلەلەر مەن بولۋى مۇمكىن قۇقىق بۇزۋشىلىقتارعا ستۋدەنتتەردىڭ نازارىن اۋداردى.
قاراعاندى وبلىسى بويىنشا اكتسياعا 300-گە جۋىق ستۋدەنت پەن وقىتۋشى قاتىستى.
ميراس اسان,
«ەگەمەن قازاقستان»
قاراعاندى وبلىسى
