سوتتا انىقتالعانداي, سوتتالعان مەكەمە باستىعىنىڭ ورىنباسارى قىزمەتىن اتقارىپ ءجۇرىپ, قاساقانا, پايداقورلىق نيەتپەن, مەملەكەتتiك فۋنكتسيالاردى ورىنداۋعا ۋاكiلەتتiك بەرىلگەن لاۋازىمدى ادام بولا تۇرا, لاۋازىمدىق جاعدايىنا بايلانىستى پارا الۋعا ىقپال جاساي وتىرىپ, جالپى قامقورلىعى جانە جول بەرۋشىلىگى ءۇشىن مۇلiك سيپاتىنداعى پارا الۋ ماقساتىندا سىبايلاس جەمقورلىققا قاتىستى قىلمىستىق ءىس-ارەكەتىن جاساعان. ياعني, جازاسىن وتەۋشىلەردىڭ ءبىرى اعاسى ارقىلى تەلەديدار الدىرىپ, ونى پارا رەتىندە سوتتالۋشىنىڭ قىزمەتتىك بولمەسىنە ورناتىپ بەرگەن.
سونداي-اق, سوتتالعان تاعى ءبىر قىزمەتكەر جەدەل ءبولىمىنىڭ باستىعى قىزمەتىن اتقارىپ ءجۇرىپ, قاساقانا, پايداقورلىق نيەتپەن, زاڭ تالابىن ورەسكەل بۇزىپ, ءوز قۇزىرەتىن اسىرا پايدالانىپ, پارا الۋعا جول بەرىپ, ونى اقىرىنا دەيiن جەتكiزە الماي, اۋىر قىلمىس جاساعان. ياعني, ول جازاسىن وتەۋشىنىڭ ءبىرىنىڭ تۋىستارىنان 25 000 تەڭگە پارا الۋعا وقتالعان.
سوت وتىرىسىندا ولار وزدەرىنە تاعىلعان ايىپتى ءىشىنارا مويىنداعان.
سوت ۇكىمىمەن تەلەديدار العان قىزمەتكەر قازاقستان رەسپۋبليكاسىنىڭ قىلمىستىق كودەكسىنىڭ 366-بابىنىڭ 1-بولىگىمەن كىنالى دەپ تانىلىپ, جەكە مەنشىگىندەگى قىلمىستىق جولمەن تابىلعان مۇلكى تاركىلەنىپ, مەملەكەتتiك قىزمەتتەگى بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ, «ادىلەت كاپيتانى» ارناۋلى اتاعىنان ايىرۋمەن بىرگە, وعان پارانىڭ (64 990 تەڭگە) ەلۋ ەسەلەنگەن سوماسى مولشەرىندە - 3 249 500 تەڭگە ايىپپۇل سالىنعان. وعان قولدانىلعان «كۇزەتپەن ۇستاۋ» بۇلتارتپاۋ شاراسى بۇزىلىپ, سوت وتىرىسى زالىندا دەرەۋ بوساتىلدى.
سوت ۇكىمىمەن ەكىنشى سوتتتالۋشى قازاقستان رەسپۋبليكاسىنىڭ قىلمىستىق كودەكسىنىڭ 24-بابىنىڭ 3-بولىگى, قك-ءنىڭ 366-بابىنىڭ 3-بولىگىنىڭ 1-تارماعىمەن كىنالى دەپ تانىلىپ, جەكە مەنشىگىندەگى قىلمىستىق جولمەن تابىلعان مۇلكى تاركىلەنىپ, «ادىلەت مايورى» ارناۋلى اتاعىنان ايىرۋمەن بىرگە, مەملەكەتتiك قىزمەتتەگى بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ, وعان 7 جىل مەرزىمگە باس بوستاندىعىنان ايىرۋ جازاسى تاعايىندالعان.
سوت ۇكىمدەرى زاڭدى كۇشىنە ەنگەن جوق. ۇكىمگە ون بەس تاۋلىك ىشىندە تاراپتار اپەللياتسيالىق شاعىم نەمەسە ءوتىنىش كەلتىرۋگە قۇقىلى, دەپ حابارلادى اقتاۋ قالالىق سوتتىڭ ءباسپاسوز قىزمەتى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
