پارلامەنت سەناتى ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى № 7681-KZ قارىز تۋرالى كەلiسiمگە (وڭتۇستىك-باتىس اۆتوموبيل جولدارىن دامىتۋ جوباسى: باتىس ەۋروپا – باتىس قىتاي حالىقارالىق ترانزيت ءدالىزى (واوەى 1b جانە 6b)) № 2 تۇزەتۋلەرگە قاتىستى قازاقستان رەسپۋبليكاسى مەن حققدب اراسىنداعى كەلىسىم-حاتتى راتيفيكاتسيالاۋ تۋرالى» زاڭ جوباسى تالقىلاندى.
زاڭ جوباسىمەن قازاقستان رەسپۋبليكاسى مەن حققدب اراسىنداعى № 7681-KZ قارىز تۋرالى كەلiسiمگە (وڭتۇستىك-باتىس اۆتوموبيل جولدارىن دامىتۋ جوباسى: باتىس ەۋروپا – باتىس قىتاي حالىقارالىق ترانزيت ءدالىزى (واوەى 1b جانە 6b)) قوسىمشا «كۇرتى-بۋرىلبايتال» جانە «ۇزىناعاش-وتار» جولدارى ارالىقتارىن قوسۋ جانە قارىزدار قارجىسىن ساناتتار اراسىندا قايتا ءبولۋ كوزدەلىپ وتىر.
جوبا 271,3 ميلليون دوللار سوماسىنداعى حققدب-ءنىڭ ۇنەمدەلگەن قارجىسى مەن رەسپۋبليكالىق بيۋدجەتتەن 47,9 ميلليون دوللار قوسىمشا قارجىلاندىرۋ ەسەبىنەن جۇزەگە اسادى.
كەلىسىم-حاتتى راتيفيكاتسيالاۋ 2015-2019 جىلدارعا ارنالعان «نۇرلى جول» مەملەكەتتىك ينفراقۇرىلىمدى دامىتۋ باعدارلاماسىندا كوزدەلگەن اۆتوموبيل جولدارىن جاڭعىرتۋ جونىندەگى شىعىنداردى ءتيىمدى باسقارۋعا باعىتتالعان.
زاڭ جوباسى پالاتانىڭ قاراۋىنا جىبەرىلدى.
