كەڭەس بارىسىندا اۋىل شارۋاشىلىعى ونىمدەرى مەن ولاردى قايتا وڭدەۋ ونىمدەرىنىڭ ەكسپورتىن دامىتۋدىڭ كەشەندى ۇلتتىق جۇيەسىن ىسكە اسىرۋ باعىتتارى تالقىلاندى. ەكسپورتتىق الەۋەتكە يە تاۋارلاردىڭ «ەكسپورتتىق قورجىنى» قارالدى.
اۋىل شارۋاشىلىعى ونىمدەرى مەن ولاردى قايتا وڭدەۋ ونىمدەرىنىڭ ەكسپورتى 2017 جىلدىڭ قاڭتار–تامىز ارالىعىندا $1 347,9 ملن بولدى. 2016 جىلدىڭ وسى كەزەڭىمەن سالىستىرعاندا اوك ونىمدەرى ەكسپورتىنىڭ 10,6% پايىزعا ($1205,9 ملن-نان $1 347,9 ملن دەيىن), سونىڭ ىشىندە اۋىل شارۋاشىلىعى ونىمدەرىن قايتا وڭدەۋ ونىمدەرى 9,9 پايىزعا ($563,1 ملن-نان $625 ملن دەيىن) ارتقانى بايقالادى. ەكسپورت قۇرىلىمى بويىنشا نەگىزگى كولەم بيداي (28,3%) مەن ۇنعا (21,0%) تيەسىلى.
