مونۋمەنت - ءبىر كەزدەرى قازاقستانعا جەر اۋدارىلعان جانە بۇل كۇندەرى ونى ناعىز وتانى سانايتىن بارلىق ۇلت وكىلدەرىنىڭ قازاق حالقىنا دەگەن ريزاشىلىعىنىڭ بەلگىسى ىسپەتتى. جوبا جەرگىلىكتى كاسىپكەرلەردىڭ قاراجاتىنا «تۋعان جەر» باعدارلاماسى اياسىندا جۇزەگە اسىرىلدى.
- تاۋەلسىزدىكتىڭ العاشقى كۇندەرىنەن باستاپ مەملەكەت باسشىسى نۇرسۇلتان نازارباەۆتىڭ جۇرگىزىپ وتىرعان ساياساتىنىڭ ارقاسىندا كوپۇلتتى ەلىمىزدە حالىقتار دوستىعى, بىرلىك, تاتۋلىق پەن تۇراقتىلىق سالتانات قۇرۋدا. 26 جىل تاريحي تۇرعىدان العاندا كوپ مەرزىم ەمەس, الايدا قازاقستان وسى ۋاقىت ارالىعىندا ۇلكەن جەتىستىكتەرگە جەتتى. بۇگىندە بۇكىل الەم قازاقستاندى تاۋەلسىز, مىقتى مەملەكەت رەتىندە تانيدى. وسىنىڭ ءبارى تۇڭعىش پرەزيدەنتىمىزدىڭ, ونىڭ سارابدال سىرتقى جانە ىشكى ساياساتىنىڭ ارقاسىندا مۇمكىن بولدى. ەلىمىزدىڭ ەڭ ماڭىزدى جەتىستىكتەرىنىڭ ءبىرى كوپۇلتتى قوعامدا بەيبىتشىلىك پەن كەلىسىمدى ساقتاۋ بولىپ تابىلادى. تاريحي تۇرعىدا سولاي قالىپتاسقان ەدى. ءبىز ميلليونداعان قونىس اۋدارۋشىلاردى قابىلداپ, اشتىق پەن سوعىسقا قاراماستان ولارمەن بارىمىزبەن بولىستىك. بۇگىندە ولاردىڭ ۇرپاقتارى قازاقستاندى وزدەرىنىڭ تۋعان ۇيلەرى, ءوز وتانىمىز دەپ اتايدى, – دەدى وبلىس اكىمى بەردىبەك ساپارباەۆ ءوزىنىڭ قۇتتىقتاۋ سوزىندە.
ۇزىندىعى وتىز مەتر بولاتىن ەسكەرتكىش شارتتى تۇردە ارقايسىسى ەرەكشە ماعىناعا يە بەس فراگمەنتكە بولىنگەن. فراگمەنتتەردىڭ بىرىندەگى جەر شارىندا ورنالاسقان قازاقستان كارتاسىنىڭ بەينەسى ەل اۋماعىنىڭ مىزعىماس بەرىك نەگىزىن كورسەتەدى. مۇندا, سونداي-اق, قازاقستاننىڭ ەجەلگى داۋىردەن بۇگىنگە دەيىنگى تاريحى تۋرالى اقپاراتتار بەينەلەنگەن.
جەتى قىرلى باعان تۇرىندەگى ەسكەرتكىشتىڭ نەگىزگى دىڭگەگى بولاشاققا تۇراقتى دامۋ يدەياسىن بىلدىرەدى. باعاننىڭ جەتى قىرى قازاقستاندىق دامۋ يدەياسىنىڭ وڭ نيەتى مەن كيەلى تۇنىقتىقتىعىن ايقىندايدى.
ەسكەرتكىشتىڭ جوعارعى جاعىندا وتباسىنىڭ, تۋعان ولكە تاريحىنىڭ, ازات حالىقتىڭ نىشانى ىسپەتتى كيىز ءۇي تۇرىندە بەينەلەنگەن كومپوزيتسيا ورناتىلعان. كومپوزيتسيانى ەل تاۋەلسىزدىگى مەن قازاقستاننىڭ ساباقتاستىق پەن تۇراقتى دامۋعا ۇمتىلۋىن بىلدىرەتىن ۇشۋعا قاناتىن جايعان قىران بەينەسى اياقتايدى. ەسكەرتكىشتىڭ ارتىندا 14 باعانادان تۇراتىن 85 مەترلىك باعانالار قاتارى ورناتىلعان.
مەرەكەلىك ءىس-شارا شىعارماشىلىق ورتالىقتىڭ جاڭا كونتسەرتتىك زالىندا «ەلىمنىڭ تىرەگى – ەلباسى» گالا-كونتسەرتىمەن جالعاستى. قر حالىق ءارتىسى دوسحان جولجاقسىنوۆ, بەلگىلى كومپوزيتور ءارى قوعام قايراتكەرى تولەگەن مۇحامەدجانوۆ, قر ەڭبەك سىڭىرگەن قايراتكەرى قاراگوز سۇيلەيمەنوۆا مەن وزگە دە قازاقستاندىق ەسترادا جۇلدىزدارى وزدەرىنىڭ ونەرلەرىمەن اقتوبەلىكتەرگە مەرەكەلىك كوڭىل-كۇي سىيلادى.
اقتوبە وبلىسىندا قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋگە وراي ەلۋ الەۋمەتتىك, وندىرىستىك جانە كوممەرتسيالىق نىساندار پايدالانىلۋعا بەرىلىپ, جۇزدەن استام قوعامدىق-ساياسي جانە مادەني-بۇقارالىق شارالار, سونداي-اق حالىقتىڭ الەۋمەتتىك جاعىنان از قامتىلعان توپتارىنا ارنالعان قايىرىمدىلىق شارالارى وتكىزىلدى.
