جيىن شەڭبەرىندە قر قك-ءنىڭ كوماندالىق قۇرامىمەن اسكەري-عىلىمي كونفەرەنتسيا, كوماندالىق-شتابتىق اسكەري ويىن وتكىزۋ, قر قورعانىس مينيسترلىگىنىڭ كەڭەيتىلگەن اسكەري القا وتىرىسىندا 2017 وقۋ جىلىنىڭ قىزمەتىن قورىتىندىلاۋ جوسپارلانۋدا. وقۋ-ادىستەمەلىك جيىننىڭ ماقساتى 2017 وقۋ جىلىندا قارۋلى كۇشتەردىڭ قويعان تاپسىرمالارىنىڭ ورىندالۋىن جانە ولاردىڭ جاۋىنگەرلىك جانە جاۋىنگەرلىك ازىرلىكتە قول جەتكىزگەن دەڭگەيىنە شىنايى باعا بەرۋ بولىپ تابىلادى.
وقۋ-ادىستەمەلىك جيىن اياسىندا باس شتابىمەن جەدەل تاپسىرمانى شەشۋ ارقىلى قازاقستان رەسپۋبليكاسى قارۋلى كۇشتەرى جوعارى كوماندالىق قۇرامىنىڭ ءبىلىمى مەن دەڭگەيىن تەكسەرۋ جۇرگىزىلدى.
وقۋ-ادىستەمەلىك ساباقتار قورعانىس ءمينيسترىنىڭ ورىنباسارلارى جانە جەتەكشىلىك ەتەتىن قر قك باس شتابى باستىعى ورىنباسارلارىنىڭ باسشىلىق ەتۋىمەن وتۋدە. ساباقتار الدىن الا بولىنگەن توپتار بويىنشا قورعانىس مينيسترلىگىنىڭ بىرنەشە وبەكتىلەرىندە وتكىزىلىپ جاتقانىن ايتا كەتكەن ءجون.
اسكەري-عىلىمي كونفەرەنتسيادا شەتەل مەملەكەتتەرى قارۋلى كۇشتەرىنىڭ قۇرىلۋى مەن دامۋىندا نەگىزگى ءۇردىستى, زاماناۋي اسكەري قاقتىعىستاردىڭ سيپاتى مەن مازمۇنىنىڭ وزگەرۋىن تالقىلاۋ جوسپاردا بار.
مەملەكەتتىڭ اسكەري قاۋىپسىزدىگىن قامتاماسىز ەتۋ تاپسىرمالارىن شەشۋگە اسكەري باسقارۋ ورگاندارىنىڭ ازىرلىگىن باعالاۋ ءۇشىن قارۋلى كۇشتەرى تۇرلەرى باس قولباسشىلارىنىڭ, وڭىرلىك قولباسشىلىق اسكەرلەرى مەن اسكەر تەكتەرى قولباسشىلارىنىڭ باسقارمالارىمەن «وپەراتسيالاردى ۇيىمداستىرۋ جونىندەگى اسكەري باسقارۋ ورگاندارىنىڭ جاۋىنگەرلىك جۇمىسى» تاقىرىبىندا كوماندالىق-شتابتىق اسكەري ويىن وتكىزىلەدى.
وقۋ-ادىستەمەلىك جيىن قورعانىس ءمينيسترىنىڭ جەتەكشىلىك ەتۋىمەن كەڭەيتىلگەن اسكەري القا ماجىلىسىمەن اياقتالادى. وندا 2017 وقۋ جىلىنداعى قارۋلى كۇشتەر قىزمەتىنىڭ قورىتىندىسى شىعارىلىپ, 2018 وقۋ جىلىنا ارنالعان تاپسىرمالار قويىلادى.
