ءبىر كەزدە تاريح بەدەرىندە ءبىز مۇنداي قادامدى جاساعانبىز. بالالارىمىزدىڭ بولاشاعى ءۇشىن وسىنداي شەشىم قابىلداۋعا ءتيىسپىز جانە بۇل الەممەن بىرلەسە تۇسۋىمىزگە, بالالارىمىزدىڭ اعىلشىن ءتىلى مەن ينتەرنەت ءتىلىن جەتىك يگەرۋىنە, ەڭ باستىسى – قازاق ءتىلىن جاڭعىرتۋعا جاعداي تۋعىزادى» – دەپ اتاپ كورسەتتى.
بۇقارالىق اقپارات دەرەكتەرىنە سۇيەنسەك, بۇگىندە الەمنىڭ 70% ەلدەرى لاتىن جازۋى ارقىلى ءبىلىمدى يگەرىپ, عىلىمي-زەرتتەۋلەرمەن تانىسۋدا. بۇل – ءبىلىم, عىلىم, ساياسات پەن تەحنيكا, مادەنيەت پەن ونەر, سپورت, ت.ب. قاتىستى جازباشا اقپاراتتىڭ بارلىعى دەرلىك لاتىن گرافيكاسىمەن بەرىلەدى, قوعامدىق ومىردەگى جاڭالىقتاردىڭ باسىم بولىگى وسى گرافيكانىڭ نەگىزىندە تارالادى دەگەندى بىلدىرەدى. دەمەك لاتىن ءالىپبيىنىڭ وتانىمىزدىڭ الەمدەگى دامىعان 30 ەلدىڭ قاتارىنا قوسىلۋ تالابىنىڭ ورىندالۋى جولىندا ماڭىزدى ءرول اتقاراتىنى ءسوزسىز.
ءالىپبيدى لاتىنمەن اۋىستىرعاندا ۇتاتىنىمىز: بىرىنشىدەن, ءتىل تازالىعى ماسەلەسى. تىلىمىزدەگى قازىرگى جات دىبىستاردى تاڭبالايتىن ارىپتەردى قىسقارتىپ, سول ارقىلى قازاق ءتىلىنىڭ تابيعي تازا قالپىن ساقتاۋعا مۇمكىندىك الامىز. ەكىنشىدەن, باسى ارتىق تاڭبالارعا قاتىستى ەملە, ەرەجەلەر قىسقارادى. ۇشىنشىدەن, لاتىن الىپبيىنە كوشۋ – قازاق ءتىلىنىڭ حالىقارالىق دارەجەگە شىعۋىنا ىقپال ەتەدى. قازاق تىلىنە كومپيۋتەرلىك جاڭا تەحنولوگيالار ارقىلى حالىقارالىق اقپارات كەڭىستىگىنە كىرىگۋگە ءتيىمدى جول اشىلادى. تورتىنشىدەن, تۇركى دۇنيەسى, نەگىزىنەن, لاتىندى قولدانادى. ولارمەن رۋحاني, مادەني, عىلىمي, ەكونوميكالىق قارىم-قاتىناستى, تىعىز بايلانىستى كۇشەيتەمىز.
لاتىن الىپبيىنە كوشۋ – قازاق حالقىنىڭ العا جىلجۋىنا, جاڭا زامان تالابىنا ساي ءوسىپ-وركەندەۋىنە, بولاشاقتا ەلىمىزدىڭ جان-جاقتى دامۋىنا زور ۇلەس قوسارى ءسوزسىز. لاتىن الىپبيىنە كوشە وتىرىپ, وركەنيەتتى ەلدەردىڭ قاتارىنا قوسىلىپ, تىلىمىزدەگى دىبىستىق جۇيەلەردى انىقتاپ, قازاق ءتىلىنىڭ جازىلۋى مەن دىبىستالۋ كەزىندە سوزدەر قولدانىسىنداعى ارتىق كىرمە سوزدەردەن ارىلامىز. لاتىن الىپبيىنە كوشۋ بولاشاق ءۇشىن ماڭىزدى.
شاعانگۇل جاناەۆا,
مۇحتار اۋەزوۆ اتىنداعى پەداگوگيكالىق كوللەدجدىڭ ديرەكتورى
سەمەي
