جاڭادان اشىلعان اۋماعى 240 شارشى مەتردى قۇرايتىن «AQMOL» ساۋدا ءۇيىنىڭ سورەلەرىندە 7700 تاۋار ءتۇرى سامساپ تۇرسا, سونىڭ 500-دەيى – اقمولالىق تاۋار وندىرۋشىلەردىڭ ءونىمى. ەندى كۇنبە-كۇن ەت پەن ءسۇت ونىمدەرىنەن وزگە كونديتەر تاعامدارى, بال جانە وزگە دە ۇلكەن سۇرانىسقا يە ازىق-ت ۇلىك تۇرلەرى جەتكىزىلىپ تۇرادى. باعاسى دا قالاداعى دۇكەندەردەگى ورتاشا كورسەتكىشتەن 10-15 پايىزعا ارزان بولادى دەپ كۇتىلۋدە. جاڭادان الىنعان ءارى ەشقانداي دەلدالدارسىز تىكەلەي اۋىل شارۋاشىلىعى ءونىم وندىرۋشىلەرمەن جەتكىزىلەتىن ازىق-ت ۇلىك ونىمدەرىنە باعانىڭ تومەن بولۋى دا سوندىقتان بولسا كەرەك.
ءوڭىر باسشىسىنىڭ مالىمەتىنە قاراعاندا, ازىق-ت ۇلىكپەن قامتاماسىز ەتۋ جوباسىن قارجىلاندىرۋ ماقساتىندا جاڭادان قۇرىلعان «AQMOL» جشس جارعىسىنىڭ 40 پايىزدىق ۇلەسى «ەسىل» اكك» اق-قا تيەسىلى بولسا, قالعان بولىگى ءىرى سانالاتىن اقمولالىق ءونىم وندىرۋشىلەردىڭ ەنشىسىندە. اتاپ كورسەتكەندە, ولاردىڭ ىشىندە «رودينا» اگروفيرماسى» جشس, «يجەۆسك» وك, «استانا اگرو پرودۋكت», «CAPITAL PROJECTS LTD», «گورمولزاۆود», «اينا» ساۋدا ءۇيى» جانە وزگە دە كاسىپورىندار بار. ۋاقىت وتە كەلە الەۋمەتتىك كاسىپكەرلىك كورپوراتسياسى سەرىكتەستىك جارعىلىق قورىنان شىعىپ, ساۋدا دۇكەندەرى اقمولالىق ءونىم وندىرۋشىلەردىڭ قۇزىرىنا وتەتىن بولادى. جالپى, جىل سوڭىنا دەيىن اۋماعى 200-دەن 500 شارشى مەتر ارالىعىنداعى 3 دۇكەن اشىلسا, كەلەسى جىلى تاعى وسىنداي 10 ساۋدا نۇكتەسى ىسكە قوسىلادى دەپ كۇتىلۋدە.
اقمولا وبلىسىنىڭ اكىمى مالىك مىرزالين «AQMOL» جشس-نە نەگە تەك 10 ءىرى كاسىپورىن عانا كىرىپ وتىرۋىنا قاتىستى ساۋالدىڭ دا جاۋابىن ايتتى. «بىزدە اۋىل شارۋاشىلىعى ءونىمىن وندىرۋشىلەر قاتارى وتە كوپ. باستاپقى كەزەڭدە ۇزدىكسىز ءارى كەپىلدى تۇردە ازىق-ت ۇلىك ونىمدەرىن جەتكىزىپ تۇراتىن ون ءىرى كاسىپورىندى ادەيى تاڭدادىق. ولاردى تۇرعىندار جاقسى بىلەدى», دەدى مالىك كەڭەسباي ۇلى. رەتى كەلگەندە وبلىس اكىمى ەلوردانىڭ ازىق-ت ۇلىك بەلدەۋىن جانە تۇتىنۋ رىنوگىن دامىتۋ بۇگىنگى تاڭدا ەلباسى نەگىزدەگەن ماڭىزدى مىندەت ەكەندىگىن اتاي كەتتى. استانانى ازىق-ت ۇلىكپەن قامتاماسىز ەتۋ باعدارلاماسىنا سايكەس اقمولا وبلىسىنداعى 17 اۋداننىڭ شارۋاشىلىقتارى ەلورداعا ۇن, جۇمىرتقا, كارتوپ, ەت جانە وزگە دە ونىمدەردى ءۇزىلىسسىز جەتكىزىپ كەلەدى. قازىرگى تاڭدا باعدارلاما اياسىندا باعاعا ىقپال ەتۋ, ساقتاۋعا كەتەتىن شىعىنداردى باقىلاۋ سياقتى مۇمكىندىكتەردى قامتيتىن كووپەراتسيا نەگىزىندەگى ءبىرتۇتاس ورتالىق قۇرۋ جونىندە كەشەندى شارالار قاراستىرىلۋدا. ناقتى ايتقاندا, استانا قالاسىن ازىق-ت ۇلىكپەن ءۇزىلىسسىز قامتاماسىز ەتۋ ءۇشىن اقمولا وبلىسى تاۋار وندىرۋشىلەرىنىڭ كوتەرمە-تاراتۋ ورتالىعىن اشۋ كوزدەلىپ وتىر. بۇل ءوز كەزەگىندە قالا تۇرعىندارىن ساپالى ازىق-ت ۇلىك ونىمدەرىمەن قامتاماسىز ەتۋ ماسەلەسىن تولىق شەشەتىن بولادى.
ەڭ باستىسى, تۇرعىنداردى جاڭا جۇمىس ورىندارىمەن قامتاماسىز ەتۋدى جاقسارتۋعا يگى ىقپالىن تيگىزەتىن جاڭا جۇمىس ورىندارى قۇرىلادى جانە بيۋدجەتكە قوسىمشا سالىقتىق تۇسىمدەردىڭ تۇسۋىنە وڭ اسەر ەتەدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
