بانك نەگىزگى كورسەتكىشتەرگە جەكەلەگەن قىزمەت كورسەتۋ سالاسى بويىنشا قول جەتكىزىپ وتىر. اتاپ ايتقاندا, ترانزاكتسيالىق قىزمەتتىڭ تولەم كارتوچكالارىنا, كاسسالىق وپەراتسيالارعا جانە بانكتىڭ اۋدارىمدارعا شاققانداعى ۇلەسى 39,2 پايىزعا كوبەيگەن. ال, تازا مارجالىق تابىس «كازكومەرتسبانك» پەن «Altyn Bank» اق اكتيۆتەرىن ساتىپ الۋدان كەيىن قايتا جىكتەلىپ, توعىز ايعا شاققاندا 4,8 پايىزعا تومەندەگەن.
– 3-توقساننىڭ قورىتىندىسى بويىنشا ءبىز بيزنەستىڭ وتىمدىلىگىنە قول جەتكىزىپ وتىرمىز. توعىز اي ىشىندە قارجى ۇيىمى ۇلكەن قادام جاسادى. «حالىق بانكىنىڭ» «كازكومەرتسبانكتى» ساتىپ الىپ, نارىقتاعى كۇماندى سەيىلتكەنىن بىلەسىزدەر. قازىر ءبىز ءوز سەرىكتەسىمىزگە اينالعان Qazkom برەندتىنىڭ جاڭا تىنىسىن اشتىق دەپ سەنىممەن ايتا الامىز. قارجى نارىعىنداعى تازا پايدامىز 135 ملرد تەڭگەدەن استى. بۇل بۇرىن-سوڭدى بولماعان كورسەتكىش, - دەدى باسقارما ءتورايىمى ءۇمىت شاياحمەتوۆا.
قالماحانبەت مۇقامەتقالي,
«ەگەمەن قازاقستان».
الماتى.
