ارنايى قۇرىلعان داعدارىس ورتالىعى تابيعات اپاتىنان اسىرەسە يراننىڭ باتىسىنداعى كەرمانشاح جانە يلام پروۆينتسيالارى جاپا شەككەنىن مالىمدەدى.
جارتى اي قوعامىنىڭ جەرگىلىكتى وكىلدىگى اپات بولعان ايماقتاردا ىزدەۋ جانە قۇتقارۋ جۇمىستارىن قولعا الدى. مۇندا قۇتقارۋشىلاردىڭ قوسىمشا كۇشتەرى جىبەرىلدى. تابيعات اپاتىنان زارداپ شەككەندەردى ازىق-ت ۇلىكپەن, جىلى كيىمدەرمەن جانە وتىنمەن قامتاماسىز ەتۋ ءۇشىن ارنايى دالالىق گوسپيتالدار ۇيىمداستىرىلدى.
مۇناي-گاز ينفراقۇرىلىمىن قوسا العاندا ستراتەگيالىق نىساندارعا زاقىم كەلمەگەن. اۋىر جاراقات العانداردى تەگەرانعا جونەلتۋ ءۇشىن 20 اسكەري تىكۇشاق دايىندالدى. ۇيلەرىن تاستاپ شىققان جەرگىلىكتى تۇرعىندار جەراستى دۇمپۋلەرى قايتالانۋى مۇمكىن دەگەن ۇرەيمەن كوشەدە تۇنەپ ءجۇر.
