باس حاتشى قۇتتىقتاۋ حاتىندا قازاقستان مەملەكەتى قابىلداعان بۇل تاريحي شەشىم تۇركى تىلىندە سويلەيتىن حالىقتار مەن ەلدەردىڭ اراسىنداعى الەۋمەتتىك, مادەني جانە ەكونوميكالىق قارىم-قاتىناستى جاڭا دەڭگەيگە شىعاراتىندىعىن ايتادى.
«تۇركىتىلدەس مەملەكەتتەردىڭ ىنتىماقتاستىق كەڭەسى قازاقستاننىڭ لاتىن الىپبيىنە كوشۋ شەشىمىن ىستىق ىقىلاسپەن جانە قۋانىشپەن قابىلدادى.
تۇركى كەڭەسىن قۇراۋشى ەلدەردىڭ ءبىرى سانالاتىن قازاقستاننىڭ قابىلداعان بۇل تاريحي شەشىمى تۇركىتىلدەس حالىقتار مەن ەلدەردىڭ اراسىنداعى الەۋمەتتىك, مادەني جانە ەكونوميكالىق قارىم-قاتىناستى جاڭا دەڭگەيگە شىعارادى.
قازاقستان پرەزيدەنتى نۇرسۇلتان نازارباەۆتىڭ دانا كوشباسشىلىعى مەن ەل حالقىنىڭ ۇلكەن قادامى ارقىلى قابىلدانعان لاتىن ءالىپبيى قازاقستاننىڭ شار تاراپقا تاراعان بايلانىستارىن جەدەلدەتەتىنىنە سەنىمىمىز مول».
«وسى ورايدا, قازاقستان پرەزيدەنتى جانە تۇركى الەمىنىڭ اقساقالى قۇرمەتتى نۇرسۇلتان نازارباەۆتى جانە باۋىرلاس قازاق حالقىن بۇل تاريحي ۇدەرىستىڭ باستالۋىنا سايكەس تۇركى كەڭەسى جانە ءوز اتىمنان شىن كوڭىلدەن قۇتتىقتاپ, وسى باعىتتا بۇدان دا بيىك تابىستارعا جەتە بەرۋلەرىنە تىلەكتەستىگىمدى جەتكىزگىم كەلەدى», دەپ جازىلعان قۇتتىقتاۋ حاتتا.
