وعان بۇل پاتەر مەملەكەت تاراپىنان جالعا بەرىلسە كەرەك. تۇراقتى جۇمىسى جوقتىقتان ءارى جان باعۋ ءۇشىن ءتۇرلى جۇمىستار ىزدەگەندىكتەن دامير ينيۋشەۆ جىلۋ بەرەتىن مەكەمەگە ەداۋىر قارىز بولىپ شىعا كەلگەن. ەگەر ول جاقىن ارادا 30 مىڭ تەڭگە قارىزىن وتەمەسە جانە جالعا العان پاتەرىنىڭ اقىسىن تولەمەسە, ونى ۇيدەن شىعارىپ جىبەرەدى. دامير ينيۋشەۆ ءوز باسىنداعى جاعدايدى ايتىپ, «وتباسى ورتالىعى» قوعامدىق قورىنا كەلدى.
سوڭعى كەزدەرى سەمەيدە ءومىردىڭ ءتۇرلى تالقىسىنا تۇسكەندە كومەك بەرەتىن جاڭا جۇيە ىسكە قوسىلعان. وسىنداي كۇردەلى جاعدايلاردا «وتباسى ورتالىعى» باستاماسىمەن ارنايى جۇمىس توبى قۇرىلىپ, قالا اكىمىنىڭ ورىنباسارى نادەجدا شاروۆانىڭ باسشىلىعىمەن جانە ءتيىستى مەكەمە, ۇيىم وكىلدەرى باستارىنا ءىس تۇسكەن وتباسىلار مەن جەكەلەگەن ادامدارعا كومەكتەسىپ كەلەدى.
– مەن «جاستار» كوللەدجىن اسپاز-كونديتەر ماماندىعى بويىنشا ءبىتىردىم, – دەيدى دامير ينيۋشەۆ, – قالاداعى جۇمىسپەن قامتۋ ورتالىعى مەملەكەتتىك مەكەمەلەردەگى ءتۇرلى اسحانالارعا بىرنەشە رەت جۇمىسقا جىبەردى. بىراق بارلىعى دا ۋاقىتشا عانا الادى. كەيدە جەكەمەنشىك اسحانالار جۇمىسقا الاتىن. بىراق بۇل جەرلەردە دە جۇمىس بەرۋشىلەردىڭ تۇراقتى ۇستاۋعا ق ۇلىقتارى جوق. ايتەۋىر كەلىپ-كەتەتىن جۇمىس قولىنا ۇيرەنىپ العان. «جاستار تاجىريبەسى» باعدارلاماسىمەن نەمەسە قوعامدىق جۇمىس رەتىندەگى جولدامامەن كەلگەندەردى عانا الادى. ويتكەنى ستيپەنديانى «جۇمىسپەن قامتۋ» باعدارلاماسى تولەيتىندىكتەن, جۇمىس بەرۋشىلەر ءوز قالتالارىنان كوك تيىن شىعارعىسى كەلمەيدى.
سونىمەن دامير «جىلۋكوممۋنەنەرگو» مەكەمەسىنە 22 مىڭ تەڭگە جانە پاتەرگە 8 مىڭ تەڭگە تولەۋى كەرەك.
قالاداعى تۇكش ءبولىمى باستىعىنىڭ ورىنباسارى امانتاي وتەپباەۆتىڭ ايتۋىنشا, «جىلۋكوممۋنەنەرگو» كمك بويىنشا قارىزدى وتەۋ ءۇشىن اتالعان مەكەمەگە بارىپ, جاعدايدى ءتۇسىندىرۋ كەرەك. وسىلايشا قارىزدى ءبولىپ تولەۋ ماسەلەسى شەشىلەدى. دەسەك تە, جاس جىگىت ونى قانداي اقشاسىمەن ءبولىپ تولەمەك, وسى جاعى تۇسىنىكسىز. جانە ول قالاي كۇن كورەدى؟ وعان سەمەيدەگى مەيرامحانالار اسحانالاردىڭ بىرىنەن تۇراقتى جۇمىس قاجەت.
راۋشان نۇعمانبەك,
جۋرناليست
سەمەي
