رەسپۋبليكالىق قوعامدىق كەڭەس وتىرىسىنا پارلامەنت دەپۋتاتتارى, مادەنيەت جانە سپورت مينيسترلىگىنىڭ, ورتالىق مەملەكەتتىك جانە جەرگىلىكتى اتقارۋشى ورگانداردىڭ قىزمەتكەرلەرى, ۇەۇ باسشىلارى, پارتيانىڭ ورتالىق اپپارات پەن ايماقتىق فيليالدارىنىڭ, قوعامدىق كەڭەستەردىڭ, باق-تىڭ وكىلدەرى قاتىستى.
كەڭەستە اتالعان سالا بويىنشا سىبايلاس جەمقورلىققا كاتىستى قىلمىستار سانىنىڭ ءوسىپ وتىرعانى اتاپ ءوتىلدى. سىبايلاس جەمقورلىققا قارسى قىزمەت وسى سالادا 2015-2016 جىلدار مەن 2017 جىلدىڭ 6 ايىندا 175 سىبايلاس جەمقورلىق قىلمىستارى تىركەگەن, ونىڭ ىشىندە 2015 جىلى – 57, 2016 جىلى – 74 جانە 2017 جىلدىڭ 1-ءشى جارتىجىلدىعىندا – 44.
رەسپۋبليكالىق كەڭەستە قاراۋعا دايىنداۋ ءۇشىن «نۇر وتان» پارتياسىنىڭ جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس توراعاسىنىڭ ورىنباسارى ق.سۇلەيمەنوۆ باسشىلىق ەتكەن جۇمىس توبى قۇرىلىپ, ونىڭ قۇرامىنا ءماجىلىس دەپۋتاتتارى ب.كەسەباەۆا, ا.پلاتونوۆ, «نۇر وتان» پارتياسىنىڭ ورتالىق اپپاراتىنىڭ قىزمەتكەرلەرى, مادەنيەت جانە سپورت مينيسترلىگىنىڭ وكىلدەرى ەنگىزىلدى.
تالداۋ ناتيجەسىندە مادەنيەت جانە سپورت سالاسىندا سىبايلاس جەمقورلىقتىڭ ەلەۋلى قاۋپى بار ەكەندىگى, وعان قارسى مينيسترلىك پەن جەرگىلىكتى اتقارۋشى ورگاندار تاراپىنان قاجەتتى شارالار بولماي وتىرعاندىعى انىقتالدى.
رەسپۋبليكالىق قوعامدىق كەڭەس وتىرىسىنىڭ قورىتىندىسى بويىنشا ورتالىق جانە اتقارۋشى ورگاندارعا انىقتالعان كەمشىلىكتەردى جويۋ بويىنشا ناقتى ۇسىنىمدار بەرىلدى.
«ەگەمەن-اقپارات»
