بۇل جەردە بۇرىن قۇرىلىسى اياقتالماي ۇزاق جىلدار تۇرعان عيمارات بولعان-دى. ەندى مىنە, جاڭا زامان ساۋدا ءۇيى جاڭارىپ, جارقىراپ تۇر.
گيپەرماركەتتىڭ بوي كوتەرىپ, ىسكە قوسىلۋىنا 130 ميلليون تەڭگە جۇمسالىپ, قازىر 60 ادام جۇمىسقا الىندى. ساۋدا ءۇيىنىڭ سورەلەرى تولىپ تۇر, نە كەرەكتىڭ ءبارى دە بار. ساياجاي شاعىن اۋدانى وبلىس ورتالىعىنان شەتكەرى ورنالاسقاندىقتان, ازىق-ت ۇلىك ونىمدەرى, كوكونىس, باسقا دا كۇندەلىكتى تۇتىنۋ زاتتارى بار گيپەرماركەتتىڭ قاجەتتىگى بۇرىننان بەرى-اق ايىتىلىپ جۇرگەن-ءدى.
ەكىنشى ءبىر ەرەكشەلىگى, ساۋدا ۇيىندە حالىققا قىزمەت كورسەتۋ ورتالىعىنىڭ اشىلۋىنا شاعىن اۋدان تۇرعىندارى قۋانىشتى. ويتكەنى, وبلىس ورتالىعىندا ورنالاسقان ورتالىقتىڭ نەگىزگى كەڭسەسىنىڭ جۇكتەمەسىن ازايتۋعا مۇمكىندىك بەرەدى. ەندى كوشى-قون پوليتسياسىنىڭ كەڭسەسى دە اشىلۋى مۇمكىن. بۇل كەڭسە مەملەكەتتىك-جەكە مەنشىك ارىپتەستىك شەڭبەرىندە جۇمىس جاساۋدا. ورتالىق ساۋدا ۇيىنە جالگەرلىك تولەماقى جاسالمايدى, تەك كوممۋنالدىق قىزمەتتەر تولەنەدى. شاعىن اۋدان تۇرعىندارى ءۇشىن ءتيىمدى جاعداي جاسالدى.
فاريدا بىقاي,
«ەگەمەن قازاقستان»
پاۆلودار
