وندا عىلىمدى, ونىڭ ىشىندە بيولوگيا عىلىمىن دامىتۋدىڭ كەلەشەگى جانە عىلىم مەن عىلىمي-تەحنيكالىق قىزمەت سالاسىنداعى زاڭنامانى جەتىلدىرۋ ماسەلەلەرى تالقىعا سالىندى.
دەپۋتاتتار لابوراتوريا جۇمىسىمەن تانىستى جانە عالىمداردىڭ دەنساۋلىق ساقتاۋ, اۋىل شارۋاشىلىعى, ەكولوگيا, ازىق-ت ۇلىك جانە وڭدەۋ ونەركاسىبىنىڭ وزەكتى ماسەلەلەرىن شەشۋگە باعىتتالعان عىلىمي-تەحنيكالىق قىزمەتىنىڭ ناتيجەلەرى قويىلعان كورمەنى تاماشالادى. ورتالىقتىڭ عىلىمي جەتىستىكتەرى گەنگە دياگنوز جاساۋ, باعانالىق جاسۋشا, رەگەنەراتيۆتى مەديتسينا, سۇرىپتاۋ جانە وسىمدىكتەردىڭ گەنەتيكالىق رەسۋرستارىن ساقتاۋ, ۆەتەرينارياعا ارنالعان ۆاكتسينالار, بيولوگيالىق بەلسەندى قوسپالار, ازىقتىق پرەپاراتتار مەن فەرمەنتتەر سالالارىن قامتيدى.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى بىرعانىم ءايتىموۆا شارانى اشا كەلىپ, الەمنىڭ ەڭ دامىعان 30 مەملەكەتىنىڭ قاتارىنا كىرۋ تۋرالى مەملەكەت باسشىسى ن.ءا. نازارباەۆتىڭ العا قويعان ماقساتى قوعامدى عىلىمي-تەحنولوگيالىق جاڭعىرتۋ مەن يننوۆاتسيالىق تاسىلدەردى ەنگىزۋدى تالاپ ەتىپ وتىرعانىن اتاپ ءوتتى.
«بىزگە اگرارلىق سالانى دامىتۋ, اگرارلىق-يننوۆاتسيالىق تاجىريبەلىك كلاستەرلەر قۇرۋ, قۇرعاقشىلىققا ءتوزىمدى گەندىك تۇرعىدا وزگەرتىلگەن داقىلداردى ازىرلەۋ جۇمىستارىن جۇزەگە اسىرۋ قاجەت. بۇل مىندەتتەر «جاسىل» ەكونوميكاعا كوشۋ جونىندەگى تۇجىرىمدامادا بەلگىلەنگەن», - دەپ اتاپ ءوتتى ب. ءايتىموۆا.
سونداي-اق جەر جۇزىندەگى ازىق-ت ۇلىك الەۋەتىنىڭ ساقتالۋىنا, ادامزاتتىڭ تىرشىلىك ەتۋ ەكولوگياسىنا, ادام دەنساۋلىعى مەن كەلەشەگىنە, ەنەرگەتيكاعا بايلانىستى ەڭ ماڭىزدى ماسەلەلەردى شەشۋدە گەندىك ينجەنەريا مەن بيوتەحنولوگيانىڭ وزەكتى ماسەلەلەرى اتالىپ ءوتىلدى.
وتىرىستا ءبىلىم جانە عىلىم ءمينيسترىنىڭ ورىنباسارى اسلانبەك ءامىرين, ءبىلىم جانە عىلىم مينيسترلىگى عىلىم كوميتەتىنىڭ توراعاسى بولاتبەك ءابدىراسيلوۆ ءسوز سويلەدى. «ۇلتتىق بيوتەحنولوگيا ورتالىعى» رەسپۋبليكالىق مەملەكەتتىك كاسىپورنىنىڭ باس ديرەكتورى ەرلان رامانقۇلوۆ, بىرقاتار لابوراتوريالار مەن عىلىمي مەكەمەلەردىڭ باسشىلارى جۇرگىزىلگەن عىلىمي زەرتتەۋلەردىڭ ناتجەلەرى تۋرالى پارلامەنتشىلەر الدىندا ەسەپ بەردى.
سەناتورلار باقىتجان جۇماعۇلوۆ پەن سەرىك بەكتۇرعانوۆ ەلىمىزدەگى بيوتەحنولوگيالىق سالانىڭ كەلەشەگى تۋرالى ءوز ويلارىمەن ءبولىستى.
كوشپەلى وتىرىستىڭ قورىتىندىسى بويىنشا ازىرلەنگەن ۇسىنىستار ءتيىستى مەملەكەتتىك ورگاندارعا جىبەرىلدى.
